Nɛra Kura 26 - mzwDBL

Nɛra kura nɛɛtena

¹ Weechɔɡa la habɔɔ, Korowii ŋɔ Mosis ne sɔfo Arɔn bibaa Eliasa be ŋɔ,

² “Hé kure Israel deene la bwa ne ba naanar baala baa baa di bene fifraanɛ ne a habɔɔ dɛ́ won la laa la.”

³ Anomanta, ɡɛ saŋ Mosis ne sɔfo Eliasa dɛ Israel tena la aa lɔ Moab harɛ waa chɔa kaa Jɔɔdan Moo ta asɛ Jeriko do o baŋ la, ba ŋɔ ba be ŋɔ,

⁴ “Hé kure baala baa di bene fifraanɛ ne a habɔɔ ɡɛ Korowii aa do Mosis la.” Israel tena baa le Ijipt harɛ ta ba laanee nɔ.

⁵ Rubin waa ɛ Jekɔb bibanomoa la dea nɛraa teŋa nɔ. Hanɔk ne o dea nɛra, ne Palu ne o dea nɛra,

⁶ ne Hɛsrɔn ne o dea nɛra, dɛ Kaami ne o dea nɛra.

⁷ Gɛ nɛra nɔɔ Rubin dea nɛra, baala baa kur ba lɔ nɛra kaɡboŋa lafraanaarɛ dɛ batoro, lafraanuanɛ fifraatoro.

⁸ Palu bibaa sɔne Eliab,

⁹ o bibaalaa Nemoɛl ne Datan dɛ Abiram. Gɛ Datan nɔ ne Abiram fa ɛ Israel tena sitɔɔla, dɛ ka teŋɛ Kora ne o nɛra nɛɛ dɛ ɛ deŋnekpeɡ Mosis ne Arɔn dɛ Korowii nɛ.

¹⁰ A che a ta harɛ pere ba ne Kora jo o bini, asɛ nii fuh Kora nɛra lafraanɛ fifraanue a ɛ waa chɔ tɛ nɛra bá hweli.

¹¹ Kɛ Kora luɡe nɛra te ta serewɛ.

¹² Simeon dea nɛraa teŋa nɔ, Nemoɛl ne o dea nɛra, ne Jamin ne o dea nɛra, dɛ Jakin ne o dea nɛra,

¹³ ne Sɛra ne o dea nɛra, dɛ Swaul ne o dea nɛra.

¹⁴ Simeon dea nɛraa ba nɔ bwa. Baala baa kur ba lɔ kaɡboŋa fifraanɛ dɛ banɛ, lafraanɛ.

¹⁵ Gad ɡe dea nɛraa teŋa nɔ, Sefon ne o dea nɛra, ne Haɡi ne o dea nɛra, dɛ Suni ne o dea nɛra,

¹⁶ ne Osni ne o dea nɛra, dɛ Ɛre ne o dea nɛra,

¹⁷ ne Arodi ne o dea nɛra, dɛ Areli ne o dea nɛra.

¹⁸ Gad dea nɛraa ba bwa. Baala baa kur ba la lɔ kaɡboŋa fifraanaarɛ lafraanue.

¹⁹ Juda bibaalaa sɔne Ɛr ne Onan, kɛ ba serewe Keenan harɛ ta.

²⁰ Juda dea nɛraa teŋa nɔ, Seela ne o dea nɛra, ne Pɛrɛs ne o dea nɛra, dɛ Sɛra ne o dea nɛra.

²¹ Pɛrɛs ɡe dea nɛraa nɔ. Hɛsrɔn ne o dea nɛra, dɛ Hamul ne o dea nɛra.

²² Juda dea nɛraa ba bwa. Baala baa kur ba la lɔ kaɡboŋa fifraanuanɛ dɛ banumɛl lafraanue.

