Yela 142 - mzwDBL

Chae wesoŋa

Kooro Devid yel

¹ N do lɔŋɔ yerɛ Korowii, n soŋo ŋɔ ó na n sum.

² N kpɔ n waa bwa bil o sie, dɛ bol n wahala nae baɡlo.

³ Dɛ n bambile chɔɡɔ aa, onee dɛɛ baɡ mɛ ŋwɛnɛ. N dɔma sɔɔh kpɔ bel harɛ ŋwɛnɛ maa dɛ kpɔ o ta la ta.

⁴ N keo nyiŋi na naa, nomɛlbwa toole dɛ́ cha mɛ. N ta nɛn maa chwa ka sɔh o be dɔe, nomɛlbwa waane laa n nyu dɔe wa.

⁵ N Naa Korowii, n wio dɛɛ noe ŋɔ he cha mɛ, henee dɛ waa puu mɛ naa, n chwa baa marɛ harɛ nɔ ta.

⁶ Cheɡ deŋne no n wii, dɛkalkɛ n siwi beɡrɔ. Lɛɛ mɛ le n dɔma nɔn ta, ba kpeɡri ɡwaa n nɛ.

⁷ Lee mɛ suna maa dɛ di nɔ ta, ásɛ n kpɛɛre he nɛra baa chema warɛ bini, he wer haa doa tɛ mɛ la wa.