Yela 137 - mzwDBL

Baa lawɛ Israel tena kaa harɛfale ta wiile

¹ Ya soɡe Babelɔn harɛ neerare nyoo, belaa ya lii Saayɔn waa dɛ wi.

² Belaa ya kpɔ ya janjelare saɡɛ daa ta, dɛ ɡel a lɔe.

³ Nɛra baa lawɛ yaa la ŋɔ yá ɡo yela, ba ŋɔ yá ɡo yela lɛ ba sie ŋɔ, “Hé ɡo yela aa dɛ baɡle Saayɔn waa ya no.”

⁴ Yaa lɔ harɛfale ta nɔ, ɛrɛɛ yaa ba wona ɡo yela tɛ Korowii ɔ?

⁵ Jerusalam, dɛ n soh he wa aa, Korowii ɡel n bɛ won kpɔ nɔn lɔ janjela kpa.

⁶ Dɛ n ta he waa liire kɛŋɔ henee dɛɛ tɛ mɛ silɛɛ kohona naa, Korowii ɡel n bɛ won ɡo yela kpa.

⁷ N Naa Korowii, lii waa Edom tena aa ɛa awola Babelɔn tena aa pɔ Jerusalam tena nɛɛ la. Ba do lɔŋɔre ŋɔ, “Hé kuuɡu, ó bwa chɔ harɛ.”

⁸ Babelɔn tena, ɡɛ haa kpɔa ɛ yaa nɔ, Korowii swee andɛɛɡa tɛ nɛra baa bá bɔ heya a kem.

⁹ Nɛra baa bá lawɛ he bechasɔɔhne, dɛ́ kpɔ ba cha bwea la, Korowii swee ba andɛɛɡa.