Nehemia 7 - mzwDBL

¹ Danjwɛɛ la kwaara dɛ ma aa tona asɛ n do o doonyoo ɡbeni la, men Nehemia le nɛra baa so doonyoa la ta dɛɛ daah, dɛ le Korowii Dea yelɡoola ne Lewi dea tena baa dɛɛ ɛ toma Korowii Dea, dɛ kpɔ ba tomare do ba nɔn ta.

² N kpɔ Jerusalam do n dɔŋ Hanani ne Hanania nɔn ta ŋɔ baa nyiŋi o ta. Dɛ Hanania ɛ nomoa waa dɛ nyiŋi dekpeɡ la ta. O waa dɔ kasinteŋ wɛɛ ɔmɛ Korowii, o dɔŋ aa wola toole.

³ N ŋɔ ba be ŋɔ chɔɔbɔr bá ɡel wee ɛɛ baŋɛ mɔɔ baa ya Jerusalam doonyoo ɡbeni la, ásɛ wee joɔ ɡe aa, ba tɔa dɛ́ kaɡra mɔɔ nɛra baa dɛ daahna la le bela. N berɔ ŋɔ ba be ŋɔ, bá le nɛra bane baa daah bwɛɛ la bobɛla, bane ɡe ɛɛ daah ba deremi bɔra.

Nɛra baa bera le bojaŋ harɛfale ta ba sɔna

⁴ Dɛ Jerusalam kan, kɛ dɛ nɛra baa lɔ o ta aa kanɛ. Dɛ ba ta berɛ kwaa ma deene a warɛ mɔɔ.

⁵ Korowii tɛ mɛ liire kɛŋɔ ń yerɛ bwɛɛ la sitɔɔla ne nomonome, dɛ nɛra baa lɔ bela la cheme, dɛ́ chwerɛ ba sɔna ɡɛ baa teŋɛ dɔŋa nɛɛ lola ta. N na banɔ la ba naawa aa tɔ sie le bojaŋ harɛfale ta dɛ ba la. Kenii ba chwerɛ ba sɔna ɡɛ baa teŋɛ dɔŋa nɛ.

⁶ Nɛra Babelɔn Koojen Nebukadnesa aa laɡ ba laa ta kaa bojaŋ harɛ Babelɔn, asɛ ba berɛ won ba Jerusalam ne Juda harɛ ta, dɛ ba so ba bwɛɛre ta laanee teŋa nɔ.

⁷ Nomonome baa tɔ ba sie laanee, Sɛrobabɛl ne Jesua ne Nehemia, ne Asaria ne Raamia ne Nahamani, ne Mɔdekae ne Bilsan ne Misperet, ne Biɡvai ne Nehum dɛ Baana. Baala baa le Israel harɛ taa teŋa nɔ.

⁸ Parɔs naanar lɔ kaɡboŋa banɛ lafa fifraanuanɛ dɛ banɛ.

⁹ Sɛfatea naanar lɔ lafraatoro fifraanuanɛ dɛ banɛ.

¹⁰ Ara naanar lɔ lafraanumɛl fifraanue dɛ banɛ.

¹¹ Pahat Moab ne Jesua dɛ Joab luɡe nɛra lɔ kaɡboŋa banɛ lafraanuatoro dɛ fi dɛ banuatoro.

¹² Elam naanar lɔ kaɡboŋ lafraanɛ fifraanue dɛ banaarɛ.

¹³ Satu naanar lɔ lafraanuatoro fifraanaarɛ dɛ banue.

¹⁴ Sakai naanar lɔ lafraanuanɛ fifraanumɛl.

¹⁵ Binui naanar lɔ lafraanumɛl fifraanaarɛ dɛ banuatoro.

¹⁶ Bebai naanar lɔ lafraanumɛl fifraanɛ dɛ banuatoro.

¹⁷ Asɡad naanar lɔ kaɡboŋa banɛ lafraatoro fifraanɛ dɛ banɛ.

¹⁸ Adonikam naanar lɔ lafraanumɛl fifraanumɛl dɛ banuanɛ.

¹⁹ Biɡvai naanar lɔ kaɡboŋa banɛ fifraanumɛl dɛ banuanɛ.

²⁰ Adin naanar lɔ lafraanumɛl fifraanue dɛ banue.

