Yela 4 - mzwDBL

Jɔmɔra chae wesoŋa

Kooro Devid yel

¹ N Naa Korowii, he waa toɡrɔ, no n wesoŋa saŋ bɛlbwa. Lɛɛ mɛ le n wahala ta, na n sum, dɛ́ no n wesoŋa.

² Saŋ besoo he nɛra haa dɛ chɔɡ mɛ la ɛɛ ba ɡela ɔ? Saŋ besoo hɛɛ ba waa aa ɛ wepuu, ne nyosone waa ta teŋa ɡela ɔ?

³ Hé jemɛ kɛŋɔ Korowii le nɛn, o wa aa toɡra tɛ o te biɡri. Saŋ bɛlbwa maa wi noo la, o dɛ no.

⁴ He bɛ ɡel he baah di bandichɔɡa he ɛ wechɔɡa, he ka chɔ dɛ lii a wa, saŋ haa chɔ he kalaŋre ta la.

⁵ He ɛ sarahare Korowii aa ŋɔa la ásɛ dɛɛ yaradao.

⁶ Nɛra warɔ dɛɛ soŋe ŋɔ, “Umee dɛ́ won ɡel yá dɔ wedɛɛɡa ɔ?” N Naa Korowii, na ya sum.

⁷ He ɡelɔ n dɔ silɛɛ kohona, ɡwaa silɛɛ nɛra yon dɔ, ɡɛ saŋ mea ne sen yon bu ba nɛɛ la.

⁸ Mɛɛ chɔ domii deŋnesɔɔhna ne, dɛkalkɛŋɔ hen Korowiirii kpɔ nɔn dɛɛ tɔ n nɛ.