Yela 52 - mzwDBL

Korowii nɔn taa wobɛlbwa do

Kooro Devid yel

¹ Nomonjen, ɛrɛɛ hɛɛ baɡle he te wechɔɡa ɛɛ ta nɔɔ? Korowii nyina waa dɛ nyin yaa, lole saŋ bɛlbwa.

² He vɔrɔwe nɛra vɔrɔwa dɛ́ chɔɡ ba, he nyondoŋe do kɛŋɔ naŋɡɔse ken, saŋ bɛlbwaa hɛɛ teŋe nyosone.

³ He dɛ nyin wechɔɡa dɛ ɡwaa wedɛɛɡa, dɛɛ nyin nyosone dɛ ɡwaa kasinteŋ dii.

⁴ Nyosontenŋi bɛl le! He dɛ chɔɡ nɛra he nyoa wobol ne!

⁵ Anomanta, Korowii ɛɛ chɔɡee saŋ bɛlbwa dɛɛ la, dɛ́ ba jo he dem tɛre le, dɛ́ lawɛ le harɛ nɔ ta.

⁶ Nɛra ba wa aa toɡra la ɛɛ nao dɛ́ ɔmɛ, baa dɛɛ mamɛɛ ŋɔ,

⁷ “Hé na, baa waa wola Korowii kpɔe ɛ o Kpeɡnɛn laanee la. O kpɔ o hwɛɡa bwa do o kondɔɔh ta, o nyu bini do kpeɡri kohona o bala chɔɡa ta.”

⁸ Kɛ n te, n do kɛŋɔ ɔleve da, dɛ che Korowii Dea dɛɛ kpeɡ. N dɛ hwɛɡɛ Korowii nyina aa wola jaɡa dɔe saŋ bɛlbwa la ta.

⁹ Mɛɛ kpɛɛree saŋ bɛlbwa, he waa haa ɛa wa, he sɔn la taa mɛɛ hwɛɡɛ, dɛkalkɛ he waa wer, dɛ́ kpɛɛre he nɛra ba wa aa toɡra sie.