1 Webena 27 - mzwDBL

Laa tena bini bɔna

¹ Kenii Israel tena nomonnyuune ne nomonome baa chɔ laa tena kaɡboŋa ne lafare nyoo, ne ba nomonome baa dɛ tomɛ kooro, dɛɛ nyiŋi laa waa bwa ta benanyobir korobie bɛlbwa ta waa do. Dɛ ba bɔne ba bini, bɛlbwa dɔ laa tena kaɡboŋa fifraanɛ dɛ banaarɛ.

² Korobiloɡle ta la, Sabdiel bibaa Jasobeam. Ba lɔ laa tena kaɡboŋa fifraanɛ dɛ banaarɛ.

³ O ɛ Pɛrɛs naa, asɛ dɛ ɛ laa sitɔɔla bwa nomoa korobiloɡle la ta.

⁴ Korobinɛɛte ta, Aho te Dodai ɛ ba bwa sitɔɔ, asɛ Meklɔt ɡe ja o nɛ. Ba lɔ laa tena kaɡboŋa fifraanɛ dɛ banaarɛ.

⁵ Korobitooro te ta, sɔfo Jehoiada bibaa Bɛnaya, dɛ o ɛ laa sitɔɔ, asɛ laa tena kaɡboŋa fifraanɛ dɛ banaarɛ do o lɔɡa.

⁶ A ɡɛ Bɛnaya nɔ ɛ banyoo tenten, dɛ fa chɔ banyoola fifraatoro bane nyoa. O bibaa sɔne Amisabad, dɛ onee chɔ o laa tena nɔ nyoa.

⁷ Korobinaarɛ ta, Joab nime Asahɛl, dɛ o bibaa sɔne Sebadia dɛ ba chiɡ o naa ta. Ba ɡe lɔ laa tena kaɡboŋa fifraanɛ dɛ banaarɛ.

⁸ Korobinue ta, Samhut waa le Isra. Dɛ onee ba sitɔɔ, ba lɔ laa tena kaɡboŋa fifraanɛ dɛ banaarɛ.

⁹ Korobinumɛl ta, Ikes waa le Tekoa bibaa Ira. O laa tena lɔ kaɡboŋa fifraanɛ dɛ banaarɛ.

¹⁰ Korobinuanɛ ta, ba sitɔɔ Hɛlɛs, Pɛlɔn te, waa le Efrem dea la, dɛ o dɔ laa tena kaɡboŋa fifraanɛ dɛ banaarɛ.

¹¹ Korobinuatoro ta, ba sitɔɔ Sibekai, waa le Husa, dɛ le Sɛra dea la, dɛ o dɔ laa tena kaɡboŋa fifraanɛ dɛ banaarɛ.

¹² Korobinuanaarɛ ta, sitɔɔ la sɔne Abeɛsa waa le Anatɔt, dɛ le Bɛnjamen dea. Ba lɔ laa tena kaɡboŋa fifraanɛ dɛ banaarɛ.

¹³ Korobie fi ta, sitɔɔ la sɔne Maharai waa le Nɛtɔfa, dɛ le Sɛra dea. Ba lɔ laa tena kaɡboŋa fifraanɛ dɛ banaarɛ.

¹⁴ Korobie fi dɛ beŋkpoŋ ta, sitɔɔ la sɔne Bɛnaya waa le Peratɔn, dɛ le Efrem dea. Ba laa tena lɔ kaɡboŋa fifraanɛ dɛ banaarɛ.

¹⁵ Korobie fi dɛ anɛ ta, sitɔɔ la sɔne Hɛldai waa le Nɛtɔfa, o ɛ Otniel naa. Ba ɡe lɔ laa tena kaɡboŋa fifraanɛ dɛ banaarɛ.

Nomonome baa chɔ deene nyoo

¹⁶ Nomonome baa dɛɛ ɛ toma dɛ chɔ Israel deene nyoo laanee, Rubin dea, Sikri bibaa Eliesa. Simeon dea, Maaka bibaa Sɛfatea.

