Yela 150 - mzwDBL

Hé kpɛɛ Korowii!

¹ Hé kpɛɛ Korowii! Hé kpɛɛ Korowii o Dea bela! Hé kpɛɛro, o kpeɡri waa dɔa nyundua wa!

² Hé kpɛɛro o wejena waa ɛa wa. Hé kpɛɛro o kan waa doa kohona ɡwaa komɛlbwa wa.

³ Hé hoh bɛle kpɛɛro, dɛ́ lɔ janjela ne kwaa bwa soo siwi kpɛɛro.

⁴ Hé yiiɡi loŋa kpɛɛro dɛɛ sa. Hé lɔ janjela, dɛ́ hoh kalipere kpɛɛro.

⁵ Hé lɔ ɡboŋri kpɛɛro. Hé kpɔ ayaawa kwaa anɛ dɛ́ɛ lɔ dɔŋa, dɛ́ɛ hɛlɛ kohona.

⁶ Korowii kontaala aa dɛ hwee bwa, hé kpɛɛro! Hé kpɛɛ Korowii!