Nehemia 12 - mzwDBL

Sɔfore ne Lewi dea tena

¹ Sɔfore ne Lewi dea tena baa teŋɛ Sealteɛl bibaa Sɛrobabɛl ne Sɔfonomoa Jesua nɛɛ ba le bojaŋ harɛ baa laɡ ba kaa ta ba laanee nɔ. Seraya ne Jeremia dɛ Ɛsra,

² ne Amaria ne Maluk dɛ Hatus,

³ ne Sɛkania ne Rehum dɛ Mɛremɔt,

⁴ ne Ido ne Gineton dɛ Abija,

⁵ ne Mijamin ne Moadia dɛ Bilɡa,

⁶ ne Sɛmaya ne Joiarib dɛ Jedaya,

⁷ dɛ Sallu ne Amɔk ne Hilkia dɛ Jedaya. Banɔɔ sɔfore sitɔɔla ne banɔ la baa dɛ cha ba, Jesua bere saŋ.

⁸ Lewi dea tena ɡe sɔnaa, Jesua ne Binui ne Kadmiel, ne Sɛrebea ne Juda dɛ Matania, ne o bala baa ja o nɛ. Banee chɔ yela baa ɡoa dɛɛ kpɛɛ Korowii Dea la nyoa.

⁹ Asɛ Bakbukia ne Uni dɛ ba bala baa ja ba nɛɛ ɡe che Korowii Dea bampera, ba ne ba sie chaɡɛ dɔŋa baa ɡo yela la ane.

Sɔfonomoa Jesua naanar

¹⁰ Jesua lolɛ Joiakim, Joiakim lolɛ Eliasib asɛ Eliasab lolɛ Joiada,

¹¹ Joiada lolɛ Jonatan, Jonatan lolɛ Jadua.

¹² A saŋ Joiakim aa ɛ Sɔfonomoa la, dɛ banɔɔ nomonnyuune ba lolanar bini, Seraya lolanar bini, Meraya, Jeremia lolanar bini, Hanania,

¹³ Ɛsra lolanar bini, Mɛsolam, Amaria lolanar bini, Jehohanan,

¹⁴ Maluk lolanar bini, Jonatan, Sɛkania lolanar bini, Josef,

¹⁵ Harim lolanar bini, Adna, Mɛremɔt lolanar bini, Helkai,

¹⁶ Ido lolanar bini, Sekaria, Gineton lolanar bini, Mɛsolam,

¹⁷ Abija lolanar bini, Sikri, Miniamin ne Moadia lolanar bini, Peltae,

¹⁸ Bilɡa lolanar bini, Samoa, Sɛmaya lolanar bini, Jehonatan,

¹⁹ Joiarib lolanar bini, Matinai, Jedaya lolanar bini, Usi,

²⁰ Sallu lolanar bini, Kalai, Amɔk lolanar bini, Iba,

²¹ Hilkia lolanar bini, Hasabia, Jedaya ɡe lolanar bini, Nɛtanɛl.

²² Ba chwerɛ Lewi dea nomonnyuune ne sɔfore sɔna bil ɡɛ saŋ Sɔfonomonome ba sɔna aa teŋa nɔ aa lole. Banee, Eliasib ne Joiada ne Johanan, dɛ Jadua. Ba chwerɛ ɡɛ sɔna nɔ tonɛ ɡɛ saŋ Koojen Dareɔs aa di kora Pɛɛsea harɛ ta.

²³ Ba chwerɛ Lewi dea tena nomonnyuune sɔna do tɔne bini, ɡɛ saŋ Eliasib bibaa Johanan aa lole.

²⁴ Dɛ Lewi dea tena nomonome laanee, Hasabia ne Sɛrebea dɛ Kadmiel bibaa Jesua, dɛ ba bala baa ja ba nɛ. Ba bɔne ba bini kuore anɛ, beŋkpoŋ dɛ ɡo yela asɛ beŋkpoŋ ɡe ɛɛ sɛh ba nyoa. Ba bwa pɛo dɛ ɡo yela dɛɛ kpɛɛ dɛɛ jam Korowii, ɡɛ Korowii nɛn Kooro Devid aa baɡla la.

²⁵ Dɛ Matania ne Bakbukia ne Obadia, ne Mɛsolam ne Talmɔn dɛ Akub, dɛ daah dejeɡre baa dɛ cheɡ laala a bini a bɛne Korowii Dea doonyoo la.

²⁶ Gɛ saŋ dɛ Jesua bibaa Joiakim, o nabaa aa ɛ Josadak, ne Nehemia waa dɛ nyiŋi harɛ la ta, dɛ sɔfo Ɛsra waa ɛ tɔnjereme la lole.

Jerusalam danjwɛɛ kpɔe dɛ́ do Korowii nɔn ta

²⁷ Baa dɛ ba bwɛjen Jerusalam danjwɛɛ baa maa baro kpɔe dɛ́ do Korowii nɔn ta la, ba yerɛ Lewi dea tena le bobɛlbwa baa soɡa ba. Asɛ ba ba ja, dɛ ɡo jam yela, dɛ kpɔ kwaa bwa soo siwi baa kpɔa dɛɛ hɛlɛ lɔ yela lɛ ba sie.

²⁸ Lewi dea tena baa dɛ ɡo yela la boa ba nyoa le bwɛɛre aa bar Jerusalam, dɛ Nɛtɔfa tena bwɛɛre ta,

²⁹ ne Bɛt Gelɡal ne Geba dɛ Asmavɛt, dɛkalkɛ dɛ yelɡoola la ma ba deene dɛ so bar Jerusalam.

³⁰ Sɔfore la ne Lewi dea tena la ɛ we-ɛɛla, dɛ laa doŋa bɛlbwa kpɔ ba nɛɛ Korowii be pera, ne nɛra la ne doonyoo, dɛ danjwɛɛ waa bar bwɛjen la bwa ta.

