Aesaya 12 - mzwDBL

Kpɛɛra yela

¹ Awola tɔpere la, hɛɛ ɡo yelaa ŋɔ, “Korowii jam kɛ o baah fa aa di n nɛɛ dɛ berɛ sɔɔh dɛɛ larawe n bwara taraken nɔ.

² Kasinteŋ, Korowiirii n Lɛɛ. Mɛɛ dɛɛ yaradao dɛ bɛ dɛɛ ɔmɛ. Korowii bee n bokpeɡa do, n yel maa ɡo bwa ɡee kɛŋɔ Korowii. Onee n Lɛɛ.”

³ Gɛ nyɔɡre dɛ kpo nɛn o dɔ kɔlɔŋ nee nyɔ, o sie lɛ la, ɡɛɛ dɛ Korowii lɛ nɛra aa, ba sie ɛɛ lɛ.

⁴ Awola tɔpere la, hɛɛ ɡo yelee ŋɔ, “Hé yerɛ Korowii sɔn, hé jaamo. Hé ɡel harɛre nɛra bwa jemɛ ɡɛ waa ɛa, ásɛ dɛ berɛ baɡ ba ɡɛ o sɔn aa kana.

⁵ Hé ɡo yela kpɛɛ Korowii, o ɛ wejena ɡa, Hé bol a waa harɛ nɔ ta nɛra bwa no.

⁶ Saayɔn tena, hé hɛɡre dɛ́ ɡo yela kohona. Israel Nɛŋɡoroŋ la kan kohona! O ne o nɛra so.”