²¹ Ata waa le Hɛsɛkea luɡe ta ɡe naanar lɔ fifraanuanaarɛ dɛ banuatoro.

²² Hasum naanar lɔ lafraatoro fifraanɛ dɛ banuatoro.

²³ Bɛsae naanar lɔ lafraatoro fifraanɛ dɛ banaarɛ.

²⁴ Harif naanar ɡe lɔ lafa dɛ fi dɛ banɛ.

²⁵ Gebeɔn naanar lɔ fifraanuanaarɛ dɛ banue.

²⁶ Baala baa le Bɛtlɛham ne Nɛtɔfa lɔ lafa fifraanuatoro dɛ banuatoro.

²⁷ Baala baa le Anatɔt lɔ lafa fifraanɛ dɛ banuatoro.

²⁸ Baala baa le Bɛt Asmavɛt lɔ fifraanaarɛ dɛ banɛ.

²⁹ Baala baa le Kiriat Jearim ne Kefira dɛ Beɛrɔt lɔ lafraanuanɛ fifraanaarɛ dɛ batoro.

³⁰ Baala baa le Rama ne Geba lɔ lafraanumɛl fifraanɛ dɛ beŋkpoŋ.

³¹ Baala baa le Mikmas lɔ lafa fifraanɛ dɛ banɛ.

³² Baala baa le Bɛtel ne Ai lɔ lafa fifraanɛ dɛ batoro.

³³ Baala baa le Nɛbo lɔ fifraanue dɛ banɛ.

³⁴ Baala baa le Elam lɔ kaɡboŋ lafraanɛ fifraanue dɛ banaarɛ.

³⁵ Baala baa le Harim lɔ lafraatoro fifraanɛ.

³⁶ Baala baa le Jeriko lɔ lafraatoro fifraanaarɛ dɛ banue.

³⁷ Baala baa le Lod ne Hadid dɛ Ono lɔ lafraanuanɛ fifraanɛ dɛ beŋkpoŋ.

³⁸ Baala baa le Senaa lɔ kaɡboŋa batoro lafraanuanaarɛ fifraatoro.

³⁹ Sɔfore baa jaa ɡee nɔ. Jedaya naanar dɛ le Jesua luɡe ta nɛra lɔ lafraanuanaarɛ fifraanuanɛ dɛ batoro.

⁴⁰ Ima naanar lɔ kaɡboŋ fifraanue dɛ banɛ.

⁴¹ Pasur naanar lɔ kaɡboŋ lafraanɛ fifraanaarɛ dɛ banuanɛ.

⁴² Harim naanar lɔ kaɡboŋ dɛ fi dɛ banuanɛ.

⁴³ Lewi dea tena ɡee nɔ. Jesua naanar dɛ le Kadmiel dɛ Hodavia luɡe nɛra lɔ fifraanuanɛ dɛ banaarɛ.

⁴⁴ Yelɡoola baa jaa ɡee nɔ. Asaf naanar, ba lɔ lafa fifraanaarɛ dɛ banuatoro.

⁴⁵ Nɛra baa dɛ daah Korowii Dea doonyoo ɡee nɔ. Salum ne Ata ne Talmɔn, ne Akub ne Hatita dɛ Sobai naanar, ba lɔ nɛra lafa fifraatoro dɛ banuatoro.

⁴⁶ Bonɔɔna baa dɛ ɛ toma Korowii Dea ɡee nɔ, ba naanaree, Siha ne Hasufa dɛ Tabaot,

⁴⁷ Keros ne Sia dɛ Padɔn,

⁴⁸ Lebana ne Haɡaba dɛ Samlai,

⁴⁹ Hanan ne Gedɛl dɛ Gahar,

⁵⁰ Reaya ne Resin dɛ Nekoda,

⁵¹ Gasam ne Usa dɛ Pasea,

⁵² Besai ne Meunim dɛ Nefusesim,

⁵³ Bakbuk ne Hakufa dɛ Haahur,

⁵⁴ Baslut ne Mehida dɛ Haasa,

⁵⁵ Baakɔs ne Sisera dɛ Tɛma,

⁵⁶ Nɛsea ne Hatifa.

⁵⁷ Kooro Solomɔn bonɔɔna naanar ɡee nɔ. Sotai naanaree, Soferet ne Pɛreda,

⁵⁸ Jaala ne Daakon dɛ Gedɛl,

⁵⁹ Sɛfatea ne Hatil, ne Pɔkɛrɛt Hasebaim dɛ Amɔn.

