1 Webena 4 - mzwDBL

Juda naanar

¹ Juda ɡe naanaree, Pɛrɛs ne Hɛsrɔn ne Kaami ne Hur dɛ Sobal.

² Sobal bibaalee Reaya, o ɡe lolɛ Jahat, Jahat lolɛ Ahumai dɛ Lahad. Banɔɔ Sora tena naawa, dɛ che tɛ ba deene.

³ Etam bibaala waa lol ba laanee, Jesreel ne Isma dɛ Idbas. Ba nimambihaah sɔne Haselelponi.

⁴ Pɛnoɛl bibaa sɔne Gedɔr, asɛ Esa ɡe lolɛ Husa. Banee Hur waa ɛ Efrata binomoa, waa vɔrɔwe Bɛtlɛham la naanar.

⁵ Asur waa vɔrɔwe Tekoa la mo haahna banɛ. Banee, Hela ne Naara.

⁶ Naara bibaala waa lol ba laanee Ahusam ne Hɛfa ne Temeni dɛ Haahastari. Banee Naara naanar.

⁷ Hela ɡe bibaalaa, Sɛrɛt ne Soha dɛ Ɛtnan.

⁸ Kos ɡe bibaalaa Anub ne Hasobeba, dɛ deene ba naa aa le Harum bibaa Ahahɛl luɡe ta.

⁹ Dɛ Jabɛs lolanar bini la, dɛ onee dɔ duure kohona. O nya pa o sɔn Jabɛs dɛ ŋɔ, “N bwara nyɛɡ mɛ o lola bini.”

¹⁰ Jabɛs wio no Korowii Israel tena aa dɛ tomɛ ŋɔ, “N Naa Korowii, swee mɛ andɛɛɡa, dɛ́ ɡel n harɛ do kan! Kpɔ nɔn tɔ n nɛ, dɛ́ lee mɛ waa aa kpɔ bonyɛɡa ba ta n nɛɛ ta.” Asɛ Korowii no o wesoŋa.

Lolanar bane baa jaa

¹¹ Suha dɔɔ Kelub, onee lolɛ Mehir, Mehir ɡe lolɛ Ɛstɔn.

¹² Ɛstɔn ɡe ir, dɛ lolɛ Bɛt Rafa ne Pasea dɛ Tehina, asɛ Tehina ɡe lolɛ Ir Nahas. A ɡɛ nɛra nɔ naanar fa soɡe Reka.

¹³ Kenas ɡe bibaalaa, Otniel ne Seraya. Otniel ɡe bibaalaa, Hatat ne Meɔnɔtae.

¹⁴ Meɔnɔtae ɡee lolɛ Ofra. Seraya ɡe lolɛ Joab, asɛ Joab ɡe ir, dɛ ka vɔrɔwe bwɛɛ fɛlembɔjen bɛl bini, Ge Harasim. Gɛɛ ba pa bela sɔn, dɛkalkɛ nɛra baa soɡe bela dɛ sɛh kwa.

¹⁵ Jefune bibaa Kaleb bibaalaa, Iru ne Ɛla dɛ Naam. Ɛla ɡe bibaalee, Kenas.

¹⁶ Jehalelɛl ɡe bibaalaa, Sif ne Sifa ne Tiria dɛ Asarɛl.

¹⁷ Ɛsera ɡe bibaalaa nɔ, Jɛta ne Mɛrɛd ne Efar dɛ Jalɔn. Mɛrɛd aa ira la, o mo haahna banɛ. Ba bini bɛl bii waa lola laanee Miriam. Dɛ o ɛ bihaah, ne Samai dɛ Isba ba ɡe aa ɛ bibaala. Esba ɡe bibaalee Ɛstemoa.

¹⁸ Ɛstemoa haah Juda te laanee lolɛ Jɛrɛd, o ɡe lolɛ Gedɔr ne Heba, Heba lolɛ Soko dɛ Jekutiel, o ɡe lolɛ Sanoa. A ɡɛ bibaala nɔɔ Ijipt kooro bihaah Bitia, Mɛrɛd aa moo la lolɛ.

¹⁹ Naham nahaah waa ɛ Hodia haah bibaalaa, Keila waa ɛ Gam te la mɛɛ, ne Maaka te Ɛstemoa.

²⁰ Simon ɡe bibaalaa, Amnɔn ne Rina ne Bɛn Hanan dɛ Telɔn. Asɛ Isi ɡe naanaree, Sohɛt ne Bɛn Sohɛt.

