Mumpar 10 - mzwDBL

Nowa bibaala la naanar

¹ Kenii Nowa bibaala Sɛm ne Ham dɛ Jafɛt waa do. Nee la aa sua dɛ hweeh la, ba bwa loɡle bibaala.

² Jafɛt bibaala waa lol ba laanee, Goma ne Maɡɔɡ ne Madai ne Javan ne Tubal ne Mɛsɛk dɛ Tiras.

³ Goma naanaree, Askenas ne Rifat dɛ Toɡama.

⁴ Javan naanaree, Elaisa ne Speen ne Saepros dɛ Roods tena.

⁵ Ba biirii nɛra baa peɡra dɛ ka so neerare nyoo, asɛ bɛlbwa dɔ ba wobol dɛ so ba harɛre ta.

Ham tena wa

⁶ Ham bibaala waa lol ba laanee, Kus ne Misraim ne Put dɛ Keenan. Ba sɔna nɔ cheɡɔ tɛ ba naanar sɔna.

⁷ Kus naanaree, Seba ne Havila ne Sabta ne Raama dɛ Sabtɛka tena. Raama ɡe naanaree, Seeba ne Dedan tena.

⁸ Kus bibaa bɛl ɡee Nimrod. Onee waa baa kpeɡ la, o yo laa dɛ do kpeɡri kohona harɛ nɔ ta la.

⁹ Dɛ o ɛ kpaah o bambile aa kpeɡa Korowii sie, a waa ba yon ŋɔ, “Kpaah waa dɔ bambikpeɡ Korowii sie kɛ Nimrod la.”

¹⁰ Bwɛjena waa tɔ sie di o kora a ta laanee, Babelɔn ne Ɛrɛk ne Akad dɛ Kalne aa lɔ Sina harɛ ta.

¹¹ Waa le harɛ la ta la, o berɔ kaa Asiiria harɛ ta, asɛ dɛ ka vɔrɔwe bwɛjena ane baa dɛ yera Niniwe ne Rɛhɔbɔt Ir dɛ Kala,

¹² ne Resen waa chɔ Niniwe ne Kala baah ta la. Onee ɛ bwɛjen kohona la.

¹³ Lud ne Anam ne Lɛhab dɛ Naftu tena nabaalee Misraim,

¹⁴ ne Patrus ne Kaslu dɛ Kaftɔ tena. Ba binii Filisti tena le.

¹⁵ Keenan ɡe aa baa kpeɡ la, o lolɛ o bibanloɡle dɛ pa o sɔn Sidon, dɛ lolɛ Hiti tena nabaa ɡe. Ba sɔna nɔɔ ba kpɔ dɛɛ yerɛ ba naanar,

¹⁶ ne Jebus ne Amɔre dɛ Girɡasi tena,

¹⁷ ne Hivi ne Aaki dɛ Sen tena,

¹⁸ ne Aavad ne Semari dɛ Hamat tena. A habɔɔ, Keenan tena lolanar bwa peɡre.

¹⁹ Asɛ a che a ta Keenan tena dɔ ba jwɛh dɛ le bwɛjen Sidon dɛ kpɔ ka le bwɛɛ bɛl sɔne Gerar ne bwɛjen Gasa, dɛ ka tel Sodom ne Gomoora ne Adma ne Seboiim dɛ ka tel Lasa.

²⁰ Banɔɔ Ham bibaala la, ɡɛ bɛlbwa wobol ne ba deene ne harɛ baa soɡe a ta aa doa.

Sɛm tena wa

²¹ Sɛm waa ɛ Jafɛt dɔɔ la ɡe lolɛ bibaala. Hibru tena bwa naa Sɛm.

²² Sɛm bibaala waa lol ba laanee, Elam ne Assur ne Aafaksad ne Lud dɛ Aram.

²³ Aram ɡe aa ira la, o bibaala waa lol ba laanee, Us ne Hul ne Geta dɛ Mɛsɛk.

²⁴ Aafaksadee lolɛ Seela asɛ Seela ɡe lolɛ Iba.

²⁵ Iba ɡe aa baa kpeɡ la, o lolɛ bibaala banɛ. Bɛl sɔne Pɛlɛɡ. O munii peɡra, dɛkalkɛ o saŋ taa nɛra baa lɔ harɛ nɔ ta bini peɡri la. Dɛ o nime ɡe sɔne Joktan.

²⁶ Joktan naanaree, Almodad ne Sɛlɛf ne Hasamavɛt dɛ Jera tena,

²⁷ ne Hadoram ne Usal dɛ Dikla tena,

²⁸ ne Obal ne Abemɛl dɛ Seeba tena,

²⁹ ne Ofir ne Havila dɛ Jobab tena. Dɛ banɔ bwa ɛ Joktan bibaala.

³⁰ Asɛ ba so bela harɛ la ta, dɛ le harɛre ane sɔne Mesa dɛ kaa Sefa waa lɔ wee leebɔr deŋɡarere harɛ ta.

³¹ Banɔɔ Sɛm bibaala la, ɡɛ bɛlbwa wobol ne ba deene ne harɛre baa soɡe a ta aa doa.

³² Banɔɔ Nowa naanar, harɛre baa soɡe a ta ne ɡɛ ba deene waa aa doa, ne ɡɛ baa soɡa teŋɛ dɔŋa nɛ. Nee la aa sua bɔle harɛ bwa habɔɔ la, a ɡɛ Nowa bibaala batoro nɔɔ loɡle bii asɛ ba mun ya, nɛwɛnyina warɛ harɛ nɔ ta la.