Nɛra Kura 33 - mzwDBL

Israel tena vala dɛ le Ijipt kaa Moab harɛ ta

¹ Gɛ Mosis ne Arɔn aa kpɔ Israel tena le Ijipt harɛ ta dɛ tɔ ba sie ba valɛ denaa ta laanee teŋa nɔ.

² Korowii do Mosis o chwerɛ ɡɛ baa soɡa dɛɛ ir ba vala bini bwa. Kenii ba so dɛɛ ir.

³ Israel tena la iro le Rameses korobiloɡle la tɔpera fi dɛ anue ta, Galekaa Tɔpejen la habɔɔ tɔ aa pera la. Ba leɔ bambile bwa ne Ijipt tena la bwa siwi ta dɛ kaa.

⁴ Dɛ Ijipt tena la dɛ huɡe ba bibanloɡla Korowii aa kpoo ba ba deremi ta dɛ kpɔ baɡle o kpeɡri waa dɔa ɡwaa ba voɡa.

⁵ Israel tena la le Rameses dɛ ka baŋre ba tɛnte deene Sukot.

⁶ Dɛ ir Sukot dɛ ka so Etaam, pua hɛŋle ɡbo harɛ la nyoa.

⁷ Dɛ berɛ ir Etaam dɛ laa berɛ ba Pi Haherɔt waa lɔ Baal Sefon wee leebɔr, dɛ ka so bɛne Miɡdol.

⁸ Dɛ ir Pi Haherɔt dɛ kpɔ mpo ŋwɛnɛ ta kaa pua hɛŋle ɡbo harɛ la ta. Ba valɛ tɔpera atoro Etaam pua hɛŋle ɡbo harɛ la ta dɛ ka so Mara.

⁹ Dɛ ir Mara dɛ ka baŋre ba tɛnte deene dɛ so Elim. Buli fi dɛ anɛ nyuune ne bambie daa fifraanuanɛ lɔ bela.

¹⁰ Dɛ ir Elim dɛ ka so Mposwɛm nyoa.

¹¹ Dɛ ir Mposwɛm nyoa dɛ ka so Sen pua hɛŋle ɡbo harɛ la ta.

¹² Dɛ ir Sen pua hɛŋle ɡbo harɛ la ta dɛ ka so Dɔfka.

¹³ Dɛ ir Dɔfka dɛ ka baŋre ba tɛnte deene dɛ so Alus.

¹⁴ Dɛ ir Alus dɛ ka so Refidim. Ba ta nee bela dɔe dɛ nyɔ.

¹⁵ Dɛ ir Refidim dɛ ka so Sinai pua hɛŋle ɡbo harɛ la ta.

¹⁶ Dɛ ir Sinai pua hɛŋle ɡbo harɛ la ta dɛ ka so Kebrɔt Hataava.

¹⁷ Dɛ ir Kebrɔt Hataava dɛ ka so Haserɔt.

¹⁸ Dɛ ir Haserɔt dɛ ka so Ritma.

¹⁹ Dɛ ir Ritma dɛ ka so Remɔn Pɛrɛs.

²⁰ Dɛ ir Remɔn Pɛrɛs dɛ ka so Lebna.

²¹ Dɛ ir Lebna dɛ ka so Risa.

²² Dɛ ir Risa dɛ ka so Kehelata.

²³ Dɛ ir Kehelata dɛ ka so Sɛfa Bwejen ta.

²⁴ Dɛ ir Sɛfa Bwejen ta dɛ ka so Harada.

²⁵ Dɛ ir Harada dɛ ka so Makhɛlɔt.

²⁶ Dɛ ir Makhɛlɔt dɛ ka so Tahat.

²⁷ Dɛ ir Tahat dɛ ka so Tɛɛra.

²⁸ Dɛ ir Tɛɛra dɛ ka so Mitka.

²⁹ Dɛ ir Mitka dɛ ka so Hasmona.

³⁰ Dɛ ir Hasmona dɛ ka so Moserɔt.

³¹ Dɛ ir Moserɔt dɛ ka so Bɛne Jaakan.

³² Dɛ ir Bɛne Jaakan dɛ ka so Hɔr Haɡidiɡad.

