Yela 13 - mzwDBL

Korowii chae wesoŋa

Kooro Devid yel

¹ N Naa Korowii, saŋ besoo hɛɛ ba n waa soeh ka tel ɔ? Hɛɛ soh n waa kwaraa kɛɛ? Hɛɛ laa sie kpɔ n nɛɛ biɡri kɛɛ?

² Saŋ besoo waa aa dawɛ n nɛɛ nɔ ɛɛ ba a jaɡa bala ɔ? Bɛweeree tebinichɔɡ aa lɔ n nɛɛ chɔɔ ne jwaana nɔ, ɛɛ ba tona ɔ? Saŋ besoo n dɔma pɔ n nɛɛ ka tel ɔ?

³ N Naa Korowii maa dɛ tomɛ, no n be dɛ́ cha mɛ, ɡel n do kpeɡri ja, bɛ ɡel ń sewɛ,

⁴ a ba ɡɛ naa, n dɔma ɛɛ ŋɔɔ ba pɔ n nɛ, n horaa, baa hɛɡroo.

⁵ N kpɔ n te dawɛ he nyina waa wola jaɡa dɔe la ta, n sie dɛ lɛ, lɛɛ haa dɛ lɛɛ mɛɛ la ta.

⁶ N Naa Korowii, mɛɛ ɡo yelaa kpɛɛre, kɛ haa ɛɛ mɛ wedɛɛɡa ɡa la.