Yela 110 - mzwDBL

Korowii ne Kooro waa leo cheɡ tɛ o te wa

Kooro Devid yel

¹ N Naa Korowii ŋɔ n Dɔɔ be ŋɔ, so nomombɔr n diɡ ta, ka tel kɛŋɔ maa ba he dɔma ne harɛ he tiɡri ba nɛ.

² Korowii ɛɛ tɛɛ kpeɡrii Saayɔn, ásɛ he di kora he dɔma baa bare cheme nɛ.

³ Awola haa yo he dɔma la, he nɛra ɛɛ sɛoh dɛ́ ba teŋɛ he nɛ. He bonɔɔna ɛɛ leo ba he be kɛŋɔ chɔɔlen mɛn ken, he bwe waa do ɡoroŋ la ta.

⁴ Korowii baɡɛ nyoa waa wola o liiree charɛ ŋɔ, “Hɛɛ ɛ sɔfoo saŋ bɛlbwa dɛɛ la kɛŋɔ Mɛlkesɛdɛk.”

⁵ Korowii ɛɛ che he mun taa, o baah diu waa, wɛɛ yo koranaree dɛ́ pɔ ba nɛ.

⁶ Wɛɛ bol harɛre nɛra waa dɛ́ pa bole, ba serewe warɛ chɔ laa ta, dɛ́ kpoo harɛ nɔ ta koranar bwa.

⁷ Kooro la ɛɛ nyɔ nee ŋwɛnɛ nyoa nepale taa, dɛ́ dɔ bokpeɡa, dɛ́ yo o dɔma dɛ́ pɔ ba nɛ.