1 Webena 7 - mzwDBL

Isaaka dea tena

¹ Isaaka bibaalaa, Tola ne Pua ne Jasub ne Simron. Ba lɔ bibaala banaarɛ.

² Tola ɡe bibaalaa, Usi ne Refaya ne Jeriel ne Jamai ne Ibsam dɛ Samoɛl. Dɛ ba bwa ɛ nomonnyuune. Kooro Devid bere saŋ la, dɛ Tola naanar baa tela ne laa laŋa lɔ nɛra kaɡboŋa fifraanɛ dɛ banɛ lafraanumɛl.

³ Usi ɡe bibaalee, Israhia. Israhia ɡe bibaalaa, Maekel ne Obadia ne Joel dɛ Isihia. Bii banue nɔ bwa ɛ koranar.

⁴ Ba mo haahna warɛ, asɛ ba bibaala ɡe warɛ, anomanta, ba dɔ baala kaɡboŋa fifraatoro dɛ banumɛl baa tela ne laa laŋa.

⁵ Isaaka dea bibaala baa tela ne laa laŋa, ba kur ba dɛ́ le o dea bwa lɔ nɛra kaɡboŋa fifraanuatoro dɛ banuanɛ.

Bɛnjamen ne Dan naanar

⁶ Bɛnjamen dɔ bibaala batoro, banee, Bɛla ne Bɛka dɛ Jedial.

⁷ Bɛla ɡe bibaalaa, Ɛsbɔn ne Usi ne Usiel ne Jerimot dɛ Iri. Ba lɔ nɛra banue, dɛ bwa ɛ nomonnyuune. Ba baala baa tela ne laa laŋa ba kur ba lɔ, nɛra kaɡboŋa fifraanɛ dɛ banɛ dɛ fifraatoro nɛra banaarɛ.

⁸ Bɛka ɡe bibaalaa, Sɛmira ne Joas ne Eliesa ne Elionai ne Omri ne Jɛremɔt ne Abija ne Anatɔt dɛ Alemɛt. Ba bwa lɔ bibaala banuanaarɛ.

⁹ Ba kure ba dea nomonnyuune, asɛ baala baa tela ne laa laŋa lɔ, nɛra kaɡboŋa fifraanɛ lafraanɛ.

¹⁰ Jedial ɡe bibaalee, Bilhan. Bilhan ɡe bibaalaa, Jeyus ne Bɛnjamen ne Ehud ne Kenaana ne Sɛtan ne Taases dɛ Ahisaha.

¹¹ Dɛ Jedial bibaala nɔ bwa ɛ nomonnyuune. Ba dɔ baala kaɡboŋa fi dɛ banuanɛ lafraanɛ baa dɛ ba wona la laa.

¹² Ir naanaree Supi tena ne Hupi tena. Asɛ Hus tena ɡe ɛ Aha naanar.

Naftale naanar

¹³ Naftale bibaalaa, Jaseel ne Guni ne Jesa dɛ Silem. Bilha naanaree ba bwa.

Manasɛ naanar

¹⁴ Manasɛ naanar ɡɛ baa teŋɛ dɔŋa nɛɛ nɔ. O ne Aram te waa ɛ o sɛno la lolɛ Asriel ne Makir, Makir ɡe ir dɛ lolɛ Gelead.

¹⁵ Makir mo haah tɛ Hupim, dɛ mo bɛl tɛ Supim ɡe. Dɛ Makir dɔ nimambie bɛl baa yerɔ Maaka. O dɔ bibaa bɛl baa yerɔ Selofehad. Bihaahna ɡboo o te lolɛ.

¹⁶ Makir haah Maaka lolɛ bibaala banɛ, bɛl sɔne Pɛres asɛ nɛɛte ɡe Sɛrɛs. Pɛres ɡe ir, dɛ lolɛ Ulam ne Rakem.

¹⁷ Ulam ɡe bibaalee, Bɛdan. A ɡɛ nɛra nɔ bwa ɛ Gelead o mɛɛ aa ɛ Makir, o nabaa ɛ Manasɛ la naanar.

¹⁸ Dɛ Gelead dɔ nimambie bɛl baa yerɔ Hamɔlɛkɛt. Onee lolɛ Esɔd ne Abeɛsa dɛ Maala.

