Nɛra Kura 7 - mzwDBL

Israel nomonome saraha kwaa ne Tɛnte Dea bala

¹ Mosis aa tonɛ Korowii Tɛnte Dea la ne kwaa aa lɔ o bini toma bwa la, o fuɡe noo yɔɔ a ta a do ɡoroŋ dɛ kpɔ do Korowii nɔn ta. O berɔ ɛ ɡɛ kon baa dɛ ɛ saraha o ta ne o koŋkwaa bwa ta, dɛ kpɔa do Korowii nɔn ta a ɛ o kwa.

² Asɛ Israel deene fi dɛ anɛ nomonome la ba fa aa lee ba le ba deene ne lolanar bini ba kure nɛra la ɛ sarahare.

³ Ba kpɔ kwaa aa dɔ tɔre baa taɡa kɛŋɔ torɔɡore anumɛl, ne nabala baa fɔɡa fi dɛ anɛ ba tɛ Korowii. Nomoa bɛlbwa ba nabal beŋkpoŋ ne, asɛ ba bini banɛ bɛlbwa berɛ pɛ ba kwaa aa do kɛŋɔ torɔɡore la beŋkpoŋ ne, dɛ kpɔ ba tɛ Korowii o Tɛnte Dea la sie.

⁴ Belaa Korowii ŋɔ Mosis be ja ŋɔ,

⁵ “Lɛ kwaa baa kpɔ ba ɛ toma n Dea Cheremibɔr bela la. Kpɔa tɛ Lewi dea tena la, ɡɛ ba bini bɛlbwa toma aa doa.”

⁶ Asɛ Mosis lɛ kwaa la bwa, dɛ kpɔ tɛ Lewi dea tena la.

⁷ O kpɔ kwaa aa do kɛŋɔ torɔɡore anɛ, ne nabala anaarɛ tɛ Gɛsɔn dea tena, dɛ le ɡɛ ba toma aa doa.

⁸ Dɛ kpɔ kwaa aa do kɛŋɔ torɔɡo la anaarɛ ne nabala anuatoro tɛ Merari dea tena, dɛ le ɡɛ ba toma aa doa. Sɔfo Arɔn bibaa Itamaa ba sitɔɔ.

⁹ Kɛ Mosis ta Kohat dea tena te tɛɛ, dɛkalkɛŋɔ kwaa aa do ɡoroŋ la, anee ba kpɔ do ba nɔn ta, baa dawa vam.

¹⁰ Baa fuɡe noo do kon baa dɛ ɛ saraha o ta o do ɡoroŋ tonɛ la, nomonome la kpɔ ba sarahare ba saraha kon la sie, dɛ kpɔ saraha kwaa la do men Korowii nɔn ta o ɛ n kon.

¹¹ Dɛ Korowii fa ŋɔ Mosis be ŋɔ, “Tɔpere bɛlbwa ɡel nomonome la kpɔ kwaa baa kpɔ tɛ men Korowii la beŋkpoŋa beŋkpoŋa, dɛ́ kpɔ kon baa dɛ ɛ saraha o ta la do n nɔn ta ó ɛ n kon.”

¹² Naate waa kpɔ o saraha kwaa ba tɔpere waa tɔ sie laanee Aminadab bibaa Naasɔn waa le Juda dea.

¹³ O saraha kwaa ɛ suuɡapoŋ tafolabɔtɔ o tɔɡre aa ɛ suuɡapoŋa lafa fifraatoro, suuɡapoŋ loɡ beŋkpoŋ baa ɛ nee dɛɛ do o bini, dɛ ɛ dɛɛ merɛ o tɔɡre aa ɛ suuɡapoŋa fifraanuanɛ, ɡɛ baa maɡa bil Korowii Dea la, bɛlbwa del mea baa nama a kper kɛrɛdɛ noo koo a ta a ɛ mea saraha,

¹⁴ ne suuɡaswɛm loɡ o tɔɡre aa ɛ suuɡapoŋa fi daawiile baa dɛ fuah suu,

¹⁵ ne nabale beŋkpoŋ ne pebal beŋkpoŋ, dɛ pebale beŋkpoŋ aa di benanyoa bá kpɔ ɛ saraha baa dɛ fuah,

¹⁶ ne bombal beŋkpoŋ bá kpɔ ɛ wechɔɡa kpɔe dɛ kɛ saraha,

¹⁷ ne nabala anɛ baa fɔɡa, ne pebala anue ne bombala anue, dɛ pebali anue a bɛlbwa aa di benanyoa, bá kpɔ ɛ deŋnesɔɔhna saraha. A nɔɔ ɛ Aminadab bibaa Naasɔn saraha kwaa waa ba ane.