³¹ Ate, men Nehemia yerɛ Juda nomonome la cheme danjwɛɛ waa bar bwɛjen la doa, dɛ ɡel ba chɔ yelɡoola kuore anɛ aa kana nyoa ŋɔ, bá valɛ bar bwɛjen la, dɛ́ ɡo yela jam Korowii. Kuo beŋkpoŋ tɔ sie kpɔ sie chaɡɛ danjwɛɛ la diɡ pera, dɛ kaa Puldoa Doonyoa la ta.

³² Asɛ Hosaya ne Juda nomonome pera ɡe teŋɛ ba nɛ.

³³ Ba ne Asaria ne Ɛsra dɛ Mɛsolam,

³⁴ ne Juda ne Bɛnjamen ne Sɛmaya dɛ Jeremia,

³⁵ dɛ sɔfore bane ba ɡe aa dɛ hoh bɛle, dɛ Jonatan bibaa Sekaria, o nabaa sɔne Sɛmaya. O nabaala bane ɡee, Matania ne Mikaya dɛ Sakur, baa ɛ Asaf naanar.

³⁶ O bala ba ɡe aa ɛ Asaf naanar la bane teŋɛ o nɛ. Banee, Sɛmaya ne Aasarɛl ne Milalai, ne Gilalai ne Maai ne Nɛtanɛl, ne Juda dɛ Hanani. Dɛ ba bwa kpoŋe Korowii nɛn Kooro Devid kwaa waa kpɔa dɛɛ lɔ yela la dɔŋa. Asɛ sɔfo Ɛsra waa ɛ tɔnjereme tɔ ba sie.

³⁷ Baa tel Nebule Doonyoa ta la, ba cheɡɛ kwaa ane a do kɛ sanjol ta teeh kaa Kooro Devid Bwɛjen ta, dɛ ɡarɛ Kooro Devid koodem, dɛ berɛ habɔɔ ba Nee Doonyoa waa lɔ bwɛjen la wee leebɔr pera ta.

³⁸ Kuo nɛɛte baa ɡo yela jam Korowii la kpɔ ɡal pera, dɛ kpɔ danjwɛɛ la doa, asɛ n ne nomonome la bini bane teŋɛ ba nɛ. Ya valɔ dɛ ka ɡarɛ Fononoore Dejaŋ dɛ kaa Danjwɛpaɡ la ta,

³⁹ dɛ le bela ka ɡarɛ Efrem ne Jesana ne Pɛŋa Doonyoo, ne Hananɛl ne Lafa Dejaŋa, dɛ kaa Peera Doonyoa la ta. Yaa vala ka tel doonyoa waa bɛne Korowii Dea la, asɛ ya che.

⁴⁰ Kuore anɛ baa ɡo yela jam Korowii la bwa kaa che ba chebɔra Korowii Dea bela, asɛ n ɡe ka che, n ne nomonome baa ja n nɛɛ la bwa,

⁴¹ dɛ sɔfore bane kɛŋɔ, Eliakim ne Maaseya ne Miniamin, ne Mikaya ne Elionai ne Sekaria, dɛ Hanania kpoŋe ba bɛle.

⁴² Asɛ Maaseya ne Sɛmaya ne Eliasa, ne Usi ne Jehohanan ne Malkija, ne Elam dɛ Esa teŋɛ ba nɛ. Asɛ Jesrahia tɔ yelɡoola la sie, ba kpɔ takpeɡ dɛɛ ɡo yela.

⁴³ Awola tɔpere la, ba kpoo kwaa warɛ ɛ sarahare, dɛɛ hɛɡre, dɛkalkɛŋɔ Korowii ɡelɔ ba dɔ silɛɛ kohona. Haahna ne bechale ɡe sie lɛo, nɛra la silɛɛ ɡbɔɡa ɛɛ la bojaŋa bwa.

⁴⁴ Gɛ saŋ la, ba le baala bane baa nyiŋi deene baa lɛ kwaa dɛ kpɔ baa cheɡ a bini Korowii Dea la ta. Kondikonloɡla ne kwaa baa bɔne a bini bɔre fi, dɛ kpɔ a bini bɔrbeŋkpoŋa dɛɛ ba ne. Ba lɛa le kooni aa bar bwɛɛre ta ba cheɡ deene la bini, ɡɛ Mmara aa chaɡla kɛŋɔ, anee chɛ sɔfore ne Lewi dea tena la. Dɛkalkɛ, dɛ Juda tena bwa sie lɛ ba ne Lewi dea tena la nɛ.

⁴⁵ Ba ɛ we-ɛɛla dɛ laa doŋa bɛlbwa kpɔ ba nɛɛ Korowii baa dɛ tomɔ be pera, ɡɛ Korowii aa do ba la. Gɛɛ yelɡoola ne nɛra baa dɛ daah Korowii Dea doonyoo ɡe ɛ, ɡɛ Kooro Devid ne o bibaa Solomɔn aa do ba la.

⁴⁶ Le Kooro Devid ne Asaf bere saŋ, dɛ nɛra tɔ yelɡoola sie baa kpɛɛ dɛɛ jam Korowii yela ne.

⁴⁷ Anomanta, le Sɛrobabɛl ne Nehemia bere saŋ bwaa Israel tena le, dɛɛ tɛ yelɡoola ne nɛra baa dɛ daah Korowii Dea kwa tɔpere bɛlbwa. Ba kpɔ saraha kwaa aa do ɡoroŋ dɛɛ tɛ Lewi dea tena, ásɛ ba ɡe kpɔ anɔ la aa chɛ sɔfore baa ɛ Arɔn naanar kwaa tɛɛ ba.