Yela 1 - mzwDBL

Yela tɔn loɡle (Yela 1—41)

¹ Nɛra baa wola nɛnchɔɡa we-ɛɛla ta teŋɛ, baa wola waa wechɔɡ-ɛɛra aa dɛ ɛ ɛ, kɛɛ baa wola banɔ la baa dɛ mamɛ Korowii nɛɛ jae la, ba na som.

² Ba sie dɛ lɛ Korowii waa ta, dɛɛ hweli o Mmara la chɔɔ ne jwaana.

³ Ba do kɛŋɔ daa baa duu bela waa sɔna, saŋ bɛlbwa o dɛ nɔnɛ o saŋ ta, o papooni ɡe aa chure bwa. A ɡɛ nɛra la wobɛlbwa baa ɛ dɛ́ do wer.

⁴ Gɛ laa nɛnchɔɡa la te do, ba waa do kɛŋɔ haahra, peu yon ta dɛ́ kaa ane la ken.

⁵ Awola tɔpere Korowii aa bol nɛra waa la, nɛnchɔɡa aa won che o sie, baa nɛra ba wa aa toɡra nɛɛ ja.

⁶ Korowii dɛ nyiŋi nɛra ba wa aa toɡra nɛ, kɛ nɛnchɔɡa ŋwɛnɛre te, a dɛ kaa ba ne seo ta.