Yela 113 - mzwDBL

Korowii wer waa doa kpɛɛra

¹ Hé kpɛɛ Korowii! Nɛra haa dɛ tomɛ Korowii, hé kpɛɛro dɛ́ yerɛ o sɔn.

² Hé kpɛɛro dɛ́ tɛo sɔn, le saŋ nɔ ne saŋ bɛlbwa dɛɛ la.

³ Hé kpɛɛ Korowii le wee leebɔr ba kaa wee cholibɔr.

⁴ Korowii dɛ di kora harɛre nɛra bwa nɛ. Nɛra dɛ kpɛɛ o jirima waa dɔa nyundua.

⁵ Umee do kɛ Korowii yaa dɛ tomɔ, o so o kookara ta nyundujaɡla,

⁶ dɛ ba sie ne harɛ dɛɛ nyiŋi nyundua ne harɛ nɔɔ?

⁷ O lawɛ nɛra dɛɛ le ba nyaa ta, dɛ lɛ nɛŋɡwɛɡra dɛɛ le ba sum ta.

⁸ O dɛ do ba koobii bini ba ne baa di kora, hale Korowii nɛra baa ɛ nomonjena bini.

⁹ O swee hambara andɛɛɡa o dem, o berɛ won dɔ bii o sie lɛ. Hé kpɛɛ Korowii!