¹⁹ Sɛmeda bibaalaa, Ahian ne Sɛkem ne Liki dɛ Aniam.

Efrem naanar

²⁰ Efrem ɡe bibaala ne o naanar wa. Onee lolɛ Sutela, Sutela lolɛ Bɛrɛd, Bɛrɛd lolɛ Tahat, Tahat lolɛ Eleada, Eleada ir, dɛ lolɛ Tahat,

²¹ Tahat lolɛ Sabad, Sabad ɡe lolɛ Sutela. Efrem berɔ lolɛ bibaala bane ɡe baa yer ba Esa ne Elead. Esa ne Elead iro ŋɔ ba ka ŋwɛ Gat tena kondɛɛra, asɛ ba kpoo ba.

²² Ba mɛɛ Efrem ɛ ba lwe biɡri, asɛ o lolanar ba larawe o bwara.

²³ A habɔɔ, o haah kpoŋe tea dɛ lolɛ bibaa dɛ pa o sɔn Bɛrea, dɛkalkɛ o ne o bibaala dɛ na wahala ba soɡa bini.

²⁴ Efrem dɔ bihaah baa yerɔ Seera. Seera vɔrɔwe Bɛt Hɔrɔn waa chɔ nyunduabɔr, ne Bɛt Hɔrɔn waa chɔ harɛbɔr dɛ Usen Seera.

²⁵ Efrem dɔ bie bɛl ɡe baa yerɔ Refa, asɛ o lolɛ Resɛf, Resɛf lolɛ Tela, Tela ɡe lolɛ Tahan,

²⁶ Tahan lolɛ Ladan, Ladan lolɛ Amihud, Amihud ɡe lolɛ Elisama,

²⁷ Elisama lolɛ Nun, asɛ Nun ɡe lolɛ Josua.

²⁸ Ba harɛ baa dɔa dɛ so o ta le Bɛtel ne bwɛjeɡre aa baro, dɛ kpoŋe ka le Naaran wee leebɔr, ne Gɛsa ne bwɛɛre aa baro wee cholibɔr, ne Sɛkem ne bwɛɛre aa lɔ Aeja ŋwɛnɛ ta, dɛ a bwɛɛre aa baro bwa.

²⁹ Dɛ kpoŋe ka le Manasɛ dea jwɛh ta kaa Bɛt San ne Taanak ne Meɡido ne Dɔr, dɛ bwɛɛre aa bar bela bwa. Dɛ Jekɔb bibaa Josef naanaree sosoɡe a ɡɛ bwɛɛre nɔ ta.

Aasa naanar

³⁰ Aasa ɡe bibaalaa, Imna ne Isva ne Isvi dɛ Bɛrea. Bihaah beŋkpoŋ waa ja ba nɛɛ sɔne Sera.

³¹ Bɛrea ɡe bibaalaa, Heba ne Malkeɛl, asɛ Malkeɛl ir dɛ lolɛ Birsait. A ɡɛ Malkeɛl nɔɔ vɔrɔwe bwɛjen bɛl baa dɛ yerɔ Birsait.

³² Heba ɡe bibaalaa, Jaflɛt ne Soma dɛ Hotam. Ba nimambie sɔne Sua.

³³ Jaflɛt ɡe bibaalaa, Pasak ne Bimhal dɛ Asvat.

³⁴ Soma ɡe bibaalaa, Ahi ne Roɡa ne Huba, dɛ Aram.

³⁵ O nime Hɛlɛm ɡe bibaalaa, Sofa ne Imna ne Sɛlɛs dɛ Amal.

³⁶ Sofa ɡe bibaalaa, Suua ne Haanefa ne Sual ne Bɛre dɛ Imra

³⁷ ne Bɛsa ne Hod ne Sama ne Silsa ne Itran dɛ Beera.

³⁸ Jɛta ɡe bibaalaa, Jefune ne Pispa dɛ Ara.

³⁹ Ula ɡe bibaalaa, Ara ne Haneɛl dɛ Risia.

⁴⁰ Aasa naanaree a ɡɛ nɛra nɔ bwa. Ba ɛ nomonnyuune ne banyoola, dɛ dɔ sɔna kohona. Ba baala baa kpeɡa ba kur ba bá won la laa lɔ nɛra kaɡboŋa fifraanɛ dɛ banumɛl.