Yela 136 - mzwDBL

Korowii jaama yel

¹ Hé kpɔ jam tɛ Korowii o wer. O nyina lole saŋ bɛlbwa dɛɛ la.

² Hé kpɔ jam tɛ Korowii waa ɡwaa voɡa bwa. O nyina lole saŋ bɛlbwa dɛɛ la.

³ Hé kpɔ jam tɛ kpeɡnɛra bwa dɔɔ. O nyina lole saŋ bɛlbwa dɛɛ la.

⁴ O ɡboo dɛɛ ɛ wejena aa ɛ nyokpoa. O nyina lole saŋ bɛlbwa dɛɛ la.

⁵ O cheɡɛ o wejema ta dɛ ta nyundua. O nyina lole saŋ bɛlbwa dɛɛ la.

⁶ Onee ta harɛ o chɔŋɛ neerare sie. O nyina lole saŋ bɛlbwa dɛɛ la.

⁷ Onee ta wee ne korobie. O nyina lole saŋ bɛlbwa dɛɛ la.

⁸ O ɡelɔ wee ɛɛ chaah webaŋa. O nyina lole saŋ bɛlbwa dɛɛ la.

⁹ Korobie ne weweela ɡe ɛɛ chaah jwaana. O nyina lole saŋ bɛlbwa dɛɛ la.

¹⁰ Onee kpoo Ijipt harɛ bibanloɡla. O nyina lole saŋ bɛlbwa dɛɛ la.

¹¹ O tɔ Israel tena sie le Ijipt harɛ. O nyina lole saŋ bɛlbwa dɛɛ la.

¹² O kpeɡri nee o lɛɛ ba. O nyina lole saŋ bɛlbwa dɛɛ la.

¹³ Onee ɡela Mposwɛm pere anɛ. O nyina lole saŋ bɛlbwa dɛɛ la.

¹⁴ Asɛ o tɔ Israel tena sie ba valɛ o bini le. O nyina lole saŋ bɛlbwa dɛɛ la.

¹⁵ Kɛ o ɡelɔ Ijipt kooro ne o dɔm ka nee ta. O nyina lole saŋ bɛlbwa dɛɛ la.

¹⁶ Onee tɔ o nɛra sie ba kpɔ pua hɛŋle ɡbo harɛ ta. O nyina lole saŋ bɛlbwa dɛɛ la.

¹⁷ Onee kpoo koranar baa kpeɡa kohona. O nyina lole saŋ bɛlbwa dɛɛ la.

¹⁸ Asɛ dɛ kpoo koranar baa lɛ sɔn. O nyina lole saŋ bɛlbwa dɛɛ la.

¹⁹ O kpo Amɔre tena Kooro Sihon. O nyina lole saŋ bɛlbwa dɛɛ la.

²⁰ O kpo Basan tena Kooro Ɔɡ. O nyina lole saŋ bɛlbwa dɛɛ la.

²¹ O kpɔ ba harɛre tɛ o nɛra. O nyina lole saŋ bɛlbwa dɛɛ la.

²² O kpɔɔ tɛ Israel tena baa ɛ o bonɔɔna. O nyina lole saŋ bɛlbwa dɛɛ la.

²³ Onee lii ya waa dɛ na ya sum, ɡɛ saŋ yaa lɔ wahala ta. O nyina lole saŋ bɛlbwa dɛɛ la.

²⁴ O lɛ yaa le ya dɔma nɔn ta. O nyina lole saŋ bɛlbwa dɛɛ la.

²⁵ Onee dɛɛ tɛ hweera kwaa bwa kondikwa aa di. O nyina lole saŋ bɛlbwa dɛɛ la.

²⁶ Hé kpɔ jam tɛ Korowii Waa Dɛ Di Kora Nyundua O nyina lole saŋ bɛlbwa dɛɛ la.