Josua 15 - mzwDBL

Juda dea tena harɛ Josua aa bɔna tɛɛ ba

¹ Juda dea tena harɛ baa bɔna lolanar ta la kaa tel Edom. Dɛ kpoŋe ka le Sin pua hɛŋle ɡbo harɛ ta dɛ kaa weekaŋle harɛbɔr le.

² Harɛ la jwɛh le Yar Mpo nyoa weekaŋle harɛbɔr,

³ dɛ chɔ kaa ŋwɛnɛ waa chɔ Akrabim Bwejen baah ta, dɛ kpoŋe kaa Sin pua hɛŋle ɡbo harɛ ta, dɛ kaa Kades Baanea weekaŋle harɛbɔr. O kaa ɡarɛ Hɛsrɔn dɛ kaa Adaar a bwa aa ɛ bwɛjena, dɛ berɛ ɡoŋe kaa bwɛjen Kaaka ta.

⁴ Harɛ la berɔ chɔ ka le bwɛjen Asmɔn dɛ ka chiɡ nenabɔjeɡa bɛl waa lɔ Ijipt harɛ jwɛh ta, dɛ ka jaɡɛ Mɛdetereenea Mpo la nyoa. Belaa ɛ Juda dea tena harɛ jwɛh, weekaŋle harɛbɔr.

⁵ Harɛ la wee leebɔr jwɛh le Yar Mpo la ta dɛ kpoŋe kaa Jɔɔdan Moo la nyoa. O weekaŋle nyundua jwɛh ɡe le Jɔɔdan Moo la nyoa,

⁶ dɛ chɔ kaa Bɛt Hoɡla, dɛ kpoŋe kaa Bɛt Araba weekaŋle nyunduabɔr, dɛ ka le Bohan ŋwam ta. Dɛ Rubin biee a ɡɛ Bohan nɔ.

⁷ Harɛ la jwɛh le bela kaa Akɔ Fɛlembɔjen ta, dɛ kpoŋe kaa bwɛjen Debir, dɛ berɛ ɡole kpɔ weekaŋle nyundua dɛ kaa Gelɡal, o sie aa chaɡɛ bobɛl ŋwɛnɛ aa chɔa dɛ kaa Adumim Bwejen weekaŋle harɛbɔr fɛlembɔjen la baŋ. Dɛ kpoŋe le Ɛn Sɛmɛs nee nyoa dɛ ka tel Ɛn Roɡel nyoa.

⁸ O berɔ chɔ kaa Bɛn Henɔm Fɛlembɔjen ta, dɛ kaa Jebus tena bwɛjen Jerusalam weekaŋle harɛbɔr. Jwɛh la le bela dɛ kpɔ deŋɡare bɛl waa lɔ Bɛn Henɔm Fɛlembɔjen doa wee cholibɔr, dɛ berɛ kaa Refaim Fɛlembɔjen ta weekaŋle nyunduabɔr.

⁹ Jwɛh la berɔ le deŋɡare la ta dɛ chɔ kaa Neftoa bule ta, dɛ kpɔ bwɛɛre ane aa chɔa bɛne Efron Bwejen la, dɛ ɡole kaa bwɛjen Baala.

¹⁰ O berɔ ɡole kpɔ Baala wee cholibɔr dɛ kaa Sɛɛ Bwejen waa lɔ Edom harɛ ta, dɛ kaa weekaŋle nyunduabɔr pera Jearim Bwejen ta, dɛ kaa bwɛjen Bɛt Sɛmɛs dɛ ka ɡarɛ bwɛjen Temna.

¹¹ Jwɛh la nyoa berɔ ka fɛrɛ Ekron deŋɡare weekaŋle nyunduabɔr, dɛ berɛ chaɡɛ kaa Sekerɔn Bwejen dɛ ka ɡarɛ Baala Bwejen, dɛ kpoŋe kaa bwɛjen Jabneel. O nyoa kaa jaɡɛ Mɛdetereenea Mpo la nyoa.

