Yela 12 - mzwDBL

Chae wesoŋa

Kooro Devid yel

¹ N Naa Korowii, lɛ yaa! Nɛra ba wa aa toɡra toole kpa, kasinteŋ diile tonɛ nɛra bini.

² Nyosonee bɛlbwa teŋe dɛɛ tɛ o dɔŋ, nyokpɛlee ba kpɔ dɛɛ neɡre dɔŋa.

³ N Naa Korowii, ɡel nyokpɛl ne nyoo baa kpɔa dɛɛ bol wejena ba a jaɡa.

⁴ A ɡɛ nɛra la dɛ ŋɔ, “Ya nyoa ɛɛ yoo tɛ yaa. Yaa bol anɔ la yaa dɛ nyinii. Nomɛlbwa toole dɛ́ tɔ yaa ŋwɛnɛ.”

⁵ N Naa Korowii ŋɔ, “Mɛɛ bao, fiiɡa baa dɛ fiiɡi nɛŋɡwɛɡra, ne pɛma nyaara aa dɛ pɛmɛ la wa. Mɛɛ lɛɛ ba so deŋnesɔɔhna ta.”

⁶ Korowii waa do chasee, dɛ do yaradae, kɛŋɔ suuɡapoŋ baa laa doŋa kpɔ o ta kera anuanɛ, o do wer kohona la.

⁷ N Naa Korowii, kpɔ nɔn tɔ ya nɛ, dɛ́ lɛ yaa le ɡɛ nɛra nɔ nɔn ta kwaraa.

⁸ Nyubinikpeɡ tena perɔ, dɛ valɛ dɛɛ ɡu, ba na waa aa wola were nɛra ɛɛ ɛaa, dɛ ba dɛ kpɛɛra.