Mumpar 36 - mzwDBL

Esɔ naanar wa

¹ Kenii Esɔ baa bera dɛɛ yerɔ Edom la bii ne o naanar waa do.

² Esɔ mo haahna batoro baa ɛ Keenan tena. Bɛl sɔne Ada, o mɛɛ ɛ Hiti te baa yerɔ Ɛlɔn, hanɛɛte ɡe sɔne Oholibama, o mɛɛ sɔne Ana. O nabaa sɔne Sibeon o ɛ Hivi te.

³ O hantoorote sɔne Basemat, o mɛɛ sɔne Ismael, o nimambie sɔne Nɛbayɔt.

⁴ Ada lolɛ bie baa yerɔ Elifas, asɛ Basemat ɡe lolɛ bɛl baa yerɔ Ruwɛl.

⁵ Oholibama lolɛ bibaala batoro baa yer ba Jeyus ne Jalam dɛ Kora. Bii Esɔ aa lol ba Keenan harɛ ta laanee la.

⁶ Esɔ kpɔ o haahna ne bibaala ne bihaahna, o dem tena bwa ne o kondɛɛra, ne komɛlbwa waa dɔa Keenan harɛ la ta bwa le o nime Jekɔb jwɛh dɛ kaa harɛfale bɛl ta ka so.

⁷ Dɛkalkɛ dɛ harɛ o ne Jekɔb aa soɡe o ta la aa kanɛ tɛɛ ba. Ba dɔ kondɛɛra asɛ a ya, anomanta, dɛ a chɛ kɛ bɛlbwa nyin bofale dɛ́ ka so o kwaa ne.

⁸ Asɛ Esɔ ka so Edom harɛ ta deŋɡarere ta.

⁹ Kenii Esɔ waa ɛ Edom tena naa la bii ne o naanar teŋɛ dɔŋa nɛ.

¹⁰ Esɔ bibaala waa lol ba laanee teŋa nɔ. O haah Ada lolɛ Elifas, asɛ Basemat ɡe lolɛ Ruwɛl.

¹¹ Elifas bibaala waa lol ba laanee, Teman ne Omar ne Sefo ne Gatam dɛ Kenas.

¹² Esɔ bibaa Elifas berɔ dɔ sɛno bɛl baa yerɔ Timna, asɛ dɛ lolɛ Amalɛk. Banɔ bwa ɛ Esɔ haah Ada naanar.

¹³ Ruwɛl bibaala waa lol ba laanee, Nahat ne Sɛra ne Samaa dɛ Misa. Banɔ bwa ɛ Esɔ haah Basemat ɡe naanar.

¹⁴ Esɔ haah Oholibama, waa ɛ Ana bihaah, dɛ berɛ ɛ Sibeon naa la bibaala waa lol ba laanee, Jeyus ne Jalam dɛ Kora.

¹⁵ Gɛ nɛra nɔ aa teŋa nɔ ɛ koranar Esɔ naanar bini. Esɔ biloɡle Elifas bibaala waa lol ba laanee, Teman ne Omar ne Sefo dɛ Kenas,

¹⁶ ne Kora ne Gatam dɛ Amalɛk. Banɔɔ ɛ Elifas naanar dɛ ɛ koranar dɛ so Edom. Ba berɔ ɛ Ada ɡe naanar.

¹⁷ Esɔ bibaa Ruwɛl bibaala waa lol ba laanee, Nahat ne Sɛra ne Samaa dɛ Misa. Banɔɔ ɛ Esɔ haah Basemat naanar dɛ ɛ koranar dɛ so Edom.

¹⁸ Esɔ haah Oholibama bibaala waa lol ba laanee, Jeyus ne Jalam dɛ Kora. Banɔɔ ɛ Esɔ haah Oholibama naanar dɛ ɛ koranar. Oholibama nya sɔne Ana.

¹⁹ Dɛ a ɡɛ nɛra nɔ bwa ɛ Esɔ bibaala, dɛ bwa ɛ koranar.