²³ Isaaka dea nɛraa ɡee teŋa nɔ. Tola ne o dea nɛra, dɛ Pua ne o dea nɛra,

²⁴ ne Jasub ne o dea nɛra, dɛ Simron ne o dea nɛra.

²⁵ Isaaka dea nɛraa ba bwa. Baala baa kur ba lɔ kaɡboŋa fifraanumɛl dɛ banaarɛ lafraatoro.

²⁶ Sebulon ɡe dea nɛraa teŋa nɔ. Sered ne o dea nɛra, ne Ɛlɔn ne o dea nɛra, dɛ Jaleel ne o dea nɛra.

²⁷ Sebulon dea nɛraa ba bwa. Baala baa kur ba lɔ kaɡboŋa fifraanumɛl lafraanue.

²⁸ Josef bibaalaa Manasɛ ne Efrem dea.

²⁹ Manasɛ dea nɛraa teŋa nɔ. Makir ne o dea nɛra, ne Gelead dɛ o dea nɛra.

³⁰ Gelead ɡe dea nɛraa, Jesa ne o dea nɛra, ne Hɛlɛk dɛ o dea nɛra,

³¹ ne Asriel ne o dea nɛra, ne Sɛkem dɛ o dea nɛra,

³² ne Sɛmeda ne o dea nɛra, ne Hɛfa ne o dea nɛra.

³³ Hɛfa bibaa Selofehad te ta bibaala dɔe, bihaahna ɡboo o dɔ. Ba sɔnaa nɔ. Maala ne Nowa ne Hoɡla ne Milka dɛ Tirsa.

³⁴ A ɡɛ nɛra nɔ bwa ɛ Manasɛ dea nɛra. Baala baa kur ba lɔ kaɡboŋa fifraanue dɛ banɛ, dɛ lafraanuanɛ.

³⁵ Efrem ɡe dea nɛraa teŋa nɔ. Sutela ne o dea nɛra, ne Bɛka ne o dea nɛra, dɛ Tahan ne o dea nɛra.

³⁶ Sutela dea nɛraa nɔ. Eran ne o dea nɛra.

³⁷ A ɡɛ nɛra nɔ bwa ɛ Efrem dea nɛra. Baala baa kur ba la lɔ kaɡboŋa fifraatoro dɛ banɛ lafraanue. A ɡɛ nɛra nɔɔ le Josef luɡe ta.

³⁸ Bɛnjamen dea nɛraa teŋa nɔ. Bɛla ne o dea nɛra, ne Asbɛl ne o dea nɛra, dɛ Ahiram ne o dea nɛra,

³⁹ ne Sufam ne o dea nɛra, dɛ Hufam ne o dea nɛra.

⁴⁰ Bɛla bibaalaa Aad ne Naaman. Aad ne o dea nɛra, ne Naaman ne o dea nɛra,

⁴¹ A ɡɛ nɛra nɔ bwa ɛ Bɛnjamen dea tena. Baala baa kur ba lɔ kaɡboŋa fifraanaarɛ dɛ banue lafraanumɛl.

⁴² Dan ɡe dea nɛraa teŋa nɔ, Suham ne o dea nɛra, Dan dea nɛraa ba bwa.

⁴³ Suham ne o dea nɛra ɡboo Dan dea tena. Baala baa kur ba lɔ kaɡboŋa fifraanumɛl dɛ banaarɛ lafraanaarɛ.

⁴⁴ Aasa dea nɛraa teŋa nɔ. Imna ne o dea nɛra, ne Isvi ne o dea nɛra, dɛ Bɛrea ne o dea nɛra.

⁴⁵ Bɛrea dea nɛra ɡe bini la, Heba ne o dea nɛra, dɛ Malkeɛl ne o dea nɛra.

⁴⁶ Dɛ Aasa dɔ bihaah baa yerɔ Sera.

⁴⁷ A ɡɛ nɛra nɔ bwa ɛ Aasa dea nɛra. Baala baa kur ba lɔ kaɡboŋa fifraanue dɛ batoro lafraanaarɛ.

