Yela 122 - mzwDBL

Bwɛjen Jerusalam kpɛɛra

Kooro Devid yel

¹ N sie lɛo kɛ baa ŋɔ n be ŋɔ, “Ir ya la Korowii Dea.”

² Taraken Jerusalam, he doonyoonee ya che nɔ.

³ Jerusalam ɛ bwɛjen baa ma o deene a farɛ, dɛ do wer kɛrɛdɛ.

⁴ Belaa Israel deene bwa ɛɛ cheme dɛɛ kpɛɛ Korowii, ɡɛ waa do ba la.

⁵ Belaa Kooro Devid luɡe koranar fa so, dɛ bol nɛra waa dɛɛ pa bole.

⁶ Soŋe deŋnesɔɔhna tɛ Jerusalam tena ŋɔ, “Nɛra baa dɛ nyin hen Jerusalam la, ba wobɛlbwa do wer tɛɛ ba.

⁷ Kórowii ɡel deŋnesɔɔhna do Jerusalam baa ma danjwɛjen baro, ne o kooderemi bwa ta.”

⁸ N lolanar ne n daamanar nomanta, n soŋe deŋnesɔɔhna dɛɛ tɛ Jerusalam tena!

⁹ Korowii yaa dɛ tomɔ la Dea nomanta, n dɛ soŋe ŋɔ hé wobɛlbwa chiɡ heyaa kɛrɛdɛ.