Yela 124 - mzwDBL

Korowii waa kpɔ nɔn dɛɛ tɔ o nɛra nɛ

Kooro Devid yel

¹ Dɛ Korowii fe ta ya nɛɛ jae yaa, ɛrɛɛ ya fe ɛɛ ba doe yɔ? Israel tena, hé bwa chaŋe!

² Dɛ Korowii fe ta ya nɛɛ jae, ɡɛ saŋ ya dɔma aa baa yo yaa la aa,

³ ba bandia kohona nomanta, ba fe kpoo ya bwa.

⁴ A fe ɛɛ doo kɛŋɔ nee aa sua ba bɔle ya nɛɛ ken, dɛ́ fee kpɔ yaa kaa.

⁵ Nehɛma a nyoa aa kpeɡa fe lɔɔ ba tɔ ya nɛ, dɛ́ kpɔ yaa kaa.

⁶ Hé ɡel ya kpɛɛ Korowii, waa wola ɡelɛ ya dɔma chɔɡ yaa la wa.

⁷ Ya ɛo kɛŋɔ jumbie waa foora le kpaah bel ta ken. Bel la kuuɡo asɛ ya dɔ ya nyu.

⁸ Korowii waa ta nyundua ne harɛ bee ya chae bwa le.