³³ Dɛ ir Hɔr Haɡidiɡad dɛ ka so Jotbata.

³⁴ Dɛ ir Jotbata dɛ ka so Abrona.

³⁵ Dɛ ir Abrona dɛ ka so Eseɔn Gɛba.

³⁶ Dɛ ir Eseɔn Gɛba dɛ ka so Kades, o lɔ Sin pua hɛŋle ɡbo harɛ la ta.

³⁷ Dɛ ir Kades dɛ ka so Hɔr Bwejen ta, o lɔ Edom harɛ jwɛh ta.

³⁸ Hɔr Bwejen taa sɔfo Arɔn sewɛ korobinue tɔpeloɡle ta, bene fifraanaarɛ baa le Ijipt harɛ ta la ta.

³⁹ Sɔfo Arɔn dɔ bene lafa fifraanɛ dɛ atoro mɔɔ dɛ sewɛ Hɔr Bwejen ta.

⁴⁰ Gɛ saŋee Keenan harɛ ta Kooro Arad no kɛŋɔ Israel tena dɛ ba. Dɛ o soɡe Keenan harɛ ta weekaŋle harɛbɔr.

⁴¹ Israel tena la ir Hɔr Bwejen ta dɛ ka so Salmona.

⁴² Dɛ ir Salmona dɛ ka so Punon.

⁴³ Dɛ ir Punon dɛ ka so Ɔbɔt.

⁴⁴ Dɛ ir Ɔbɔt dɛ ka so Iye Abarim, o lɔ Moab harɛ jwɛh ta.

⁴⁵ Dɛ ir Iye Abarim dɛ ka so Debɔn Gad.

⁴⁶ Dɛ ir Debɔn Gad dɛ ka so Almɔn Diblataim.

⁴⁷ Dɛ ir Almɔn Diblataim dɛ ka so Abarim Bwejena bɔr, dɛ bɛne Nɛbo Bwejen.

⁴⁸ Dɛ ir Abarim Bwejena bɔr dɛ ka so Moab harɛ waa chɔa kaa Jɔɔdan Moo ta, asɛ Jeriko do baŋ bɛl.

⁴⁹ Moab harɛ waa chɔa kaa la ta la, ba baŋre ba tɛnte deene Jɔɔdan Moo la nyoa, dɛ so Bɛt Jɛsemɔt dɛ kpoŋe kaa Ebel bela baa du akaasia daa.

⁵⁰ Moab harɛ waa chɔa kaa Jɔɔdan Moo la ta, Jeriko aa lɔ baŋ bɛl la, Korowii ŋɔ Mosis be ŋɔ

⁵¹ ó bol Israel tena la be ŋɔ, “He ɛɡɛ Jɔɔdan Moo la le dɛ jo Keenan harɛ ta naa,

⁵² hé doŋi bela tena baa lɔ harɛ la ta bwa le. Hé chɔɡ ba voɡa baa sɛah ne anɔ la baa loɡa, dɛ́ chɔɡ bela baa chema dɛɛ toma bwa.

⁵³ Hé kpɔ harɛ la ó ɛ he kon dɛ́ so o ta, n kpɔɔ tɛ heya.

⁵⁴ Hé che bie tae ta dɛ́ bɔne harɛ la. Dea o nɛra aa wara la, hé ɡel ba bɔr do kan, banɔ la baa wola warɛ la, hé tɛɛ ba onjeɡa. Dɛ ba ta bie la aa, bela bwa aa chole la, ɛ he bɔr. Hé bɔna denaa ta.

⁵⁵ Dɛ he ta bela tena la doŋe le aa, banɔ la haa ɡel ba ba so la ɛɛ ɛo kɛŋɔ daa waa dɛ ba he siwi tɔɡa, kɛɛ sɔɔh waa tɔɡɛ he kuɡri la ken. Baa tɛ heyaa waa, harɛ haa dɛ ba o ta soɡa la ta.

⁵⁶ He ta ban doŋe le aa, mɛɛ chɔɡ heyaa ɡɛ maa liira kɛ mɛɛ chɔɡ baa la.”