¹² Harɛ la wee cholibɔr jwɛh la jaɡɛ Mpo la nyoa. Harɛ la jwɛhre Juda dea tena ne ba lolanar aa sosoɡe a ta laanee la.

¹³ Jefune bibaa Kaleb waa le Juda dea tena bini la dɔ harɛ la pera, ɡɛ Korowii aa do Josua la. Bwɛjen Hɛbrɔn waa ɛ Aaba kon laanee ba kpɔ tɛ Kaleb. Anak tena nabaalee a ɡɛ Aaba nɔ.

¹⁴ Kaleb doŋi Anak naanar baa soɡe bela la bwa le bwɛjen Hɛbrɔn la ta. Dɛ nɛmbele batoro baa ɛ Anak tenaa lɔ bela. Banee Sɛsae ne Ahiman dɛ Talmai tena.

¹⁵ O le bela dɛ ka yo bwɛjen Kiriat Sɛfa tena.

¹⁶ Asɛ Kaleb ŋɔ, “Nomɛlbwa waa won yo Kiriat Sɛfa dɛ́ pɔ ba nɛɛ la, mɛɛ lawɛ n bihaah Aksaa tɛo ó mo.”

¹⁷ Kaleb dɔɔ sɔne Kenas, o bibaa Otniel wono ir, dɛ ka yo bwɛjen Debir tena, dɛ pɔ ba nɛ, asɛ Kaleb lawɛ o bihaah la tɛo o mo.

¹⁸ Baa ɛ ba hanfalwaa tonɛ la, Otniel ŋɔ Aksa be ŋɔ ó ka ŋɔ o mɛɛ be ó tɛo harɛ. Waa la o mɛɛ Kaleb be dɛ tu o keeɡo ta la, o mɛɛ den bɔɔro ŋɔ, “Bɔkwaa hɛɛ nyin ń ɛ tɛɛ nɔ?”

¹⁹ Anee o chaŋe ŋɔ, “Nyiŋi n nɛ. He tɛ mɛ harɛ pua hɛŋle ɡbo harɛ Nɛɡɛv. Tɛ mɛ bela nee aa bula dɛɛ le ɡe.” Asɛ o ka tɛo harɛ nee aa bula dɛɛ le o ta. Bɛl do nyunduabɔr, bɛl do harɛbɔr pera.

²⁰ Harɛ Juda dea bii ne ba lolanar aa dɔa ó ɛ ba kon laanee nɔ.

²¹ Bwɛjena aa lɔ weekaŋle harɛbɔr dɛ ɛ ba kapɛrɛ kwa, dɛ bɛne Edom jwɛh ta laanee Kabseel ne Ida dɛ Jaɡur,

²² ne Kina ne Dimona dɛ Adada,

²³ ne Kedes ne Hasɔ dɛ Itnan,

²⁴ ne Sif ne Telem dɛ Bealɔt,

²⁵ ne Hasɔ Hadata dɛ Kereɔt Hɛsrɔn.

²⁶ Amam ne Sema dɛ Molada,

²⁷ ne Hasar Gada ne Hɛsmɔn dɛ Bɛt Pɛlɛt,

²⁸ ne Hasar Sual ne Beɛseeba dɛ Bisiotia

²⁹ ne Baala ne Iim dɛ Esem,

³⁰ ne Ɛltola ne Chesel dɛ Hɔrma,

³¹ ne Siklaɡ ne Madmana dɛ Sansana

³² ne Lebaot ne Silhim ne Ain dɛ Remɔn. A bwa lɔ bwɛjena fifraanɛ dɛ anuanaarɛ, a ne a bwɛjeɡre.

