Josua 19 - mzwDBL

Simeon dea tena harɛ baa dɔa

¹ Simeon dea tena lolanar harɛ ɡee teŋa nɛɛ ba kpɔ tɛɛ ba. Harɛ baa dɔa la lɔ Juda dea tena harɛ baah ta.

² Bwɛjena laanee Beɛseeba ne Seeba dɛ Molada,

³ ne Hasar Sual ne Bala dɛ Esem,

⁴ ne Ɛltola ne Bɛtol dɛ Hɔrma,

⁵ ne Siklaɡ ne Bɛt Makabɔt dɛ Hasar Susa,

⁶ ne Bɛt Lebaot dɛ Sarohen. A bwa lɔ bwɛjena fi dɛ atoro, a ne a bwɛjeɡre.

⁷ Ane ɡee Ain ne Remɔn ne Ɛta dɛ Asan, a ɡe lɔ bwɛjena anaarɛ, a ne a bwɛjeɡre,

⁸ ne bwɛjeɡre aa bara dɛ kpoŋe ka le Baalat Beɛ, o do weekaŋle harɛbɔr. Simeon dea tena lolanar harɛ baa kpɔa tɛɛ ba o ɛ ba kapɛrɛ kon laanee la.

⁹ Dɛ Juda dea tena harɛ baa kpɔa tɛɛ ba la kan kohona to, asɛ ba pere o pera ja Simeon dea tena kon ta o ɛ ba kapɛrɛ kon.

Sebulon dea tena harɛ baa dɔa

¹⁰ Sebulon dea lolanar harɛɛ teŋa tooro ba kpɔ tɛɛ ba. Ba harɛ jwɛh la kaa tel wee leebɔr bwɛjen Sarid ta.

¹¹ O chɔɔ kaa wee cholibɔr dɛ kaa bwɛjena Marala, dɛ le bela kaa Dabesɛt, dɛ kpoŋe ka le fɛlembɔjen bɛl waa chɔ Jokneam wee leebɔr.

¹² Jwɛh la berɔ le Sarid wee leebɔr, dɛ kaa Keslɔt Tabɔ harɛ ta, dɛ teŋɛ ka le bwɛjen Daberat, dɛ ka tel bwɛjen Jafia.

¹³ O teŋɔ kpɔ wee leebɔr ɡɛ dɛ kaa bwɛjena Gat Hɛfa ne Ɛt Kasin, dɛ ka le Remɔn dɛ che bela ɡole kaa Nea.

¹⁴ Jwɛh la le bela dɛ ɡole kpɔ weekaŋle nyunduabɔr dɛ kaa bwɛjen Hanatɔn, dɛ ka jaɡɛ Ifta Ɛl Fɛlembɔjen ta.

¹⁵ Anɔ la aa jaa ɡee Katat ne Nahalal ne Simron ne Idala dɛ Bɛtlɛham. A bwa lɔ bwɛjena fi dɛ anɛ, a ne a bwɛjeɡre.

¹⁶ Gɛ bwɛjena nɔ ne a bwɛjeɡre lɔ Sebulon dea tena lolanar harɛ baa kpɔa tɛɛ ba o ɛ ba kapɛrɛ kon la ta.

Isaaka dea tena harɛ baa dɔa

¹⁷ Isaaka dea tena lolanar harɛɛ teŋa naarɛ ba kpɔ tɛɛ ba.

¹⁸ Ba harɛ ta bwɛjenaa Jesreel ne Kɛsolɔt dɛ Sunem,

¹⁹ ne Hafaraim ne Sion dɛ Anaharat,

²⁰ ne Rabet ne Keseɔn dɛ Ibes,

²¹ ne Rɛmɛt ne Ɛn Ganim ne Ɛn Hada, dɛ Bɛt Pasɛs.

²² Ba harɛ la jwɛh kaa tel Tabɔ ne Sahasuma ne Bɛt Sɛmɛs, dɛ ka jaɡɛ Jɔɔdan Moo la ta. A bwa lɔ bwɛjena fi dɛ anumɛl, a ne a bwɛjeɡre.

²³ Gɛ bwɛjena nɔ ne a bwɛjeɡre lɔ Isaaka dea tena lolanar harɛ, baa kpɔa tɛɛ ba o ɛ ba kapɛrɛ kon la ta.

Aasa dea tena harɛ baa dɔa

²⁴ Aasa dea tena lolanar harɛ ɡee teŋa nue ba kpɔ tɛɛ ba.

²⁵ Bwɛjena aa lɔ ba harɛ ta laanee, Hɛlkat ne Hali ne Beten dɛ Aksaf,

²⁶ ne Alamɛlɛk ne Amad dɛ Misal. O wee cholibɔr jwɛh la kaa tel Sehɔ Lebnat ne Kaamɛl Bwejen ta.

