Yela 114 - mzwDBL

Galekaa Tɔpejen dii yel

¹ Awola Israel tena aa le Ijipt harɛ ta, Jekɔb naanar aa le harɛ baa kaa ɛ hɔɔhra o ta la,

² Korowii kpɔ Juda tena ɛ o nɛra baa do ɡoroŋ, Israel tena ɡe ɛ o kapɛrɛ nɛra.

³ Mposwɛm pere anɛ ba siwi ta, asɛ Jɔɔdan Moo ɡe ɡel pala.

⁴ Bwejena dɛ jah kɛŋɔ pebala, asɛ deŋɡarere ɡe ɛɛ jah kɛŋɔ pebiiri ken.

⁵ Bɔkwa waa bala Mposwɛm pere anɛ, asɛ Jɔɔdan Moo ɡe ɡel pala ɔ?

⁶ Bwejena, ɛrɛɛ hɛɛ jah kɛŋɔ pebala nɔɔ? Deŋɡarere, ɛrɛɛ he ɡe ɛɛ jah kɛŋɔ pebiiri nɔɔ?

⁷ Hárɛ, jiɡri Korowii sie, Korowii Jekɔb aa dɛ tomɔ sie.

⁸ Onee ɡela nee bule le bwe ta dɛ berɛ tam, dɛ ɡel nee le bwekpeɡ ta, dɛɛ palɛ kɛŋɔ nenapale.