Nɛra Kura 1 - mzwDBL

Israel tena kura loɡla

¹ Israel tena aa le Ijipt harɛ ta la, ba soɡe Sinai Bwejen pua hɛŋle ɡbo harɛ ta. Ba soɡa bini bennɛɛte korobie waa teŋa nɛɛ o tɔpere waa tɔ sie ta la, Korowii bol waa Mosis be o Dea Cheremibɔr bela dɛ ŋɔ,

² “Kure Israel tena bwa. Kure dea bɛlbwa ne ba lolanar, dɛ́ chwerɛ baala bwa sɔna beŋkpoŋa beŋkpoŋa.

³ Hé ne Árɔn kur ba ɡɛ. Hé kure le baala baa dɔ bene fifraanɛ ne a habɔɔ dɛ́ won la laa.

⁴ Hé ɡel Israel dea bɛlbwa le nomonnyu ó cha heya.”

⁵ Baala baa chɛ kɛŋɔ bá cha heyaa laanee nɔ. Rubin dea, Sɛdor bibaa Elisur,

⁶ Simeon dea, Surisadai bibaa Sɛlomeɛl,

⁷ Juda dea, Aminadab bibaa Naasɔn,

⁸ Isaaka dea, Suar bibaa Nɛtanɛl,

⁹ Sebulon dea, Hɛlɔn bibaa Eliab.

¹⁰ Josef naanar la ɡe bini, Efrem dea, Amihud bibaa Elisama, Manasɛ dea, Pedasur bibaa Gamaleɛl,

¹¹ Bɛnjamen dea, Gedeɔne bibaa Abidan,

¹² Dan dea, Amisadai bibaa Ahiesa,

¹³ Aasa dea, Okran bibaa Paɡiel,

¹⁴ Gad dea, Dewɛl bibaa Eliasaf,

¹⁵ Naftale dea, Enan bibaa Ahira.

¹⁶ A ɡɛ nɛra nɔɔ le Israel tena bini dɛ ɛ ba deene nomonnyuune. Banee chɔ Israel tena nyoa.

¹⁷ Mosis ne Arɔn kpɔ ɡɛ nɛra baa kpɔ ba sɔna tɛɛ ba la,

¹⁸ asɛ dɛ yerɛ Israel tena bwa cheme korobinɛɛte la tɔpere waa tɔ sie la ta. Nɛra la yerɛ ba deene ne ba lolanar sɔna a baɡle bela baa lea, asɛ ba chwerɛ baala baa di bene fifraanɛ ne a habɔɔ la sɔna beŋkpoŋa beŋkpoŋa,

¹⁹ ɡɛ Korowii aa do Mosis la. O kur ba Sinai Bwejen pua hɛŋle ɡbo harɛ la ta.

²⁰ Ba pa mun dɛ kure le Jekɔb baa bera dɛɛ yerɔ Israel la biloɡle Rubin naanar nɛ. Baala baa dɔ bene fifraanɛ ne a habɔɔ, dɛ́ won la laa laanee ba chwerɛ ba sɔna beŋkpoŋa beŋkpoŋa, dɛ le ba deene ne ba lolanar tɔne bini.

²¹ Rubin dea tena lɔ kaɡboŋa fifraanaarɛ dɛ banumɛl lafraanue.

²² Simeon naanaree, baala baa dɔ bene fifraanɛ ne a habɔɔ, dɛ́ won la laa laanee ba chwerɛ ba sɔna beŋkpoŋa beŋkpoŋa, dɛ le ba deene ne ba lolanar tɔne bini.

²³ Simeon dea tena lɔ kaɡboŋa fifraanue dɛ banuanaarɛ lafraatoro.

²⁴ Gad naanaree, baala baa dɔ bene fifraanɛ ne a habɔɔ, dɛ́ won la laa laanee ba chwerɛ ba sɔna beŋkpoŋa beŋkpoŋa, dɛ le ba deene ne ba lolanar tɔne bini.

²⁵ Gad dea tena lɔ kaɡboŋa fifraanaarɛ dɛ banue, lafraanumɛl fifraanue.

²⁶ Juda naanaree, baala baa dɔ bene fifraanɛ ne a habɔɔ, dɛ́ won la laa laanee ba chwerɛ ba sɔna beŋkpoŋa beŋkpoŋa, dɛ le ba deene ne ba lolanar tɔne bini.

²⁷ Juda dea tena lɔ kaɡboŋa fifraanuanɛ dɛ banaarɛ lafraanumɛl.

²⁸ Isaaka naanaree, baala baa dɔ bene fifraanɛ ne a habɔɔ, dɛ́ won la laa laanee ba chwerɛ ba sɔna beŋkpoŋa beŋkpoŋa, dɛ le ba deene ne ba lolanar tɔne bini.

²⁹ Isaaka dea tena lɔ kaɡboŋa fifraanue dɛ banaarɛ lafraanaarɛ.

³⁰ Sebulon naanaree, baala baa dɔ bene fifraanɛ ne a habɔɔ, dɛ́ won la laa laanee ba chwerɛ ba sɔna beŋkpoŋa beŋkpoŋa, dɛ le ba deene ne ba lolanar tɔne bini.