Seela naanar

²¹ Seela ɛ Juda bibaala la bini beŋkpoŋ. O naanaree Ɛr waa lolɛ Leka ne Laada waa lolɛ Maresa, ne dea bɛl nɛra baa dɛ ɛ yasɔɔhŋwɛɛra, dea waa lɔ Bɛt Asbea,

²² ne Jokim ne baala baa lɔ Kosiba, ne Joas ne Saraf waa di kara Moab, dɛ Jasubi Lɛhɛm. A ɡɛ waa nɔ le anɔ la saŋ la tena aa chwera bil la ta.

²³ A ɡɛ nɛra nɔ ɛ mamaala dɛ faa so Nɛtaem ne Gɛdɛra. Dɛ ba soɡe bela dɛ ɛ toma dɛɛ tɛ kooro la.

Simeon naanar

²⁴ Simeon naanaree, Nemoɛl ne Jamin ne Jarib ne Sɛra dɛ Swaul,

²⁵ asɛ Swaul lolɛ Salum, Salum lolɛ Mibsam, Mibsam ɡe lolɛ Misma.

²⁶ Misma ɡe luɡee la. O lolɛ Hamoɛl, Hamoɛl lolɛ Sakur, Sakur lolɛ Simee.

²⁷ Simee dɔ bibaala fi dɛ banumɛl ne bihaahna banumɛl, kɛ o nimanar te ta bii loɡlɛ kohona, anomanta, ba dea bii ta warɛ kɛ Juda dea tena.

²⁸ Dɛ ba soɡe bwɛɛre ane kɛŋɔ Beɛseeba ne Molada ne Hasar Sual,

²⁹ ne Bilha ne Esem dɛ Tolad,

³⁰ ne Bɛtoɛl ne Hɔrma dɛ Siklaɡ,

³¹ ne Bɛt Makabɔt ne Hasar Susim ne Bɛt Biri dɛ Saaraim. Dɛ a ɡɛ bwɛɛre nɔ taa ba so mɔɔ Kooro Devid ba di kora.

³² Bwɛɛre aa bar ba cheme laanee, Etam ne Ain ne Remɔn ne Token dɛ Asan. A bwa lɔ bwɛɛre anue,

³³ dɛ bwɛɛre aa bar bela dɛ kpoŋe kaa Baalat. Dɛ belaa ba soŋni, asɛ ba chwerɛ ɡɛ ba naanar aa soɡa denaa ta.

³⁴ Banee, Mɛsobab ne Jamlɛk dɛ Amasea bibaa Josa,

³⁵ ne Joel ne Josibia bibaa Jehu, ne Seraya bibaa Josibia, dɛ Aseɛl bibaa Seraya,

³⁶ ne Elionai ne Jaakoba ne Jesohia ne Asaya ne Adeɛl ne Jesimiel dɛ Bɛnaya,

³⁷ ne Sifi bibaa Sesa ne Alɔn bibaa Sifi, ne Jedaya bibaa Alɔn ne Simri bibaa Jedaya, dɛ Sɛmaya bibaa Simri.

³⁸ Dɛ a ɡɛ nɛra nɔ ɛ nomonome, dɛ chɔ ba deene nyoo. Ba mun yao kohona,

³⁹ asɛ dɛ yon le kaa Gedɔr dahare fɛlembɔjen la wee leebɔr, dɛ ka nyin dibɔra tɛ ba peera.

⁴⁰ Ba dɔ harɛdɛɛɡe waa wera tɛ ba peera, dɛ harɛ la paɡri, deŋnesɔɔhna ɡe do o ta, dɛ sɔɔh. Dɛ Ham tena bini bane fa soɡe bela.

⁴¹ Baala baa chwerɛ ba sɔna la balɔ Juda Kooro Hɛsɛkea bere saŋ. Ba kaa yo Ham tena la ba soŋnibɔra, ne Meuni tena ba ɡe aa lɔ bela, dɛ chɔɡ ba kwaraa. A ɛ danseɛ dɛ ba le fini. Ba kpɔ ba soŋnibɔra la so, dɛkalkɛ ba peera dɔ kondikwaa kohona dɛ́ di bela.

⁴² Belaa Simeon dea tena nɛra lafraanue ne ba nomonome, Pɛlatea ne Nearia ne Refaya ne Usiel baa ɛ Isi bibaala tɔ ba sie, ba ka yo harɛ bɛl baa dɛ yerɔ Sɛɛ waa ɛ deŋɡarere harɛ.

⁴³ Ba kpoo Amalɛk tena baa kaa la bwa, dɛ kpɔ bela so, dɛ ba le fini.