¹⁸ Tɔɔ a pera nɛɛ la, Suar bibaa Nɛtanɛlee kpɔ o kwaa ba, Isaaka dea o le dɛ ɛ ba sitɔɔ.

¹⁹ Saraha kwaa waa kpɔa ba laanee, suuɡapoŋ tafolabɔtɔ o tɔɡre aa ɛ suuɡapoŋa lafa fifraatoro, ne suuɡapoŋ loɡ beŋkpoŋ baa ɛ nee dɛɛ do o bini dɛ ɛ dɛɛ merɛ o tɔɡre aa ɛ suuɡapoŋa fifraanuanɛ, ɡɛ baa maɡa bil Korowii Dea la, bɛlbwa del mea baa nama a kper kɛrɛdɛ noo koo a ta a ɛ mea saraha,

²⁰ ne suuɡaswɛm loɡ o tɔɡre aa ɛ suuɡapoŋa fi daawiile baa dɛ fuah suu,

²¹ ne nabale beŋkpoŋ dɛ pebale beŋkpoŋ aa di benanyoa bá kpɔ ɛ saraha baa dɛ fuah,

²² ne bombal beŋkpoŋ bá kpɔ ɛ wechɔɡa kpɔe dɛ ɛ saraha,

²³ ne nabala anɛ baa fɔɡa, ne pebala anue ne bombala anue dɛ pebali anue a bɛlbwa aa di benanyoa bá kpɔ ɛ deŋnesɔɔhna saraha. A nɔɔ ɛ Suar bibaa Nɛtanɛl saraha kwaa waa ba a ne.

²⁴ Tɔpetooro wee la, Hɛlɔn bibaa Eliabee kpɔ o kwaa ba. Sebulon deaa o le dɛ ɛ ba sitɔɔ.

²⁵ O ɡe saraha kwaa ɛ, suuɡapoŋ tafolabɔtɔ o tɔɡre aa ɛ suuɡapoŋa lafa fifraatoro, suuɡapoŋ loɡ beŋkpoŋ baa ɛ nee dɛɛ do o bini, dɛ ɛ dɛɛ merɛ o tɔɡre aa ɛ suuɡapoŋa fifraanuanɛ, ɡɛ baa maɡa bil Korowii dea la, bɛlbwa del mea baa nama a kper kɛrɛdɛ noo koo a ta a ɛ mea saraha,

²⁶ ne suuɡaswɛm loɡ o tɔɡre aa ɛ suuɡapoŋa fi daawiile baa dɛ fuah suu,

²⁷ ne nabale beŋkpoŋ dɛ pebale beŋkpoŋ aa di benanyoa bá kpɔ ɛ saraha baa dɛ fuah,

²⁸ ne bombal beŋkpoŋ bá kpɔ ɛ wechɔɡa kpɔe dɛ kɛ saraha,

²⁹ ne nabala anɛ baa fɔɡa, ne pebala anue ne bombala anue dɛ pebali anue a bɛlbwa aa di benanyoa bá kpɔ ɛ deŋnesɔɔhna saraha. A nɔɔ ɛ Hɛlɔn bibaa Eliab saraha kwaa waa ba a ne.

³⁰ Tɔpenaarɛ wee la, Sɛdor bibaa Elisurii kpɔ o kwaa ba. Rubin deaa o le dɛ ɛ ba sitɔɔ.