⁶⁰ Bonɔɔna baa dɛ ɛ toma Korowii Dea ne Kooro Solomɔn bonɔɔna naanar lɔ lafraatoro fifraanuanaarɛ dɛ banɛ.

⁶¹ Nɛra baa teŋa nɔ le bwɛɛre ane kɛŋɔ Tɛl Mɛla ne Tɛl Hasa, ne Kɛrɔb ne Adon dɛ Ima. Kɛ ba ta wone chaɡle kɛŋɔ ba lolanar mun le Israel harɛ ta. Banee nɔ.

⁶² Delaya ne Tobia dɛ Nekoda naanar, ba lɔ lafraanumɛl fifraanaarɛ dɛ banɛ.

⁶³ Dɛ le sɔfore ɡe be peraa nɔ, ba naanaree, Hobaya ne Hakɔs dɛ Baasilai. A ɡɛ Baasilai nɔɔ fa mo Baasilai waa le Gelead bihaah, a che a ta baa yerɔ ɡɛ sɔn nɔ.

⁶⁴ A ɡɛ nɛra nɔ ɡaaɡe ba naawa luɡe tɔne bini kahonɛ, anomanta, ba kpɔ ba kɛŋɔ nɛra doŋa aa lɔ ba nɛɛ baa wola won ɛ sɔfore.

⁶⁵ Asɛ Juda harɛ nomoa ŋɔ ba be ŋɔ baa won di kondikwaa aa do ɡoroŋ bɛlbwa baa kpɔa ba tɛ Korowii laa, atane sɔfo bɛl lɔ bela, dɛ́ do batakaare baa sɔh Urim ne Tumim dawɛ o ta ó che a ta bɔɔ waa Korowii aa dɛ nyin la mɔɔ.

⁶⁶ A ɡɛ nɛra nɔ bwa lɔ kaɡboŋa fifraanaarɛ dɛ banɛ, lafraatoro fifraanumɛl.

⁶⁷ Ba bonɔɔna ne toli baa dɛ tomɛ ɡe lɔ kaɡboŋa banuanɛ lafraatoro fifraatoro dɛ banuanɛ. Dɛ ba berɔ dɔ baala ne haahna yelɡoola lafraanɛ fifraanaarɛ dɛ banue.

⁶⁸ Ba jaɡre lɔ lafraanuanɛ fifraatoro dɛ anumɛl, ba keeɡore aa jweera a loɡle la bii lɔ lafraanɛ fifraanaarɛ dɛ anue,

⁶⁹ ba nyoɡmare lɔ lafraanaarɛ fifraatoro dɛ anue ne keeɡore kaɡboŋa anumɛl lafraanuanɛ fifraanɛ.

⁷⁰ Nomonnyuune la bini bane le ba bambile bini tɛ kwaa bá berɛ kpɔ cha Korowii Dea toma la. Nomoa waa dɛ nyiŋi harɛ la ta tɛ suuɡaswɛm a tɔɡre aa ɛ kilore anuatoro ne tama, ne loɡa baa do nee kɛɛ chal a bini, dɛ ɛ dɛɛ merɛ Korowii Dea fifraanue, dɛ sɔfore laala lafraanue fifraatoro.

⁷¹ Nɛra la nomonome la bini bane tɛ kwaa bá kpɔ cha toma la. Ba tɛ suuɡaswɛm aa tɔɡre aa ɛ kilore lafa fifraanuanɛ, ne suuɡapoŋa aa tɔɡre aa ɛ boyu baaɡe fifraanɛ dɛ anuanɛ.

⁷² Nɛra la kabora kwaa baa tɛa lɔ suuɡaswɛm a tɔɡre aa ɛ kilore lafa fifraanuanɛ, ne suuɡapoŋa a tɔɡre aa ɛ boyu baaɡe fifraanɛ dɛ anuanɛ, dɛ sɔfore batakaani fifraanumɛl dɛ anuanɛ.

⁷³ Sɔfore ne Lewi dea tena ne nɛra baa dɛ daah Korowii Dea doonyoo, ne yelɡoola ne bonɔɔna baa dɛ ɛ toma Korowii Dea, ne nɛra la bane, dɛ Israel tena baa kaa la bwa kaa so ba bwɛɛre ta.