Nehemia 10 - mzwDBL

¹ Nɛra baa kpɔ ba nɔɔra ɛɡre do nyoa baa baɡa dɛ chwera la lɔɡa laanee, men Hakalia bibaa Nehemia maa ɛ harɛ la ta nomoa, ne Sedekia,

² ne Seraya ne Asaria dɛ Jeremia,

³ ne Pasur ne Amaria dɛ Malkija,

⁴ ne Hatus ne Sebania dɛ Maluk,

⁵ ne Harim ne Mɛremɔt dɛ Obadia,

⁶ ne Daneɛl ne Gineton dɛ Baruk,

⁷ ne Mɛsolam ne Abija dɛ Mijamin,

⁸ ne Maasia ne Bilɡai dɛ Sɛmaya. Gɛ nɛra nɔ bwa ɛ sɔfore.

⁹ Lewi dea tena baa jaa laanee nɔ, Asania bibaa Jesua ne Binui waa le Henadad dea dɛ Kadmiel,

¹⁰ ne ba daamanar, Sebania, ne Hodia ne Kelita ne Pɛlaya dɛ Hanan,

¹¹ ne Mika ne Rehob dɛ Hasabia,

¹² ne Sakur ne Sɛrebea dɛ Sebania,

¹³ ne Hodia ne Bani dɛ Bɛneno.

¹⁴ Harɛ la ta nomonome laanee nɔ, Parɔs ne Pahat Moab ne Elam ne Satu dɛ Bani,

¹⁵ ne Buni ne Asɡad dɛ Bebai,

¹⁶ ne Adonija ne Biɡvai dɛ Adin,

¹⁷ ne Ata ne Hɛsɛkea dɛ Asuur,

¹⁸ ne Hodia ne Hasum dɛ Bɛsae,

¹⁹ ne Harif ne Anatɔt dɛ Nebai,

²⁰ ne Maɡpias ne Mɛsolam dɛ Hesir,

²¹ ne Mɛsesabɛl ne Sadɔk dɛ Jadua,

²² ne Pɛlatea ne Hanan dɛ Anaya,

²³ ne Hosia ne Hanania dɛ Hasub,

²⁴ ne Halɔhɛs ne Pelha dɛ Sobek,

²⁵ ne Rehum ne Hasabena dɛ Maaseya,

²⁶ ne Ahia ne Hanan dɛ Anan,

²⁷ ne Maluk ne Harim dɛ Baana.

²⁸ Nɛra la kabora baa kaa, sɔfore ne Lewi dea tena ne nɛra baa dɛ daah Korowii Dea doonyoa, ne yelɡoola ne bonɔɔna baa dɛ ɛ toma Korowii Dea, dɛ nɛra baa koh Korowii Mmara la ta teŋa waa dɛ pere ba te le harɛre nɛra baa soɡa bar ba nɛ, ne ba haahna ne bibaala ne bihaahna baa dɛ no waa mun.

²⁹ Ba bwa kpɔ ba te ja ba sitɔɔla nɛɛ dɛ ŋwɛɛ ntam kɛŋɔ, baa teŋɛ Korowii Mmara waa cheɡɛ o bonɔɔ Mosis nɛɛ dɛ kpɔ tɛ la taa, dɛ́ nyiŋi kɛrɛdɛ dɛɛ teŋɛ o waa waa do ba a ta ne o webaɡla bwa ta. Ba ŋɔ, dɛ ba ta a ta teŋaa, Kórowii taah ba.

³⁰ Ya baɡɛ nyoa kɛ yaa ya bihaahnaa kpɔ tɛ nɛŋhɔɔhra baa soɡa bar yaa la yal, kɛɛ ba bihaahna ɡe tɛ ya bibaala ba mo ba.

