Yela 70 - mzwDBL

Chae wesoŋa

Kooro Devid yel

¹ N Naa Korowii, n dɛ soŋe, lɛɛ mɛ. Ba warane, dɛ́ ba cha mɛ.

² Gel sihiih kpo nɛra baa dɛ nyin mɛ dɛ́ kpo la, bá wili. Nɛra ba sie aa dɛ lɛ n wenaale ta la, ber ba kaa, dɛ́ ɡel sihiih kpo ba.

³ Gel banɔ la baa dɛ mam mɛ la bambile chɔɡ, he pɔe haa pɔ ba nɛɛ la wa.

⁴ Nɛra baa laŋa kaa tomɛ la, ɡel ba dɔ silɛɛ dɛɛ hɛɡre. Gel nɛra haa lɛɛ ba ba dɔ mkpa la ɛɛ ŋɔ, “Na ɡɛ Korowii aa kana!”

⁵ N Naa Korowii, n nyao dɛ ɛ nɛŋɡwɛɡre, ba n be warane. Henee n Lɛɛ, n poori, ba warane dɛ́ ba cha mɛ.