Yela 67 - mzwDBL

Korowii jaama

Kooro Devid yel

¹ N Naa Korowii, na ya sum dɛ swee yaa andɛɛɡa, nyiŋi ya nɛɛ dɛ́ na ya sum,

² ásɛ harɛ nɔ ta nɛra bwa jemɛ waa haa dɛ nyin, ɡɛ aa ɛ ásɛ ba bwa na ɡɛ haa won nɛra lɛɛ.

³ N Naa Korowii, ɡel harɛre nɛra bwa kpɛɛre, kasinteŋ, a chɛ kɛ bá bwa kpɛɛre.

⁴ Gel harɛre nɛra bwa ɡo silɛɛ yela, dɛkalkɛŋɔ he bol waa dɛɛ pa bole aŋwɛnɛ ta, dɛɛ baɡ ba ŋwɛnɛ baa kpɔ o ta.

⁵ N Naa Korowii, ɡel harɛre nɛra bwa kpɛɛre, kasinteŋ, a chɛ kɛ bá bwa kpɛɛre.

⁶ Kondikwa ɛɛ wonoo ɛ ya harɛ nɔ ta kohona, Korowii yaa dɛ tomɔ la ɛɛ swee yaa andɛɛɡaa.

⁷ Korowii ɛɛ swee yaa andɛɛɡaa, ásɛ nɛra baa lɔ harɛ jaɡa bwa ɛɛ tomɔ.