1 Webena 9 - mzwDBL

¹ Ba chwerɛ Israel tena bwa sɔna denaa ta do Israel Koranar Waa Tɔne bini. Juda tena wechɔɡa nomanta, ba laɡ ba laa ta kaa Babelɔn harɛ ta, dɛ́ kpɔ tɛr ba deŋne.

Nɛra baa soɡe Jerusalam

² Nɛra baa tɔ sie dɛ berɛ ba so ba ɡbaɡba deremi ta ne ba bwɛɛre ta laanee, Israel tena la bini bane ne sɔfore ne Lewi dea tena, dɛ bonɔɔna baa dɛ ɛ Korowii Dea toma.

³ Banɔ la baa le Juda ne Bɛnjamen ne Efrem dɛ Manasɛ deene ta dɛ ba so Jerusalam laanee nɔ.

⁴ Amihud bibaa Utai ne Omri bibaa Amihud, Imri bibaa Omri, asɛ Bani bibaa Imri, Bani ɛ Juda bibaa Pɛrɛs naa la.

⁵ Silo tena baa jaa laanee, Asaya, onee binomoa dɛ o bibaala.

⁶ Sɛra te waa jaa laanee, Jeyuwel. Nɛra baa le Juda dea lɔ nɛra lafraanumɛl fifraanuanaarɛ.

⁷ Bɛnjamen dea tena ɡee, Mɛsolam bibaa Sallu, ne Hodavia bibaa Mɛsolam ne Hasenua bibaa Hodavia,

⁸ ne Jɛroham bibaa Ibneya, ne Usi bibaa Ɛla, ne Mikri bibaa Usi, ne Sɛfatea bibaa Mɛsolam, ne Ruwɛl bibaa Sɛfatea, dɛ Ibnija bibaa Ruwɛl.

⁹ Nɛra baa le Bɛnjamen dea ba chwerɛ ba sɔna bwa lɔ nɛra lafraanuanaarɛ fifraanue dɛ banumɛl. Dɛ ba ɛ nomonnyuune.

¹⁰ Sɔfore ɡee, Jedaya ne Jehoiarib dɛ Jakin,

¹¹ ne Hilkia bibaa Asaria, ne Mɛsolam bibaa Hilkia ne Sadɔk bibaa Mɛsolam, ne Merayɔt bibaa Sadɔk, ne Ahitub bibaa Merayɔt. Asaria, dɛ onee nomoa dɛɛ nyiŋi Korowii Dea la ta.

¹² Jɛroham bibaa Adaya, ne Pasur bibaa Jɛroham, ne Malkija bibaa Pasur, ne Adeɛl bibaa Maasai, ne Jasera bibaa Adeɛl ne Mɛsolam bibaa Jasera, ne Mɛselɛmet bibaa Mɛsolam, dɛ Ima bibaa Mɛselɛmet.

¹³ Dɛ sɔfore baa ɛ nomonnyuune la bwa lɔ nɛra kaɡboŋ lafraanuanɛ fifraanumɛl, dɛ dɔ wejema dɛɛ ɛ toma Korowii Dea.

¹⁴ Lewi dea tena ɡee, Hasub bibaa Sɛmaya, ne Asrikam bibaa Hasub dɛ Hasabia bibaa Asrikam, o ɛ Merari te,

¹⁵ ne Bakbakaa, ne Hɛrɛs ne Galal, ne Mika bibaa Matania, ne Sikri bibaa Mika, dɛ Asaf bibaa Sikri,

¹⁶ ne Sɛmaya bibaa Obadia, ne Galal bibaa Sɛmaya, ne Jedutun bibaa Galal, ne Asa bibaa Bɛrekea, dɛ Ɛlkana bibaa Asa, o fa soɡe Nɛtɔfa tena harɛ ta.

¹⁷ Nɛra ba ɡe aa dɛ daah Korowii Dea doonyoa laanee, Salum ne Akub, ne Talmɔn ne Ahiman dɛ ba dɔɔranar ne nimanar. Asɛ Salum ɛ ba bwa nyu te

¹⁸ dɛ so doonyoa bɛl nyoa baa yerɔ Kooro Doonyoa wee leebɔr. Dɛ banɔɔ dɛɛ daah bela Lewi dea tena aa soɡa la doonyoo a ɡɛ saŋ.

¹⁹ Kore bibaa Salum waa ɛ Ɛbeasaf naa ne o bala baa le Kora dea, dɛ banee dɛɛ daah Korowii Dea la doonyoa ba naawa fa aa toma la.

²⁰ Wubwa la, dɛ Eliasa bibaa Fenehas nɛɛ Korowii ja wɛɛ nyiŋi nɛra baa dɛ daah doonyoo la nɛ.

²¹ Mɛselemea bibaa Sekaria ɡe fa dɛ daah Korowii Dea Cheremibɔr doonyoa bela.