³¹ Saraha kwaa waa kpɔa ba laanee, suuɡapoŋ tafolabɔtɔ o tɔɡre aa ɛ suuɡapoŋa lafa fifraatoro, ne suuɡapoŋ loɡ beŋkpoŋ baa ɛ nee dɛɛ do o bini dɛ ɛ dɛɛ merɛ o tɔɡre aa ɛ suuɡapoŋa fifraanuanɛ, ɡɛ baa maɡa bil Korowii Dea la, bɛlbwa del mea baa nama a kper kɛrɛdɛ noo koo a ta a ɛ mea saraha,

³² ne suuɡaswɛm loɡ o tɔɡre aa ɛ suuɡapoŋa fi daawiile baa dɛ fuah suu,

³³ ne nabale beŋkpoŋ dɛ pebale beŋkpoŋ aa di benanyoa bá kpɔ ɛ saraha baa dɛ fuah,

³⁴ ne bombal beŋkpoŋ bá kpɔ ɛ wechɔɡa kpɔe dɛ ɛ saraha,

³⁵ ne nabala anɛ baa fɔɡa, ne pebala anue ne bombala anue dɛ pebali anue a bɛlbwa aa di benanyoa bá kpɔ ɛ deŋnesɔɔhna saraha. Anɔɔ ɛ Sɛdor bibaa Elisur saraha kwaa waa ba a ne.

³⁶ Tɔpenue wee, Surisadai bibaa Sɛlomeɛlee kpɔ o kwaa ba. Simeon deaa o le dɛ ɛ ba sitɔɔ.

³⁷ Saraha kwaa waa kpɔa ba laanee, suuɡapoŋ tafolabɔtɔ o tɔɡre aa ɛ suuɡapoŋa lafa fifraatoro, ne suuɡapoŋ loɡ beŋkpoŋ baa ɛ nee dɛɛ do o bini dɛ ɛ dɛɛ merɛ o tɔɡre aa ɛ suuɡapoŋa fifraanuanɛ, ɡɛ baa maɡa bil Korowii Dea la, bɛlbwa del mea baa nama a kper kɛrɛdɛ noo koo a ta a ɛ mea saraha,

³⁸ ne suuɡaswɛm loɡ o tɔɡre aa ɛ suuɡapoŋa fi daawiile baa dɛ fuah suu,

³⁹ ne nabale beŋkpoŋ dɛ pebale beŋkpoŋ aa di benanyoa bá kpɔ ɛ saraha baa dɛ fuah,

⁴⁰ ne bombal beŋkpoŋ bá kpɔ ɛ wechɔɡa kpɔe dɛ ɛ saraha,

⁴¹ ne nabala anɛ baa fɔɡa, ne pebala anue ne bombala anue dɛ pebali anue a bɛlbwa aa di benanyoa bá kpɔ ɛ deŋnesɔɔhna saraha. A nɔɔ ɛ Surisadai bibaa Sɛlomeɛl saraha kwaa waa ba a ne.

⁴² Tɔpenumɛl wee, Dewɛl bibaa Eliasaf kpɔ o kwaa ba. Gad deaa o le dɛ ɛ ba sitɔɔ.

⁴³ Saraha kwaa waa kpɔa ba laanee, suuɡapoŋ tafolabɔtɔ o tɔɡre aa ɛ suuɡapoŋa lafa fifraatoro, ne suuɡapoŋ loɡ beŋkpoŋ baa ɛ nee dɛɛ do o bini dɛ ɛ dɛɛ merɛ o tɔɡre aa ɛ suuɡapoŋa fifraanuanɛ, ɡɛ baa maɡa bil Korowii Dea la, bɛlbwa del mea baa nama a kper kɛrɛdɛ noo koo a ta a ɛ mea saraha,

⁴⁴ ne suuɡaswɛm loɡ o tɔɡre aa ɛ suuɡapoŋa fi daawiile baa dɛ fuah suu,

⁴⁵ ne nabale beŋkpoŋ dɛ pebale beŋkpoŋ aa di benanyoa bá kpɔ ɛ saraha baa dɛ fuah,

⁴⁶ ne bombal beŋkpoŋ bá kpɔ ɛ wechɔɡa kpɔe dɛ ɛ saraha,

⁴⁷ ne nabala anɛ baa fɔɡa, ne pebala anue ne bombala anue dɛ pebali anue a bɛlbwa aa di benanyoa bá kpɔ ɛ deŋnesɔɔhna saraha. A nɔɔ ɛ Dewɛl bie Eliasaf kwaa waa kpɔa ba.