²⁰ Sɛɛ waa ɛ Hɔr te bibaala waa lol ba asɛ ba so Edom laanee, Lotan ne Sobal ne Sibeon dɛ Ana,

²¹ ne Dison ne Esa dɛ Disan. A ɡɛ Sɛɛ bibaala nɔ, dɛ ba ɛ Hɔr tena koranar dɛ so Edom.

²² Lotan ɡe bibaalaa, Hɔr ne Homam. Dɛ Lotan nimambie sɔne Timna.

²³ Sobal ɡe bibaalaa, Alvan ne Manahat ne Ebal ne Sɛfo dɛ Onam.

²⁴ Sibeon ɡe bibaalaa, Aeya ne Ana. A ɡɛ Ana nɔ kaa na newɔb a bule dɛɛ le pua hɛŋle ɡbo harɛ ta, ɡɛ saŋ dɛ o dɛ nyiŋi o mɛɛ Sibeon keeɡore ta.

²⁵ Ana bii waa lol ba laanee, Dison ne Oholibama waa ɛ Ana bihaah la.

²⁶ Dison ɡe ir dɛ lolɛ, o bibaalaa, Hɛmdan ne Ɛsban ne Itran dɛ Keran.

²⁷ Asɛ Esa ɡe bibaalaa, Bilhan ne Saavan dɛ Akan.

²⁸ Disan ɡe ir dɛ lolɛ, bibaalaa nɔ, Us ne Aran.

²⁹ Hɔr tena koranaree, Lotan ne Sobal ne Sibeon dɛ Ana,

³⁰ ne Dison ne Esa dɛ Disan. Banɔ nɔɔ Hɔr tena koranar ɡɛ ba fa aa soɡe ba harɛre ta Edom harɛ ta la.

Edom koranar

³¹ Koranar baa tɔ sie di Edom kora, mɔɔ Israel te bɛlbwa ɡe ba di la sɔnaa teŋa nɔ.

³² Beɔ bibaa Bɛla di kora Edom. Dɛ o bwɛjen sɔne Dinhaba.

³³ Kooro Bɛla aa baa sewɛ la, Sɛra bibaa Jobab waa le bwɛjen Bosra baa so o buɡ ta.

³⁴ Kooro Jobab ɡe aa baa sewɛ la, Husam waa le Teman harɛ taa baa di kora.

³⁵ Asɛ Kooro Husam ɡe aa baa sewɛ la, Bɛdad bibaa Hadad ɡee baa chiɡ o naa ta di kora. Onee fa yo Midian tena, dɛ pɔ ba nɛɛ Moab harɛ ta la. O bwɛjen sɔne Avit.

³⁶ Kooro Hadad ɡe baa sewɛ, asɛ Samla waa le bwɛjen Masrɛka ba di kora.

³⁷ Kooro Samla ɡe aa baa sewɛ la, Swaul waa le Rɛhɔbɔt waa chɔa bɛne nee laanee baa di kora.

³⁸ Kooro Swaul ɡe baa sewɛ, asɛ Akbɔ bibaa Baal Hanan ɡe ba chiɡ o naa ta dɛ di kora.

³⁹ Kooro Baal Hanan ɡe aa baa sewɛ la, Hadad chiɡ o naa ta, dɛ di kora. Dɛ o bwɛjen sɔne Pau. O haah ɡe sɔne Mɛhetabɛl, o ɛ Matrɛd bihaah. Matrɛd ɡe nya sɔne Mɛsahab.

⁴⁰ Gɛɛ koranar baa le Esɔ be pera ɡe waa do. Ba sɔna ne ba deene ta ne ɡɛ baa soɡaa nɔ. Timna ne Alva dɛ Jetɛt,

⁴¹ ne Oholibama ne Ɛla dɛ Penɔn

⁴² ne Kenas ne Teman dɛ Mibsar

⁴³ ne Maɡdiel dɛ Iram. Banee di kora Edom. Gɛ baa sosoɡa ba harɛre ta ne ɡɛ bɛlbwa wobol baa dɛ bol laanee la. Esɔ ɛ ba bwa naa.