Yela 64 - mzwDBL

Nɔn kpɔe dɛ́ tɔ nɛn nɛɛ wesoŋa

Kooro Devid yel

¹ N Naa Korowii, cheɡ deŋne no n wesoŋa nɔ, kpɔ nɔn tɔ n nɛ, dɛ́ lɛɛ mɛ le ɔma maa dɛ ɔmɛ n dɔma ta.

² Lɛɛ mɛ le nyubinikpeɡ tena vɔrɔwa nyoa, lɛɛ mɛ le wechɔɡ-ɛɛra baa wara nɔn ta.

³ Ba nyoa wobol nyɛɡre kɛŋɔ, kere, dɛɛ yaɡɛ kɛŋɔ kpaah yon ta hɛmchɔɡe la ken.

⁴ Nyubinikpeɡ tena baa wola ɔmɛ la, ta hɛma wɔrɔbe nɛɛ le ba sɔɔhbɔr, dɛɛ yaɡɛ nɛra ba wa aa toɡra.

⁵ Ba dɛ do dɔŋa ɡbemba ba wechɔɡa vɔrɔwa ta, dɛɛ baɡle bela baa kpɔ kwaa baa kpɔ haɡre bela la sɔh. Ba yon ŋɔ, “Nomɛlbwa aa yaa na.”

⁶ Ba dɛ vɔrɔwe wechɔɡa dɛ́ ŋɔ, “Waa yaa vɔrɔwa nɔ maɡrɔ kɛrɛdɛ!” Kasinteŋ, nɛwɛnyini tea bini aa jemɛ.

⁷ Korowii ɛɛ tɛr ba deŋnee, ba ne jara dɛ ba choɡlo chɔ, kɛŋɔ baa ta hɛma yaɡ ba ken.

⁸ Wɛɛ ɡeloo ba vɔrɔwa la bwa ɡure ba nyu ta, ásɛ nɛra na ba dɛɛ viiɡi ba nyuune, dɛɛ mam ba.

⁹ Nɛwɛnyina bwa ɛɛ ɔmɔɔ, dɛ́ na waa Korowii aa ɛa, dɛ́ kpɔ do ba liire bini.

¹⁰ Nɛra ba wa aa toɡra bwa ɛɛ hɛɡroo, dɛ́ chwa ka marɔ, ásɛ nɛra ba bambile bini aa toa kpɛɛro.