³³ Bwɛjena aa lɔ deŋɡarere lɔɡre wee cholibɔr la ɡee Ɛstaol ne Sora dɛ Aasna,

³⁴ ne Sanoa ne Ɛn Ganim ne Tapua dɛ Enam,

³⁵ ne Jaamut ne Adulam ne Soko dɛ Aseka,

³⁶ ne Saaraim ne Aditaim ne Gɛdɛra dɛ Gɛdɛrɔtaim. A ɡe lɔ bwɛjena fi dɛ anaarɛ, a ne a bwɛjeɡre bwa.

³⁷ Anɔ la aa jaa Senan ne Hadaasa dɛ Miɡdal Gad

³⁸ ne Dilian ne Mispa dɛ Jokteel,

³⁹ ne Lakes ne Boskat dɛ Ɛɡlɔn,

⁴⁰ ne Kabɔn ne Laamam dɛ Ketles,

⁴¹ ne Gɛdɛrɔt ne Bɛt Daɡɔn ne Naama dɛ Makeda. A lɔ bwɛjena fi dɛ anumɛl, a ne a bwɛjeɡre bwa.

⁴² Ane ɡee Lebna ne Ɛta dɛ Asan,

⁴³ ne Ifta ne Aasna dɛ Nesɛb,

⁴⁴ ne Keila ne Aksib dɛ Maresa. A bwa lɔ bwɛjena anuanaarɛ, a ne a bwɛjeɡre.

⁴⁵ Bwɛjen Ekron ɡe ne bwɛjeɡre aa baro,

⁴⁶ Ekron wee cholibɔr, ne bwɛjena bwa aa bɛne Asdɔd, ne a bwɛjeɡre,

⁴⁷ Asdɔd ne bwɛjena ne anjeɡre aa baro, ne Gasa ne bwɛjena ne bwɛjeɡre aa baro, dɛ kpoŋe kaa Ijipt jwɛh ta ne Mɛdetereenea Mpo la nyoa.

⁴⁸ Deŋɡarere bwɛjena la ɡee Samir ne Jatir dɛ Soko,

⁴⁹ ne Dana dɛ Kiriat Sana

⁵⁰ ne Anab ne Ɛstemo dɛ Anim,

⁵¹ ne Gosen ne Holon dɛ Gilo. A lɔ bwɛjena fi dɛ beŋkpoŋ, a ne a bwɛjeɡre bwa.

⁵² Anɔ la aa jaa ɡee Arab ne Duma dɛ Esan,

⁵³ ne Janem ne Bɛt Tapua dɛ Afɛka,

⁵⁴ ne Humta ne Hɛbrɔn dɛ Sior. A bwa lɔ bwɛjena anuanaarɛ, a ne a bwɛjeɡre.

⁵⁵ Ane ɡee Mayɔn ne Kaamɛl ne Sif dɛ Juta,

⁵⁶ ne Jesreel ne Jokdeam dɛ Sanoa,

⁵⁷ ne Keen ne Gebea dɛ Temna. A bwa lɔ bwɛjena fi, a ne a bwɛjeɡre.

⁵⁸ Bwɛjena la ane ɡee Halhul ne Bɛt Sor dɛ Gedɔr,

⁵⁹ ne Maarat ne Bɛt Anɔt dɛ Ɛltekɔn. A bwa lɔ bwɛjena anumɛl, a ne a bwɛjeɡre.

⁶⁰ Ane ɡee Kiriat Baal, dɛ Raba. A bwa lɔ bwɛjena anɛ, a ne a bwɛjeɡre.

⁶¹ Pua hɛŋle ɡbo harɛ ta bwɛjena ane ɡee Bɛt Araba ne Meden dɛ Sekaka,

⁶² ne Nibsan, ba dɛ yerɔ Yar Bwɛjen dɛ Ɛn Gedi. A bwa lɔ bwɛjena anumɛl, a ne a bwɛjeɡre.

⁶³ Juda dea tena la ta wone doŋi Jebus tena baa soɡe Jerusalam la, ba ne ba bwa ta soɡe bela ba le fini.