⁴⁸ Tɔpenuanɛ wee la, Amihud bibaa Elisamaa kpɔ o kwaa ba. Efrem deaa o le dɛ ɛ ba sitɔɔ.

⁴⁹ Saraha kwaa waa kpɔa ba laanee, suuɡapoŋ tafolabɔtɔ o tɔɡre aa ɛ suuɡapoŋa lafa fifraatoro, ne suuɡapoŋ loɡ beŋkpoŋ baa ɛ nee dɛɛ do o bini dɛ ɛ dɛɛ merɛ o tɔɡre aa ɛ suuɡapoŋa fifraanuanɛ, ɡɛ baa maɡa bil Korowii Dea la, bɛlbwa del mea baa nama a kper kɛrɛdɛ noo koo a ta a ɛ mea saraha,

⁵⁰ ne suuɡaswɛm loɡ o tɔɡre aa ɛ suuɡapoŋa fi daawiile baa dɛ fuah suu,

⁵¹ ne nabale beŋkpoŋ dɛ pebale beŋkpoŋ aa di benanyoa bá kpɔ ɛ saraha baa dɛ fuah,

⁵² ne bombal beŋkpoŋ bá kpɔ ɛ wechɔɡa kpɔe dɛ ɛ saraha,

⁵³ ne nabala anɛ baa fɔɡa, ne pebala anue ne bombala anue dɛ pebali anue a bɛlbwa aa di benanyoa bá kpɔ ɛ deŋnesɔɔhna saraha. Anɔɔ ɛ Amihud bibaa Elisama kwaa waa kpɔa ba.

⁵⁴ Tɔpenuatoro wee la, Pedasur bibaa Gamaleɛlee kpɔ o kwaa ba. Manasɛ deaa o le dɛ ɛ ba sitɔɔ.

⁵⁵ Saraha kwaa waa kpɔa ba laanee, suuɡapoŋ tafolabɔtɔ o tɔɡre aa ɛ suuɡapoŋa lafa fifraatoro, ne suuɡapoŋ loɡ beŋkpoŋ baa ɛ nee dɛɛ do o bini dɛ ɛ dɛɛ merɛ o tɔɡre aa ɛ suuɡapoŋa fifraanuanɛ, ɡɛ baa maɡa bil Korowii Dea la, bɛlbwa del mea baa nama a kper kɛrɛdɛ noo koo a ta a ɛ mea saraha,

⁵⁶ ne suuɡaswɛm loɡ o tɔɡre aa ɛ suuɡapoŋa fi daawiile baa dɛ fuah suu,

⁵⁷ ne nabale beŋkpoŋ dɛ pebale beŋkpoŋ aa di benanyoa bá kpɔ ɛ saraha baa dɛ fuah,

⁵⁸ ne bombal beŋkpoŋ bá kpɔ ɛ wechɔɡa kpɔe dɛ ɛ saraha,

⁵⁹ ne nabala anɛ baa fɔɡa, ne pebala anue ne bombala anue dɛ pebali anue a bɛlbwa aa di benanyoa bá kpɔ ɛ deŋnesɔɔhna saraha. Anɔɔ ɛ Pedasur bibaa Gamaleɛl kwaa waa kpɔa ba.

⁶⁰ Tɔpenuanaarɛ wee la, Gedeɔne bibaa Abidanee kpɔ o kwaa be. Bɛnjamen dea o le dɛ ɛ ba sitɔɔ.

⁶¹ Saraha kwaa waa kpɔa ba laanee, suuɡapoŋ tafolabɔtɔ o tɔɡre aa ɛ suuɡapoŋa lafa fifraatoro, ne suuɡapoŋ loɡ beŋkpoŋ baa ɛ nee dɛɛ do o bini dɛ ɛ dɛɛ merɛ o tɔɡre aa ɛ suuɡapoŋa fifraanuanɛ, ɡɛ baa maɡa bil Korowii Dea la, bɛlbwa del mea baa nama a kper kɛrɛdɛ noo koo a ta a ɛ mea saraha,

