Yela 54 - mzwDBL

Nɔn kpɔe dɛ́ tɔ nɛn nɛɛ wesoŋa

Kooro Devid yel

¹ N Naa Korowii, che he sɔnjen la ta, dɛ́ lɛɛ mɛ, che he kpeɡri ta, dɛ́ pa mɛ bole!

² N Naa Korowii, no n wesoŋa, no n waa maa dɛ bol!

³ Nɛŋhɔɔhra balɔ dɛɛ ba ba yoo mɛ, nyubinikpeɡ tena ba siwi aa kpeɡa, dɛ nyin mɛ dɛ́ kpo. Banee nɛra baa wola hen Korowii komɛl yerɛ la.

⁴ N Naa Korowii, henee dɛɛ cha mɛ, henee dɛɛ tɛ mɛ bokpeɡa.

⁵ Gel n dɔma vɔrɔwa baa vɔrɔwa ɡure ba nyu ta, che he kasinteŋ ta dɛ́ chɔɡ ba.

⁶ N Naa Korowii, mɛɛ ɛ saraha aa le n bambile taa tɛɛ, mɛɛ kpɛɛ he sɔn laanee, dɛkalkɛŋɔ he waa wer.

⁷ Henee lɛɛ mɛ n wahala bwa ta, dɛ ɡel n na n dɔma chola.