Yela 120 - mzwDBL

Chae wesoŋa

¹ N fa aa lɔ wenaale ta la, n wio no Korowii, asɛ o chaŋ mɛ.

² N Naa Korowii, lɛɛ mɛ le nyosonteŋna baa dɛ neɡre nɛra nɔn ta.

³ He nɛra haa ɛ nyosonteŋna, ɛrɛɛ Korowii ɛɛ ba heyaa ɛɛ yɔ? Ɛrɛɛ wɛɛ ba he deŋnetɛra ɔ?

⁴ Banyoo hɛma aa nyɛɡa, ne hɔla aa dɛ hɔ kohona nee wɛɛ ba he deŋne tɛra.

⁵ N na waa kɛŋɔ maa soɡe Mɛsɛk ne Keda tena baa ɛ nyubinikpeɡ tena baah.

⁶ N ne nɛra baa hah deŋnesɔɔhna soɡo biɡri to.

⁷ N dɛ nyin deŋnesɔɔhna, kɛ n bol wa aa, dɛ a berɛ naɡra ba be.