Yela 23 - mzwDBL

Korowii waa dɛ nyiŋi ya nɛ

Kooro Devid yel

¹ Korowii do kɛ peteɡre dɛɛ nyiŋi n nɛ, komɛlbwa aa men nya.

² O ɡelɔ mɛɛ chɔ bela kpɔɡlwɛɛ aa lole, dɛ tɔ n sie dɛɛ kaa nee aa wera ta.

³ O dɛ tɛ mɛ bokpeɡfala, dɛ tɔ n sie dɛɛ baɡ mɛ ŋwɛnɛdɛɛɡa, o sɔnjen la wa.

⁴ Hale n dɛ valɛ biro tenten bini kwaraa naa, maa ɔmɛ, dɛkalkɛ he ja n nɛ, he daŋɡbala haa kpɔa dɛɛ teɡɛ peera laanee dɛɛ tɛ mɛ bosɔɔhna.

⁵ He ɛ kondikonjena cheɡ n sie, n dɔma bwa siwi ta. He fuɡe noo do n nyu ta, dɛ ɡel n numol su dɛɛ ta.

⁶ N jemɔ kɛ he waa wer hɛɛ nyin mɛ nomanta, hɛɛ ja n nɛɛ n soɡa bini tɔpere bɛlbwa, ásɛ n so hen Korowii Dea, saŋ bɛlbwa dɛɛ la.