⁶² ne suuɡaswɛm loɡ o tɔɡre aa ɛ suuɡapoŋa fi daawiile baa dɛ fuah suu,

⁶³ ne nabale beŋkpoŋ dɛ pebale beŋkpoŋ aa di benanyoa bá kpɔ ɛ saraha baa dɛ fuah,

⁶⁴ ne bombal beŋkpoŋ ba kpɔ ɛ wechɔɡa kpɔe dɛ ɛ saraha,

⁶⁵ ne nabala anɛ baa fɔɡa, ne pebala anue ne bombala anue dɛ pebali anue a bɛlbwa aa di benanyoa bá kpɔ ɛ deŋnesɔɔhna saraha. Anɔɔ ɛ Gedeɔne bibaa Abidan kwaa waa kpɔa ba.

⁶⁶ Tɔperafi ta la Amisadai bibaa Ahiesaa kpɔ o kwaa ba. O le Dan dea dɛ ɛ ba sitɔɔ.

⁶⁷ Saraha kwaa waa kpɔa ba laanee, suuɡapoŋ tafolabɔtɔ o tɔɡre aa ɛ suuɡapoŋa lafa fifraatoro, ne suuɡapoŋ loɡ beŋkpoŋ baa ɛ nee dɛɛ do o bini dɛ ɛ dɛɛ merɛ o tɔɡre aa ɛ suuɡapoŋa fifraanuanɛ, ɡɛ baa maɡa bil Korowii Dea la, bɛlbwa del mea baa nama a kper kɛrɛdɛ noo koo a ta a ɛ mea saraha,

⁶⁸ ne suuɡaswɛm loɡ o tɔɡre aa ɛ suuɡapoŋa fi daawiile baa dɛ fuah suu,

⁶⁹ ne nabale beŋkpoŋ dɛ pebale beŋkpoŋ aa di benanyoa bá kpɔ ɛ saraha baa dɛ fuah,

⁷⁰ ne bombal beŋkpoŋ bá kpɔ ɛ wechɔɡa kpɔe dɛ ɛ saraha,

⁷¹ ne nabala anɛ baa fɔɡa, ne pebala anue ne bombala anue dɛ pebali anue a bɛlbwa aa di benanyoa bá kpɔ ɛ deŋnesɔɔhna saraha. Anɔɔ ɛ Amisadai bibaa Ahiesa kwaa waa kpɔa ba.

⁷² Tɔpera fi dɛ beŋkpoŋ wee la, Okran bibaa Paɡiel kpɔ o kwaa ba. Aasa dea o le dɛ ɛ ba sitɔɔ.

⁷³ Saraha kwaa waa kpɔa ba laanee, suuɡapoŋ tafolabɔtɔ o tɔɡre aa ɛ suuɡapoŋa lafa fifraatoro, ne suuɡapoŋ loɡ beŋkpoŋ baa ɛ nee dɛɛ do o bini dɛ ɛ dɛɛ merɛ o tɔɡre aa ɛ suuɡapoŋa fifraanuanɛ, ɡɛ baa maɡa bil Korowii Dea la, bɛlbwa del mea baa nama a kper kɛrɛdɛ noo koo a ta a ɛ mea saraha,

⁷⁴ ne suuɡaswɛm loɡ o tɔɡre aa ɛ suuɡapoŋa fi daawiile baa dɛ fuah suu,

⁷⁵ ne nabale beŋkpoŋ dɛ pebale beŋkpoŋ aa di benanyoa bá kpɔ ɛ saraha baa dɛ fuah,

⁷⁶ ne bombal beŋkpoŋ bá kpɔ ɛ wechɔɡa kpɔe dɛ ɛ saraha,

⁷⁷ ne nabala anɛ baa fɔɡa, ne pebala anue ne bombala anue dɛ pebali anue a bɛlbwa aa di benanyoa bá kpɔ ɛ deŋnesɔɔhna saraha. Anɔɔ ɛ Okran bibaa Paɡiel kwaa waa kpɔa ba.

⁷⁸ Tɔpera fi dɛ anɛ wee la, Enan bibaa Ahira kpɔ o kwaa ba. Naftale deaa o le dɛ ɛ ba sitɔɔ.