¹⁷ Lewi dea, Kɛmoɛl bibaa Hasabia. Arɔn dea, Sadɔk.

¹⁸ Juda dea, Elihu, o ɛ Kooro Devid dɔɔ. Isaaka dea, Maekel bibaa Omri.

¹⁹ Sebulon dea, Obadia bibaa Ismaya. Naftale dea, Asriel bibaa Jerimot.

²⁰ Efrem dea, Asasia bibaa Hosia. Manasɛ dea pera, Pɛdaya bibaa Joel.

²¹ Manasɛ dea pera tena baa soɡe Gelead, Sekaria bibaa Ido. Bɛnjamen dea, Abna bibaa Jaaseɛl.

²² Dan dea, Jɛroham bibaa Aasarɛl. Dɛ banee ɛ nomonome dɛɛ nyiŋi Israel deene ta.

²³ Kooro Devid ta baala baa wola bene fifraanɛ tele la kure, dɛkalkɛ Korowii baɡɛ nyoa ŋɔ wɛɛ ɡeloo Israel tena warɛ kɛŋɔ weweela ken.

²⁴ Dɛ Seruya bibaa Joab fe pa mun ŋɔ o kur ba kɛ o ta wone tonɛ. Anomanta, Korowii tɛr Israel tena deŋne nɛra kura nɔ wa, ba ta nɛra baa kur ba la nyoa baɡlɛ do Kooro Devid Waa Tɔne bini.

Nɛra baa dɛ nyiŋi Kooro laala ta

²⁵ Adeɛl bibaa Asmavɛt, dɛ onee dɛɛ nyiŋi koodem deene baa dɛ cheɡ laala a yoɡ aa kpeɡa a bini bwa ta. Ussia bibaa Jonatan ɡe ɛɛ nyiŋi deene baa dɛ cheɡ laala a bini, bwɛjeɡre ne bwɛjena dɛ jɛŋle ta.

²⁶ Kelub bibaa Esri chɔ nɛra baa dɛ parɛ kooni nyoa.

²⁷ Simee waa le Rama laanee dɛɛ nyiŋi daa aa dɛ nɔnɛ kooni ta. Sabdi waa le Sɛfam ɡe ɛɛ nyiŋi daa nɔna baa chaara, dɛ́ kpɔ kaa bela baa harama ta.

²⁸ Baal Hanan waa le Gɛda, ɡe chɔ ɔleve daa ne fiɡ daa aa lɔ wee cholibɔr deŋɡarere harɛ ta nyoa. Asɛ Joas ɡe chɔ ɔleve noo nyoa.

²⁹ Sitrai waa le Sarɔn, ɡee chɔ kooro nae nɛra aa kpɔa dɛɛ la a ne dibɔra Sarɔn nyoa. Asɛ Adlai bibaa Safat ɡe chɔ kooro nae baa kpɔa dɛɛ la dibɔra fɛlembɔjena bini nyoa.

³⁰ Obil waa le Ismael dea, ɡe chɔ nyoɡmare nyoa. Jedeya waa le Mɛrɔnɔt ɡe chɔ keeɡore nyoa.

³¹ Jasis waa ɛ Haɡri te ɡe chɔ peera ne boohna nyoa. A ɡɛ nɛra nɔ bwa ɛ Kooro Devid nomonome dɛɛ nyiŋi o laala ta.

Nɛra baa dɛ ja Kooro Devid

³² Jonatan waa ɛ Kooro Devid mɛɛ nime la ɛ nɛn waa dɛ ja nɛra. O dɔ wejema dɛ jemɛ tɔn ɡe. O ne Hakmoni bibaa Jehiel ɡee dɛɛ nyiŋi kooro bibaala nɛ.

³³ Dɛ Ahetofɛl ɡee dɛɛ ja kooro dɛɛ tɛo liire. Husai waa ɛ Aaki te ɛ kooro dam.

³⁴ Ahetofɛl aa baa sewɛ la, Bɛnaya bibaa Jehoiada ne Abiata baa chiɡ o naa ta, asɛ Joab ɛ kooro laa tena sitɔɔ.