²⁷ Jwɛh la berɔ kpɔ wee leebɔr, dɛ chɔ kaa bwɛjena Bɛt Daɡɔn, dɛ ka tel Sebulon ne Ifta Ɛl Fɛlembɔjen ta. O berɔ kaa weekaŋle nyunduabɔr, dɛ kaa bwɛjena Bɛt Ɛmɛk ne Neyɛl, dɛ teŋɛ kpɔ weekaŋle nyunduabɔr kaa Kabul,

²⁸ ne Ɛbrɔn ne Rehob ne Hamɔn ne Kana, dɛ kpoŋe kaa Sidon.

²⁹ Ba jwɛh la berɔ berɛ dɛ kaa bwɛjena Rama ne Taaya baa ma danjwɛkpeɡ bara, dɛ teŋe ba kaa Hosa, dɛ ka jaɡɛ mpo ta Aksib harɛ ta,

³⁰ ne Uma ne Afɛk dɛ Rehob. A bwa lɔ bwɛjena fifraanɛ dɛ anɛ, a ne a bwɛjeɡre.

³¹ Gɛ bwɛjena nɔ ne a bwɛjeɡre nɔ lɔ Aasa dea tena lolanar harɛ baa kpɔa tɛɛ ba o ɛ ba kapɛrɛ kon la ta.

Naftale dea tena harɛ baa dɔa

³² Naftale dea tena lolanar harɛɛ teŋa numɛl ba kpɔ tɛɛ ba.

³³ Ba harɛ jwɛh la le Hɛlɛf, dɛ kpoŋe kaa dajen bɛl waa lɔ Saananim, dɛ kaa Adami Nekeb ne Jabneel, dɛ kpoŋe kaa Lakum, dɛ ka chiɡ Jɔɔdan Moo ta.

³⁴ O berɔ kpɔ wee cholibɔr, dɛ kaa bwɛjena Asnɔt Tabɔ ne Huukok. O kaa chiɡ Sebulon dea tena harɛ nyoa weekaŋle harɛbɔr, dɛ ka chiɡ Aasa dea tena harɛ ta wee cholibɔr, dɛ berɛ ka chiɡ Jɔɔdan Moo ta wee leebɔr.

³⁵ Ba bwɛjena baa ma danjwɛkpeɡa bara laanee Siidim ne Sɛɛr ne Haamat ne Rakat dɛ Kenerɛt,

³⁶ ne Adama ne Rama dɛ Hasɔ,

³⁷ ne Kedes ne Edrei dɛ Ɛn Hasɔ,

³⁸ ne Iron ne Miɡdal Ɛl ne Hɔrma ne Bɛt Anat dɛ Bɛt Sɛmɛs. A bwa lɔ bwɛjena fi dɛ anuanaarɛ, a ne a bwɛjeɡre.

³⁹ Gɛ bwɛjena nɔ ne a bwɛjeɡre nɔɔ ba kpɔ tɛ Naftale dea tena lolanar a ɛ ba kapɛrɛ kwa.

Dan dea tena harɛ baa dɔa

⁴⁰ Dan dea tena lolanar harɛɛ teŋa nuanɛ ba kpɔ tɛɛ ba.

⁴¹ Bwɛjena aa lɔ ba harɛ ta laanee, Sora ne Ɛstaol dɛ Ir Sɛmɛs,

⁴² ne Saalabim ne Aejalɔn dɛ Itla,

⁴³ ne Ɛlɔn ne Temna dɛ Ekron,

⁴⁴ ne Ɛlteke ne Gebɛtɔn dɛ Baalat,

⁴⁵ ne Jehud ne Bɛne Bɛrak dɛ Gat Remɔn,

⁴⁶ ne Me Jaakɔn ne Rakon, dɛ kpoŋe ka le Jopa harɛ ta bwa.

⁴⁷ Dɛ a kpeɡri tɛ Dan dea tena lolanar kɛŋɔ ba lɛ harɛ la, anomanta, ba iro dɛ ka pu bwɛjen Lɛsem tena yo, dɛ kpoo ba dɛ lɛ bela so. Ba soɡe bela dɛ kpɔ ba nabaa Dan sɔn pao.

⁴⁸ Gɛ bwɛjena nɔ ne a bwɛjeɡre nɔ ɛ Dan dea tena lolanar kapɛrɛ kwa.

Josua harɛ waa dɔa

⁴⁹ Baa bɔne harɛ la tonɛ la, Israel tena tɛ Nun bibaa Josua ɡe ɡbo bɛl o ɛ o kapɛrɛ kon.

⁵⁰ Bɔr waa ŋɔa o dɛ nyin laanee ba kpɔ tɛo ɡɛ Korowii fa aa bola la. Bwɛjen Timnat Seraa ba kpɔ tɛo, o lɔ Efrem deŋɡarere harɛ ta. Asɛ o berɛ kwaa vɔrɔwe bwɛjen la dɛ so bela.

⁵¹ Gɛɛ sɔfo Eliasa ne Nun bibaa Josua, dɛ Israel deene nomonome la bil daa bela baa soɡa bwɛjen Silo, Korowii Dea Cheremibɔr la sie, dɛ bɔne harɛ la tonɛ.