Yela 125 - mzwDBL

Korowii kpɔ nɔn dɛɛ tɔ o nɛra nɛ

¹ Nɛra baa kpɔ ba te dawɛ Korowii nɛɛ la do kɛŋɔ Saayɔn Bwejen. Baa yiiɡi bwa, dɛ che kiŋkiŋ saŋ bɛlbwa dɛɛ la.

² Gɛ bwejena aa bar Jerusalam dɛɛ tɔɔ ɡbemɡbe la, ɡɛɛ Korowii bar o nɛra cheme fini ne tɔpere bɛlbwa.

³ Nyubinikpeɡ tena aa won dɛɛ nyiŋi harɛ waa ɛ nɛra ba wa aa toɡra kon ta saŋ bɛlbwa. A ɛ ɡɛ naa, nɛra ba wa aa toɡra laanee bá na kɛŋɔ ba ken ɛ wechɔɡa.

⁴ N Naa Korowii, ɛ nɛra ba wa aa wera wedɛɛɡa, nɛra baa dɛ teŋɛ he Mmarare ta la.

⁵ Kɛ dɛ he tɛr nɛnchɔɡa deŋne aa, tɛr nɛra baa vɛh he waa ta teŋa la ɡe deŋne. Israel tena, Korowii tɛ heyaa deŋnesɔɔhna!