Yela 29 - mzwDBL

Korowii taa waa kpeɡa wa

Kooro Devid yel

¹ Nyundua toroma, hé kpɛɛ Korowii, hé kpɛɛ o jirima ne kpeɡri waa dɔa wa.

² Hé baɡle kɛŋɔ o sɔn la dɔ jirima kohona, hé tomɛ Korowii Waa Do Goroŋ, dɛ dɔ jirima kohona la.

³ Korowii taa bɔle mpo ta, Korowii waa dɔ jirima kɔrɔ kɛŋɔ bwaala ken, a ka le mpo ta bobɛlbwa.

⁴ Korowii taa kpeɡri, dɛ do kan, dɛ dɔ jirima kohona.

⁵ Korowii taa kpeɡri dɛ won peleme daa kuuɡa, hale dakpeɡa aa lɔ Lɛbanɔn.

⁶ O taa ɡelɔ Lɛbanɔn bwejena ɛɛ yiiɡi kɛ nabiiri aa dɛ jah, Hɛmɔn Bwejen ɡe do kɛ nabale waa dɛ jah.

⁷ Korowii bol wa, a do kɛ bwaala aa nyɛɡla.

⁸ O taa ɡbo ɡelɔ pua hɛŋle ɡbo harɛ jiɡri, o ɡelɔ Kades pua hɛŋle ɡbo harɛ jiɡri.

⁹ Korowii taa yiiɡi dakpeɡa, dɛ chure kɔr bini daa papooni ta. Asɛ nɛra baa lɔ o Dea ɛɛ dooɡe lɔŋɔre ŋɔ, “Hé kpɔ jirima tɛ Korowii!”

¹⁰ Korowii dɛ di kora mpo vile ta, o dɛ di kora saŋ bɛlbwa dɛɛ la.

¹¹ Korowiirii dɛɛ tɛ o nɛra bokpeɡa, dɛɛ swee ba andɛɛɡa, dɛɛ tɛɛ ba deŋnesɔɔhna.