Ɛsta 10 - mzwDBL

Kooro Sɛksɛs ne Mɔdekae

¹ A berɔ ba kɛŋɔ Kooro Sɛksɛs dɛ lɛ nɛra baa lɔ o harɛre ta bwa toɔ, hale dɛ kpoŋe kaa o harɛre aa lɔ mpo nyoa bwa.

² Wejena waa ɛa o kora dii saŋ, ne ɡɛ bwa waa ɛ Mɔdekae nomonjen la, ba chwerɔ do Midia ne Pɛɛsea koranar waa tɔne bini.

³ Mɔdekae ɛ nomonjen, dɛ Kooro Sɛksɛs toole naa, dɛ onee lole. O ɛ nɛnjen o dɔŋa Juu tena la bwa bini, asɛ baa tɛo jirima dɛɛ nyin o wa, dɛkalkɛŋɔ o nyin kɛrɛdɛ tɛɛ ba, dɛ nyin deŋnesɔɔhna tɛ o naanar bwa.