Yela 101 - mzwDBL

Kooro nyobaɡa

Kooro Devid yel

¹ N Naa Korowii, mɛɛ ɡo yelaa kpɛɛ he nyina ne he kasinteŋ haa dɔa wa, mɛɛ ɡo yelaa kpɛɛre.

² Mɛɛ dɛɛ nyiŋi n we-ɛɛla bini kɛrɛdɛɛ. Saŋ besoo he ba cha mɛ nɔ? Mɛɛ kpɔ bambidɛɛɡee so n dem,

³ dɛ́ laa n te kpɔ wechɔɡa ta. N hah nɛra baa berɛ habɔɔ kpo hen Korowii la we-ɛɛla, n ne ba toole wobɛlbwa bini.

⁴ N ne nɛnchɔɡa baah ɛɛ do jaŋnee. Mɛɛ laa n tenee kpɔ wechɔɡa ta.

⁵ Nomɛlbwa waa sɔah dɛɛ chɔɡ o dɔŋ la, mɛɛ doŋu le n be. N ne nomɛlbwa waa dɛ na o nyu aa won pɛ.

⁶ Mɛɛ ɡeloo n sie do n nɛra Israel tena ba wa aa dɔ kasinteŋ la nɛ, ásɛ n ne ba pɛ so n koodem. Nɛra ba wa aa wera kɛrɛdɛ laanee mɛɛ ba ɡela baa tom mɛ.

⁷ Nomɛlbwa waa dɛ neɡre o dɔŋ, aa n demii so. Nyosonteŋna ɡe aa won che n sie.

⁸ Mɛɛ dɛɛ kpoo nɛra ba nyu bini aa kpeɡa harɛ nɔ ta tɔpere bɛlbwaa. Mɛɛ doŋi wechɔɡ-ɛɛra bwaa le Korowii bwɛjen nɔ taa.