⁴⁸ Naftale dea nɛraa teŋa nɔ. Jaseel ne o dea nɛra, dɛ Guni ne o dea nɛra,

⁴⁹ ne Jesa ne o dea nɛra, dɛ Silem ne o dea nɛra.

⁵⁰ Banɔ bwaa Naftale dea nɛra. Baala baa kur ba lɔ kaɡboŋa fifraanaarɛ dɛ banue lafraanaarɛ.

⁵¹ Israel baala bwa baa kur ba la lɔ kaɡboŋa lafraanumɛl dɛ beŋkpoŋ, lafraanuanɛ fifraatoro.

⁵² Asɛ Korowii ŋɔ Mosis be ŋɔ,

⁵³ “Bɔne Keenan harɛ la tɛ deene la ɡɛ bɛlbwa nɛra kan aa doa, ó ɛ ba kon.

⁵⁴ Dea bɛlbwa o nɛra aa wara la, ɡel ba kon do kan, bɛlbwa ɡe o nɛra aa wola kanɛ la, tɛɛ ba onjeɡa. Nyiŋi deene la nɛra kan ta, dɛ́ ɡel dea bɛlbwa dɔ o kon.

⁵⁵ Gel dea bɛlbwa ta bie mɔɔ dɛ́ dɔ o harɛ. Che deene la sɔna la ta ba ta bie la.

⁵⁶ Che bie tae la ta dɛ́ bɔne tɛɛ ba, deene aa kana ne anɔ la aa wola kanɛ la bwa.”

⁵⁷ Lewi dea nɛraa teŋa nɔ. Gɛsɔn ne o dea nɛra, ne Kohat ne o dea nɛra, dɛ Merari ne o dea nɛra.

⁵⁸ Banɔ ɡee ɛ Lewi dea nɛra. Libni ne o dea nɛra, ne Hɛbrɔn ne o dea nɛra, ne Maali ne o dea nɛra, ne Musi bibaala ne o dea nɛra, dɛ Kora bibaala ne o dea nɛra. Amram nabaalee Kohat.

⁵⁹ Amram haah sɔne Jɔkɛbɛd, Lewi naa. Ijipt harɛ taa ba lolɔ. Amram ne Jɔkɛbɛd lolɛ bibaala banɛ, banee Arɔn ne Mosis, ba nimambiee Miriam.

⁶⁰ Arɔn lolɛ bibaala banaarɛ, banee Nadab ne Abihu, ne Eliasa dɛ Itama.

⁶¹ Nadab ne Abihu kpɔ nii aa wola chɛ kɛ bá kpɔ do kon baa ɛ saraha o ta dɛɛ tɛ Korowii ta dɛ serewe.

⁶² Lewi dea baala baa dɔ korobie beŋkpoŋ ne a habɔɔ laanee ba kure. Dɛ ba lɔ kaɡboŋa fifraanɛ dɛ batoro. Ba ta ban kure ja deene baa kure a nɛra la ta, dɛkalkɛŋɔ ba ta ba te harɛ tɛɛ.

⁶³ Banɔɔ Israel tena Mosis ne sɔfo Eliasa aa kura Moab harɛ waa chɔa kaa Jɔɔdan Moo nyoa Jeriko do baŋ bɛl la.

⁶⁴ Banɔ la Mosis ne sɔfo Arɔn fa aa kur ba Sinai pua hɛŋle ɡbo harɛ ta la bwa serewɔ, beŋkpoŋ bɛlbwa ta kae.

⁶⁵ Dɛ Korowii ŋɔ ɡɛ Israel tena la be ŋɔ pua hɛŋle ɡbo harɛ la taa baa ba serewa. Beŋkpoŋ bɛlbwa ta kae, nemenɛ Jefune bibaa Kaleb ne Nun bibaa Josua.