Yela 127 - mzwDBL

Korowii kpɛɛra o wer waa doa wa

Kooro Solomɔn yel

¹ Dɛ Korowii ta chae ba ma dea aa, mamaala koeh bwa ɛ pɛɛ. O ɡbabir ta bwɛɛ daahnɛ aa, nɛra baa dɛ daah la dɛ koh pɛɛ.

² A ɛ wepuu kɛ nɛwɛnyini le chɔɔ ɛ toma ka tel jɔmɔra, kondikwaa waa di ɡbo wa, dɛkalkɛ nɛra Korowii aa dɛ nyin ba la, ba chɔ dom kwara naa, o dɛ tɛɛ ba ba konnyina.

³ Bii ɛ kwaa Korowii aa swee nɛra andɛɛɡa, dɛ kpɔ dɛɛ kɛ ba.

⁴ Bibaala baa aa lola o bonɔɔne saŋ la, do kɛŋɔ laa te waa kpoŋe hɛma ken.

⁵ Baa bɛlbwa waa dɔ ɡɛ bibaala la, o na som. O ne o dɔma chemo aa, baa won pɔ o nɛɛ bwa.