Yela 133 - mzwDBL

Deŋnesɔɔhna ta soɡa kpɛɛra

Kooro Devid yel

¹ Na wer ne silɛɛ aa dɔa kohona, kɛ nɛn ne o dɔŋa aa soɡe sodɛɛɡa nyopɛo ne!

² A wer dɛ do kɛŋɔ, baa dɛ cheɡ Arɔn sɔfore ta, dɛ fuɡe noo a yoɡ aa kpeɡa do o nyu ta, a palɛ jo o tampona ta, dɛ ba le o batakaare baŋa ta ken.

³ A wer kɛŋɔ mɛn aa le Hɛmɔn Bwejen ta, dɛɛ lee Saayɔn Bwejen doa ken. Belaa Korowii baɡɛ o nɛra nyoa ŋɔ, wɛɛ swee o nɛra andɛɛɡaa, bá dɔ mkpa saŋ bɛlbwa dɛɛ la.