Yela 33 - mzwDBL

Korowii kpɛɛra yel

¹ Nɛra he wa aa toɡra bwa, hé ɡo silɛɛ yela kpɛɛ Korowii waa waa ɛa wa, nɛra haa dɛ teŋɛ o waa ta bwa, hé kpɛɛro.

² Hé lɔ janjela kpɛɛ Korowii, hé kpɔ koŋkwaa baa kpɔa dɛɛ hɛlɛ bwa soo siwi, lɔ yela kpɛɛro.

³ Hé ɡo yelfale tɛo, hé lɔ janjela kɛrɛdɛ, dɛ́ moo silɛɛ ne.

⁴ Kasinteŋ lɔ Korowii waa ta, o waa waa dɛ ɛ bwa wer.

⁵ Korowii dɛ nyin wa aa toɡra dɛ do wer, o nyina aa wola jaɡa dɔe lɔ harɛ nɔ nɛra bwa nɛ.

⁶ Nyoa wobol nee Korowii ta nyundua, ne kwaa aa lɔ nyundua bwa.

⁷ Onee ɡela mpo boa nyoa chɔ bobeŋkpoŋ, dɛ kwaa a vile cheɡ kɛŋɔ, paa yon kwaa kondikwaa cheɡ dɔndɔŋ bini la.

⁸ Harɛ nɔ ta nɛra, hé tomɛ Korowii, hé kpɔ duure tɛo.

⁹ Nyoa wobol nee Korowii ta harɛ, asɛ komɛlbwa do le, dɛ ɛ ɡɛ waa ŋɔa.

¹⁰ Korowii chɔɡ harɛre nɛra vɔrɔwa baa vɔrɔwa, o lɔ waa baa dɛ vɔrɔwe bwa ta.

¹¹ O wobɛlbwa waa vɔrɔwa dɛ che kiŋkiŋ saŋ bɛlbwa dɛɛ la, o liire aa charɛ bwa, a lole saŋ bɛlbwa dɛɛ la.

¹² Harɛ bɛlbwa nɛra baa kpɔ Korowii dɛɛ tomɔ, o lee ba tɛ o te la, ba na som.

¹³ Korowii soɡe nyundua, dɛɛ na nɛwɛnyina bwa harɛ ta.

¹⁴ O soɡe bela waa dɛ di kora, dɛɛ na nɛra baa lɔ harɛ nɔ ta bobɛlbwa.

¹⁵ Onee tɛ nɛwɛnyina liire, dɛ jemɛ waa baa dɛ ɛ bwa.

¹⁶ Kooro laa tena wara laa ɡela o yo laa dɛɛ pɔ o dɔma nɛ, banyoo kpeɡri laa ɡela o yo dɛɛ le.

¹⁷ Jaɡre baa soɡe a ta dɛɛ yo, aa won ɡel nɛn pɔ o dɔm nɛɛ laa ta, a bokpeɡa kohona laa dɛ́ won lɛ naate.

¹⁸ Korowii sie lɔ nɛra baa dɛ teŋɛ o waa ta, nɛra baa dɛ hwɛɡɛ o nyina aa wola jaɡa dɔe ta la.

¹⁹ O lɛɛ ba dɛɛ le seo nyoa, dɛ́ ɡel ba so le, hale lɔr saŋ.

²⁰ Ya hwɛɡa bwa lɔ Korowii nɛ, onee dɛɛ cha yaa, dɛɛ tɔ yaa ɡbemɡbe.

²¹ Ya dɛ hwɛɡɛ o sɔn waa do ɡoroŋ la ta, anomanta, ya dɛ hɛɡre.

²² N Naa Korowii, ɡel he nyina aa wola jaɡa dɔe la ba ya nɛ, he nɛɛ ya kpɔ ya hwɛɡa bwa do.