Yela 8 - mzwDBL

Korowii Jirima ne nɛwɛnyini jirima

Kooro Devid yel

¹ N Naa Korowii yaa dɛ tomɛ, he sɔn kan harɛ nɔ ta bobɛlbwa! Nɛra dɛ kpɛɛre kohona, aa tel nyundua bwa.

² Bechale ne bifola bwa ɡo yela dɛɛ kpɛɛre he dɔma wa, dɛ ɡel dɔma ne nɛra baa kpɔ waa dɛɛ bɔ waa kem la nyoa sɔɔh.

³ Dɛ n ta sie dɛ nyiŋi nyundua, dɛ lii kwaa haa taa, ne ɡɛ haa kpɔ korobie ne weweela cheɡ a chebɔra aa,

⁴ nɛwɛnyini ɡee bɔkwa, asɛ hɛɛ lii o waɔ? Nɛwɛnyini ɡee bɔkwa, hɛɛ dawɛ o waɔ?

⁵ Tamaa kenii he ɡel nyundua toroma ɡwaa nɛwɛnyini, he ɡelɔ nɛn dɔ jirima asɛ komɛlbwa ɛɛ tɛo duure.

⁶ He ɡelɔ o dɔ komɛlbwa kpeɡri a do o lɔɡa,

⁷ peera ne nae, dɛ kpɔɡ bini ola bwa,

⁸ ne jumbii aa lɔ nyundua, dɛ pɛŋa aa lɔ mpo bini, ne komɛlbwa aa lɔ o bini bwa.

⁹ N Naa Korowii yaa dɛ tomɛ, he sɔn kan harɛ nɔ ta bobɛlbwa!