Yela 3 - mzwDBL

Saŋ Kooro Devid aa chwaa le o bibaa Absalɔm be

Kooro Devid yel

¹ N Naa Korowii, n dɔma warɔ, ba warɔ dɛ che n nɛ.

² Dɔma la ɡalɡa dɛ bol n waa ŋɔ, “Korowii aa on lɛɛ ba.”

³ N Naa Korowii, henee dɛɛ tɔ mɛ ɡbemɡbe. N Naa Korowii, henee tɛ mɛ jirima, dɛ ɡel n dɔ hwɛɡa.

⁴ N wio no Korowii takpeɡ ne, asɛ o no n be o deŋɡare waa do ɡoroŋ la ta.

⁵ N dɛ chɔ dɛ́ chɔ dom kɛrɛdɛ, dɛ́ ir ja, dɛkalkɛŋɔ Korowiirii dɛɛ nyiŋi n nɛ.

⁶ N dɔma warɔ ɡɛ bɛlbwa kwaraa naa, maa ɔmɛ.

⁷ N Naa Korowii maa dɛ tomɛ, ir nyu ne dɛ́ lɛɛ mɛ! N Naa Korowii, sɔɔh n dɔma nyoa.

⁸ N Naa Korowii, henee dɛɛ lɛ nɛra, swee andɛɛɡa tɛ he nɛra.