²² Nɛra baa lee ba baa daah doonyoo aa lɔ bela la bwa lɔ nɛra lafraanɛ dɛ fi dɛ banɛ. Ba chwerɛ ba sɔna teŋɛ dɔŋa nɛɛ dɛ le ba bwɛɛre ta. Kooro Devid ne Samoɛl waa dɛ na chaahna laanee lee ba, dɛ kpɔ ba chɔ ba tomare nyoo, dɛ ŋɔ ba ɛa kasinteŋ ne.

²³ Ba ne ba naanar nɔn taa ba kpɔ Korowii Dea doonyoo la daahna do.

²⁴ Dɛ nɛra baa dɛ daah doonyoo la lɔ baŋne anaarɛ la bwa ta. O wee leebɔr ne wee cholibɔr, ne weekaŋle nyunduabɔr dɛ weekaŋle harɛbɔr. Asɛ bɛlbwa dɔ ba nomoa.

²⁵ Bane ba lolanar le ba bwɛɛre ta, dɛ baa cha ba. Bane balɔ ba ɛ toma yawanyoa beŋkpoŋ aa, dɛ ba kaalɔ, asɛ bane ɡe ba.

²⁶ Kɛ nomonome banaarɛ baa ɛ Lewi dea tena dɛ chɔ doonyoo la nyoo la, ba nɔn taa ba kpɔ deene baa dɛ cheɡ laala a yoɡ aa kpeɡa a bini bela la do.

²⁷ Baa dɛ daah bela la nomanta, jwaana bwaa ba yon so dɛ bar, doonyoo la safoone do ba be ba kpɔ dɛɛ pila chɔɔ bɛlbwa.

²⁸ Ba bini bane chɔ laala baa kpɔa dɛɛ ɛ toma bela nyoa. Mɔɔ bá paa le kɛɛ dɛ́ paa baa jo dea la bini la, ba dɛ kura.

²⁹ Ba bini bane ɡe, Boɡoroŋ la bini kwaara ne laala aa kaa dɛ do bela la lɔ ba nɔn ta. Dɛ kwaane kɛŋɔ men aa kpera kɛrɛdɛ, ne sen ne ɔleve no ne daawiile a sɔɔh aa soma, dɛ konsɔɔhsoma.

³⁰ Kɛ konsɔɔhsoma la koora te, sɔfore la bini bane nɔn taa a do baa ɛ.

³¹ Lewi dea te bɛl baa dɛ yerɔ Matitia, Kora te bɛl baa dɛ yerɔ Salum binomoaa, onee ba kpɔ paanoo baa kpɔa dɛɛ ɛ saraha wɔɔra do o nɔn ta.

³² Kohat dea bibaala la bane ɡee dɛɛ ɛ paanoo baa dɛ dawa teebur ta Ona Tɔpera ta.

³³ Banɔ la baa ɛ yelɡoola ne Lewi nomonnyuune la soɡe deene la bini, ba ta ɡelɛ baa ɛ toma bɛlbwa, dɛkalkɛ ba nɔn taa ba kpɔ bela toma ɛɛ do chɔɔ ne jwaana.

³⁴ Gɛ nɛra nɔ bwa ɛ Lewi dea tena nomonnyuune ne koranar ba kur ba teŋɛ dɔŋa nɛ, dɛ ba bwa soɡe Jerusalam.

Kooro Sɔɔl nabaala ne o naanar

³⁵ Dɛ Jeyɛl waa vɔrɔwe Gebeɔn la soɡe bwɛjen Gebeɔn. O haah sɔne Maaka,

³⁶ O binomoa sɔne Abdɔn, banɔ la baa jaa laanee, Sor ne Kes ne Baal ne Nɛr dɛ Nadab,

³⁷ ne Gedɔr ne Ahio ne Sekaria dɛ Meklɔt.

³⁸ Meklɔt ɡe ir dɛ lolɛ Simiam. Ba ɡe soɡo bɛne ba lolanar Jerusalam.

³⁹ Nɛr ɡe bie sɔne Kes, Kes lolɛ Sɔɔl, Sɔɔl lolɛ Jonatan ne Malki Sua ne Abinadab dɛ Ɛsbaal.

⁴⁰ Jonatan ɡe bibaalaa, Mɛreb Baal, asɛ o ɡe lolɛ Maeka.

⁴¹ Maeka ɡe bibaalaa, Petɔn ne Mɛlɛk ne Tarea dɛ Ahas.

⁴² Ahas ɡee lolɛ Jaada, Jaada ɡe lolɛ Alemɛt ne Asmavɛt dɛ Simri. Asɛ Simri ɡe lolɛ Mosa.

⁴³ Mosa ɡee lolɛ Binia, Binia ɡe lolɛ Refaya, Refaya ɡe lolɛ Eleasa, asɛ Eleasa ɡe lolɛ Asɛl.

⁴⁴ Asɛl ɡe lolɛ bibaala banumɛl. Ba sɔnaa, Asrikam ne Bokeru ne Ismael ne Searia ne Obadia dɛ Hanan.