Yela 130 - mzwDBL

Chae wesoŋa

¹ N Naa Korowii, n bambichɔɡ do kɛŋɔ maa le vil bini, dɛ wi dɛɛ yerɛ!

² No n wii maa wia dɛɛ yerɛ. Cheɡ deŋne no n be, dɛ́ ba cha mɛ.

³ Dɛ he fe chwerɛ nɛn wechɔɡa waa dɛ ɛ dɛɛ bil aa, umee dɛ́ fe leɔ?

⁴ Kɛ he kpɔ ya wechɔɡa dɛɛ kɛ yaa, asɛ a che a ta yaa ɔmɛ.

⁵ N dɛ kpa sibeɡra ne kɛŋɔ Korowii ba cha mɛ. O waa la taa mɛɛ hwɛɡɛ.

⁶ N dɛ kpa Korowii sibeɡra ne, ɡwaa ɡɛ nɛra baa dɛ daah bɔr jwaana, yon dɛɛ nyiŋi bɔr chaahna ŋwɛnɛ kohona la.

⁷ Israel tena, hé kpɔ he hwɛɡa bwa do Korowii nɛ, dɛkalkɛ o nyina ta jaɡa dɔe, dɛ́ sɛh kɛ saŋ bɛlbwa wɛɛ lɛ heyaa.

⁸ Wɛɛ lɛ o nɛra Israel tenaa le ba wechɔɡa bwa ta.