Yela 47 - mzwDBL

Koojen tenten wa

Kora dea bii yel

¹ Harɛre bwa nɛra, hé lɔ kpaŋa, á baɡle kɛ he sie lɛo, hé do lɔŋɔre kpɛɛ Korowii silɛɛ yela ne.

² Nemenɛ Korowiirii ɔma kohona, onee koojen waa dɛ nyiŋi harɛ nɔ bwa ta.

³ Onee ɡela ya yo harɛre nɛra, dɛ pɔ ba nɛ, ba ba do ya lɔɡa.

⁴ Onee le ya harɛ yaa soɡe o ta nɔ cheɡ tɛ yaa, o ɡbabir nɛra Israel tena waa dɛ nyin yaa, dɛ kpɔ tɛ yaa o ɛ ya kapɛrɛ kon la.

⁵ Korowii iro dɛɛ la ka so o kookara ta, nɛra hoh bɛle silɛɛ ne dɛɛ moo.

⁶ Hé ɡo yela kpɛɛ Korowii, hé ɡo yela kpɛɛ on waa ɛ ya kooro la.

⁷ Korowii dɛ di kora harɛ nɔ nɛra bwa nɛ, hé ɡo yela kpɛɛro.

⁸ Korowii soɡe o kookara waa do ɡoroŋ ta, dɛɛ di kora harɛre nɛra bwa nɛ.

⁹ Harɛ nɔ ta koranar chemo, ba ne Korowii Abraham aa tomɔ nɛra. Harɛ nɔ ta koranar bwa lɔ o lɔɡa, o dɔŋ toole.