³¹ Sebulon dea tena lɔ kaɡboŋa fifraanue dɛ banuanɛ lafraanaarɛ.

³² Josef bibaala ɡe bini, Efrem naanaree, baala baa dɔ bene fifraanɛ ne a habɔɔ, dɛ́ won la laa laanee ba chwerɛ ba sɔna beŋkpoŋa beŋkpoŋa, dɛ le ba deene ne ba lolanar tɔne bini.

³³ Efrem dea tena lɔ kaɡboŋa fifraanaarɛ lafraanue.

³⁴ Manasɛ naanaree, baala baa dɔ bene fifraanɛ ne a habɔɔ, dɛ́ won la laa laanee ba chwerɛ ba sɔna beŋkpoŋa beŋkpoŋa, dɛ le ba deene ne ba lolanar tɔne bini.

³⁵ Manasɛ dea tena lɔ kaɡboŋa fifraatoro dɛ banɛ lafraanɛ.

³⁶ Bɛnjamen naanaree, baala baa dɔ bene fifraanɛ ne a habɔɔ dɛ́ won la laa laanee ba chwerɛ ba sɔna beŋkpoŋa beŋkpoŋa, dɛ le ba deene ne ba lolanar tɔne bini.

³⁷ Bɛnjamen dea tena lɔ kaɡboŋa fifraatoro dɛ banue lafraanaarɛ.

³⁸ Dan naanaree, baala baa dɔ bene fifraanɛ ne a habɔɔ dɛ́ won la laa laanee ba chwerɛ ba sɔna beŋkpoŋa beŋkpoŋa, dɛ le ba deene ne ba lolanar tɔne bini.

³⁹ Dan dea tena lɔ kaɡboŋa fifraanumɛl dɛ banɛ lafraanuanɛ.

⁴⁰ Aasa naanaree, baala baa dɔ bene fifraanɛ ne a habɔɔ dɛ́ won la laa laanee ba chwerɛ ba sɔna beŋkpoŋa beŋkpoŋa, dɛ le ba deene ne ba lolanar tɔne bini.

⁴¹ Aasa dea tena lɔ kaɡboŋa fifraanaarɛ dɛ beŋkpoŋ lafraanue.

⁴² Naftale naanaree, baala baa dɔ bene fifraanɛ ne a habɔɔ dɛ́ won la laa laanee ba chwerɛ ba sɔna beŋkpoŋa beŋkpoŋa, dɛ le ba deene ne ba lolanar tɔne bini.

⁴³ Naftale dea tena lɔ kaɡboŋa fifraanue dɛ batoro lafraanaarɛ.

⁴⁴ Mosis ne Arɔn ne nomonnyuune fi dɛ banɛ baa cheɡa tɛ ba deene laanee chwerɛ baala la sɔna ɡɛ baa baɡla la.

⁴⁵ Israel baala baa di bene fifraanɛ kɛɛ dɛ ɡwaa dɛ́ won ka yo laa la, ba kur ba ɡɛ baa chwerɛ ba sɔna ba lolanar bini.

⁴⁶ Dɛ ba bwa lɔ nɛra kaɡboŋa lafraanumɛl dɛ batoro, lafraanue fifraanue.

⁴⁷ Lewi dea tena te, ba ta ban kure ja a ɡɛ deene la baala nɛ.

⁴⁸ Dɛ Korowii fa ŋɔ Mosis be ŋɔ,

⁴⁹ “Bɛ Lewi dea tena te kure á ba ɛ kɛŋɔ hɛɛ kpɔ baa ja ba bala Israel tena baa kur ba la nɛ.

⁵⁰ Kɛ kpɔ n Tɛnte Dea, ne laala aa lɔ o bini dɛ o komɛlbwa do Lewi dea tena la nɔn ta bá chɔ a nyoa. Banee dɛɛ ba baa che o ne laala aa jaa bwa. Banee dɛ́ nyiŋi o ta dɛ́ baŋre ba tɛnte deene baro.

⁵¹ Saŋ bɛlbwa aa chɛ kɛŋɔ bá kpɔ n Tɛnte Dea la kaa bobɛl la, Lewi dea tena laanee chɛ kɛŋɔ bá foromu. Dɛ a chɛ kɛŋɔ bá baŋro ɡe aa, banee dɔ o baŋra. Nomɛlbwa waa wola dea la ta jae bɛne belaa, bá kpoo.

⁵² Israel tena la bɛlbwa baŋre o tɛnte dea bela o ɡbaɡba dea tena aa soɡa, dɛ́ pa ba ɡbaɡba dea fraŋkaa.

⁵³ Kɛ Léwi dea tena la te baŋre ba tɛnte deene bar n Tɛnte Dea la, ásɛ n bandia bɛ Israel tena la bwa nɛɛ ba. Lewi dea tena laanee chɛ kɛŋɔ báa nyiŋi n Tɛnte Dea la bwa ta.”

⁵⁴ Israel tena la ɛ ɡɛ waa nɔ bwa kɛrɛdɛ ken, ɡɛ tenten Korowii aa do Mosis la.