⁷⁹ Saraha kwaa waa kpɔa ba laanee, suuɡapoŋ tafolabɔtɔ o tɔɡre aa ɛ suuɡapoŋa lafa fifraatoro, ne suuɡapoŋ loɡ beŋkpoŋ baa ɛ nee dɛɛ do o bini dɛ ɛ dɛɛ merɛ o tɔɡre aa ɛ suuɡapoŋa fifraanuanɛ, ɡɛ baa maɡa bil Korowii Dea la, bɛlbwa del mea baa nama a kper kɛrɛdɛ noo koo a ta a ɛ mea saraha,

⁸⁰ ne suuɡaswɛm loɡ o tɔɡre aa ɛ suuɡapoŋa fi daawiile baa dɛ fuah suu,

⁸¹ ne nabale beŋkpoŋ dɛ pebale beŋkpoŋ aa di benanyoa bá kpɔ ɛ saraha baa dɛ fuah,

⁸² ne bombal beŋkpoŋ bá kpɔ ɛ wechɔɡa kpɔe dɛ ɛ saraha,

⁸³ ne nabala anɛ baa fɔɡa, ne pebala anue ne bombala anue dɛ pebali anue a bɛlbwa aa di benanyoa bá kpɔ ɛ deŋnesɔɔhna saraha. Anɔɔ ɛ Enan bibaa Ahira kwaa waa kpɔa ba.

⁸⁴ Kwaa Israel tena nomonome la aa kpɔa ɛ saraha saŋ la baa kpɔ noo yɔɔ saraha kon la ta dɛ kpɔ do Korowii nɔn ta laanee teŋa nɔ, suuɡapoŋa tafolabɔtɔre fi dɛ anɛ, ne suuɡapoŋa loɡa baa do nee a bini dɛ ɛ dɛɛ merɛ fi dɛ anɛ, dɛ suuɡaswɛm loɡa fi dɛ anɛ.

⁸⁵ Suuɡapoŋa tafolabɔtɔre la bɛlbwa tɔɡre lɔ suuɡapoŋa lafa fifraatoro, ne suuɡapoŋa loɡa baa do nee a bini dɛ ɛ dɛɛ merɛ la bɛlbwa tɔɡre lɔ suuɡapoŋa fifraanuanɛ. Dɛ he kpɔ suuɡapoŋa kwaa la bwa tɔɡre pɛ aa, a lɔ suuɡapoŋa kaɡboŋa anɛ lafraanaarɛ, ɡɛ baa maɡa bil men Korowii Dea bela.

⁸⁶ Suuɡaswɛm loɡa baa do a dela daawiile baa dɛ fuah tɔɡre lɔ suuɡaswɛm fi, ɡɛ baa maɡa bil men Korowii Dea bela. Dɛ he lɔ ɡɛ loɡa la bwa tɔɡre pɛ aa, a lɔ suuɡaswɛm lafa fifraanɛ.

⁸⁷ Kondɛɛra baa kpɔa ka kpo ɛ saraha baa dɛ fuah la bwa lɔ nabali fi dɛ anɛ, ne pebala fi dɛ anɛ, dɛ pebali fi dɛ anɛ a bɛlbwa aa di benanyoa ne mea saraha baa kpɔa ja a ta. Bombala fi dɛ anɛ ɡee ba kpɔ ɛ wechɔɡa kpɔe dɛ kɛ saraha.

⁸⁸ Kondɛɛra baa kpɔa ka ɛ deŋnesɔɔhna saraha la ɡe lɔ nae fifraanɛ dɛ anaarɛ, ne pebala fifraanumɛl ne bombala fifraanumɛl, dɛ pebali fifraanumɛl a bɛlbwa aa di benanyoa. A ɡɛ kwaa nɔɔ ba kpɔ tɛ, dɛ kpɔ saraha kon baa fuɡe noo yɔɔro la do men Korowii nɔn ta.

⁸⁹ Saŋ bɛlbwa Mosis aa jo Korowii Dea Cheremibɔr bela, o ne Korowii bol waa la, o dɛ no taa la dɛɛ le Kerobim la baah ta. Ba sɛah chɔŋɛ Korowii Ne Nɛwɛnyina Fɔo Daka tɔ la doa. Belaa Korowii do dɛ bol waa o be.