Yela 11 - mzwDBL

Yarada dɔe Korowii be

Kooro Devid yel

¹ Korowiirii n chwa kaa marɛ, bɔkwa waa hɛɛ ba wona ŋɔ n be ŋɔ, “Ir kɛŋɔ jumbie, dɛ́ kaa bwejen la ta,

² dɛkalkɛŋɔ nyubinikpeɡ tena harɛ ba tori kpa, hɛm la jaɡɛ to la ŋwɛn ta, ba sɔh biro ta, dɛ́ ta nɛra baa dɛ teŋɛ Korowii waa ta.

³ Dɛ nyubinikpeɡ tena chɔɡ wedɛɛɡa ŋwɛnaa, ɛrɛɛ nɛra baa dɛ teŋɛ Korowii waa ta ɛɛ ba ɛɛ yɔ?”

⁴ N Naa Korowii lɔ o Dea waa lea cheɡ tɛ o te bini nyundua, dɛɛ di kora, dɛɛ nyiŋi nɛwɛnyini bobɛlbwa, dɛ jemɛ ɡɛ baa dɛ ɛ.

⁵ O dɛ pese nɛra ba wa aa toɡra, kɛ nyubinikpeɡ tena, ne naɡrenyin tena te, o hah ba o bambile bwa.

⁶ Wɛɛ fuɡe ninhɔla, ne jebɔrɔwe niinii ta ɡɛ nɛra la nɛ, dɛ́ tɛr ba deŋne peuwɔb ne.

⁷ Korowii waa toɡrɔ, o dɛ nyin kasinteŋ. Nɛra ba wa aa toɡraa dɛɛ ba o nae.