³¹ Dɛ nɛŋhɔɔhra baa soɡa bar yaa yoɡ mea kɛɛ komɛlbwa tɛ yaa Ona Tɔpere kɛɛ tɔpere waa do ɡoroŋ bɛlbwa ta naa, yaa yawɛ. Bene anuanɛ bɛlbwa ta la, yaa ɡel ya harɛre ta paraa, dɛ́ kpɔ kema nɛra aa di yaa ɡe kɛ.

³² Ya sɛoh kɛŋɔ bena bɛlbwa yaa bɔ suuɡabwe jeɡaa, dɛ́ kpɔ cha Korowii yaa dɛ tomɔ la Dea kema.

³³ Kema kɛŋɔ, paanoo waa do ɡoroŋ bá kpɔ dawɛ teebur ta, ne mea sarahare baa dɛ ɛa tɔpere bɛlbwa, ne sarahare baa dɛ fuah, ne Ona Tɔpera sarahare, ne Korobifala Tɔpejena, ne tɔpejena baa lea cheɡ, ne sarahare kwaa aa do ɡoroŋ, ne wechɔɡa kpɔe dɛ kɛ sarahare baa kpɔ soŋe Israel tena wechɔɡa, dɛ tomare bwa aa lɔ Korowii yaa dɛ tomɔ Dea.

³⁴ Ya sɔfore ne Lewi dea tena ne nɛra la bwa ta bie, dɛ́ jemɛ dem bɛlbwa tena baa kpɔ damara ba Korowii yaa dɛ tomɔ Dea benanyoa bɛlbwa, bá kpɔ fuh sarahare kwaa la Korowii saraha kon la ta, ɡɛ baa chwera do Korowii Mmara Tɔn bini la.

³⁵ Ya bwa berɔ sɛh kɛŋɔ benanyoa bɛlbwa, yá kpɔ ya koo kondikonloɡla, ne daa bɛlbwa nɔna aa tɔ sie dɛɛ ba Korowii Dea.

³⁶ Yaa kpɔ ya bibanloɡla ne nae biloɡla, ne ya boohna ne peera biloɡlaa ba Korowii yaa dɛ tomɔ la Dea ba tɛ sɔfore baa dɛ ɛ toma bela la, ɡɛ baa chwera do Korowii Mmara Tɔn bini la.

³⁷ Yaa kpɔ ya kondikonloɡlaa la Korowii yaa dɛ tomɔ la Dea, bela baa dɛ cheɡ kwaa la, dɛ́ kpɔ ka tɛ sɔfore la, ya mendɛɛɡa ne mea sarahare, ne ya daa nɔna, ne senfala dɛ ɔleve no. Yaa bɔne komɛlbwa aa le ya kooni ta bɔre fii, dɛ́ kpɔ bɔrbeŋkpoŋ ka tɛ Lewi dea tena la, dɛkalkɛ banee dɛɛ lɛa ya bwɛɛre bwa ta.

³⁸ Sɔfo waa le Arɔn luɡe ta teŋɛ Lewi dea tena baa dɛ lɛ kwaa nɛra aa bɔne a bini bɔre fi, dɛ kpɔ bɔrbeŋkpoŋa dɛɛ ba a ne la nɛ, ásɛ Lewi dea tena la kpɔ anɔ la baa lɛa la bɔre fi bini bɔrbeŋkpoŋ ba Korowii yaa dɛ tomɔ la Dea. Dɛ́ kpɔ ba cheɡ deene baa dɛ cheɡ laala a yoɡ aa kpeɡa la bini.

³⁹ Israel tena ne Lewi dea tena la kpɔ ba mea ne senfala, dɛ ɔleve noo la kaa dejeɡre baa dɛ cheɡ laala baa kpɔa dɛɛ ɛ toma Korowii Dea la bini, bela sɔfore baa dɛ ɛ toma ne nɛra baa dɛ daah doonyoo dɛ yelɡoola aa dɛ so la. Yaa Korowii yaa dɛ tomɔ la Dea vɛh.