Mumpar 5 - mzwDBL

Adam naanar wa

¹ Kenii Adam naanar teŋɛ dɔŋa nɛ. Korowii aa ta nɛwɛnyina la, o ta ba ɡɛ o tenten aa doa.

² Baa ne haahnee o ta, asɛ dɛ swee ba andɛɛɡa, dɛ yer ba “nɛwɛnyina.”

³ Adam aa di bene lafa fifraatoro la, o lolɛ bibaa o le o ɡbaɡba, asɛ dɛ pa o sɔn Sɛt.

⁴ Sɛt lola habɔɔ la, o berɔ so bene lafraanuatoro, dɛ lolɛ o bibaala ne bihaahna bane ɡe.

⁵ Bene lafraanuanaarɛ fifraatoroo Adam di dɛ sewɛ.

⁶ Sɛt aa baa kpeɡ dɛ di bene lafa dɛ anue la, o lolɛ bibaa dɛ pa o sɔn Enɔs,

⁷ waa di bene lafraanuatoro dɛ anuanɛ la, o lolɛ bibaala ne bihaahna bane ɡe.

⁸ Waa sewa dɛ o di bene lafraanuanaarɛ dɛ fi dɛ anɛ.

⁹ Enɔs ɡe aa baa kpeɡ dɛ di bene fifraanuanaarɛ la, o lolɛ bibaa dɛ pa o sɔn Kenan.

¹⁰ A habɔɔ la, o berɔ di bene lafraanuatoro dɛ fi dɛ anue dɛ ɡe lolɛ bibaala ne bihaahna bane ɡe.

¹¹ Waa baa sewɛ dɛ o di bene lafraanuanaarɛ dɛ anue.

¹² Kenan ɡe aa baa kpeɡ dɛ di bene fifraanuanaarɛ la, o ɡe lolɛ bibaa dɛ pa o sɔn Mahalalel.

¹³ A habɔɔ la, o berɔ di bene lafraanuatoro fifraanaarɛ dɛ lolɛ bibaala ne bihaahna bane ɡe.

¹⁴ O ɡe aa baa sewɛ dɛ o di bene lafraanuanaarɛ dɛ fi.

¹⁵ Mahalalel ɡe aa baa di bene fifraanumɛl dɛ anue la, o lolɛ bibaa dɛ pa o sɔn Jarɛd.

¹⁶ Jarɛd habɔɔ la, o berɔ di bene lafraanuatoro dɛ fifraatoro, dɛ lolɛ bibaala ne bihaahna bane ɡe.

¹⁷ Waa baa sewɛ la, dɛ o di bene lafraanuatoro fifraanuanaarɛ dɛ anue.

¹⁸ Jarɛd ɡe baa kpeɡ. O bene lafa fifraanumɛl dɛ anɛ ta la, o lolɛ bibaa dɛ pa o sɔn Enɔk.

¹⁹ A habɔɔ la, o berɔ di bene lafraanuatoro dɛ ɡe lolɛ bibaala ne bihaahna bane ɡe.

²⁰ Waa baa sewɛ la, dɛ o di bene lafraanuanaarɛ fifraanumɛl dɛ anɛ.

²¹ Enɔk ɡe aa baa kpeɡ dɛ di bene fifraanumɛl dɛ anue la, o lolɛ bibaa dɛ pa o sɔn Mɛtusala.

²² A habɔɔ la, o ne Korowii kpɔ darame bene lafraatoro dɛ lolɛ o bibaala ne bihaahna bane ɡe.

²³ Waa baa sewɛ la, dɛ o di bene lafraatoro fifraanumɛl dɛ anue.

²⁴ Waa kpɔ Korowii darame dɛ biɡri o soɡa bini nomanta, Korowii baa kpɔɔ kaa o be nyundua. Nomɛlbwa ta on nae kpa.

²⁵ Mɛtusala ɡe aa baa kpeɡ dɛ di bene lafa fifraanuatoro dɛ anuanɛ la, o lolɛ bibaa dɛ pa o sɔn Lamɛk.

²⁶ Lamɛk lola habɔɔ la, o berɔ di bene lafraanuanɛ fifraanuatoro dɛ anɛ, dɛ lolɛ bibaala ne bihaahna bane ɡe.

²⁷ Waa baa sewɛ la, dɛ o di bene lafraanuanaarɛ fifraanumɛl dɛ anuanaarɛ.

²⁸ Lamɛk ɡe aa kpeɡa dɛ di bene lafa fifraanuatoro dɛ anɛ la, o lolɛ bibaa,

²⁹ dɛ pa o sɔn Nowa dɛ ŋɔ, “Bie nɔɔ dɛ́ ba tɛ yaa bosɔɔhna, dɛ́ lɛ yaa le Korowii taahna waa taah harɛ nɔ dɛ ɡel yaa koh ya tomare ta la ta.”

³⁰ A habɔɔ, Lamɛk berɔ di bene lafraanue fifraanuanaarɛ dɛ anue, dɛ lolɛ bibaala ne bihaahna bane ɡe.

³¹ Waa baa sewɛ la, dɛ o di bene lafraanuanɛ fifraanuanɛ dɛ anuanɛ.

³² Nowa ɡe aa baa kpeɡ dɛ di bene lafraanue la, o lolɛ bibaala batoro, asɛ dɛ pa bɛl sɔn Sɛm, bɛl ɡe Ham, asɛ toorote la ɡe Jafɛt.