1 Webena 25 - mzwDBL

Korowii Dea yelɡoola

¹ Kooro Devid ne o laa nomonome le Asaf bibaala Heman ne Jedutun baa bol Korowii wa, dɛɛ lɔ janjela ne kwaa anɛ ane baa kpɔ ayaawa ɛa dɛɛ hɛlɛ dɛɛ ɡo yela. Nɛra baa jaa dɛɛ ɛ a ɡɛ toma nɔ laanee teŋa nɔ.

² Asaf bibaala, Sakur ne Josef ne Nɛtanea dɛ Asarɛla. Dɛ Asaf bibaala lɔ Asaf lɔɡa wɛɛ nyiŋi ba nɛ. Onee dɛ Kooro dɛ nyin waane bini dɛ jemaa, o yon ɡel o bol Korowii waa.

³ Jedutun bibaala lɔ nɛra banumɛl, banee teŋa nɔ, Gedalia ne Sɛre ne Jesaya ne Simee ne Hasabia dɛ Matitia. Dɛ ba mɛɛ Jedutun dɛ nyiŋi ba nɛ dɛɛ bol Korowii wa, dɛ lɔ janjela ja dɛɛ kpɛɛ dɛɛ jam Korowii.

⁴ Heman ɡe bibaalaa nɔ, Bukia ne Matania ne Usiel ne Subael ne Jerimot ne Hanania ne Hanani ne Eliata ne Gedalti ne Romamti Esa ne Josbekasa, ne Maloti ne Hotir dɛ Mahasiot.

⁵ A ɡɛ nɛra nɔ bwa ɛ kooro keame Heman waa dɛ na chaahna dɛɛ bol o be la bibaala. Korowiirii kpɔa dɛɛ tɛo o kpɔ dɛɛ kpɛɛ kooro. Korowii tɛ Heman bibaala fi dɛ banaarɛ, dɛ bihaahna batoro.

⁶ Dɛ ba bwa lɔ ba mɛɛ sie dɛɛ lɔ kwaa anɛ ane baa kpɔ ayaawa ɛa dɛɛ hɛlɛ, ne janjela dɛɛ kpɛɛ Korowii o Dea. Asɛ Asaf ne Jedutun ne Heman ɡe do kooro lɔɡa wɛɛ nyiŋi ba nɛ.

⁷ Ba ne ba lolanar baa ja ba nɛɛ bwa lɔ nɛra lafraanɛ fifraanuatoro dɛ banuatoro, ba chaɡ ba ba dɔ yela ɡoe wejema, dɛ ɡo dɛɛ kpɛɛ Korowii.

⁸ Ba ne ba nomonome ne bechale bwa, chichare ne nɛra ba ta aa dɛ hweli, ba bil daa mɔɔ bɛlbwa jemɛ o toma waa ɛ.

⁹ Loɡle kon waa ɛ Asaf kon la luɡe ta la lawɛ Josef, o ne o bibaala dɛ o lolanar, nɛɛte lawɛ Gedalia, o ɡe ne o bibaala dɛ o lolanar,

¹⁰ toorote lawɛ Sakur, o ɡe ne o bibaala dɛ o lolanar,

¹¹ naarɛte lawɛ Isri, o ɡe ne o bibaala dɛ o lolanar,

¹² nuete lawɛ Nɛtanea, o ɡe ne o bibaala dɛ o lolanar,

¹³ numɛlte lawɛ Bukia, o ɡe ne o bibaala dɛ o lolanar,

¹⁴ nuanɛte lawɛ Jesarela, o ɡe ne o bibaala dɛ o lolanar,

¹⁵ nuatorote lawɛ Jesaya, o ɡe ne o bibaala dɛ o lolanar,

¹⁶ nuanaarɛte lawɛ Matania, o ɡe ne o bibaala dɛ o lolanar,

¹⁷ fite lawɛ Simee, o ɡe ne o bibaala dɛ o lolanar,

¹⁸ fi dɛ beŋkpoŋ lawɛ Aasarɛl, o ɡe ne o bibaala dɛ o lolanar,

¹⁹ fi dɛ anɛ lawɛ Hasabia, o ɡe ne o bibaala dɛ o lolanar,

²⁰ fi dɛ atoro lawɛ Subael, o ɡe ne o bibaala dɛ o lolanar,

²¹ fi dɛ anaarɛ lawɛ Matitia, o ɡe ne o bibaala dɛ o lolanar,

²² fi dɛ anue lawɛ Jerimot, o ɡe ne o bibaala dɛ o lolanar,

²³ fi dɛ anumɛl lawɛ Hanania, o ɡe ne o bibaala dɛ o lolanar,

²⁴ fi dɛ anuanɛ lawɛ Josbekasa, o ɡe ne o bibaala dɛ o lolanar,

²⁵ fi dɛ anuatoro lawɛ Hanani, o ɡe ne o bibaala dɛ o lolanar,

²⁶ fi dɛ anuanaarɛ lawɛ Maloti, o ɡe ne o bibaala dɛ o lolanar,

²⁷ fifraanɛ lawɛ Eliata, o ɡe ne o bibaala dɛ o lolanar,

²⁸ fifraanɛ dɛ beŋkpoŋ lawɛ Hotir, o ɡe ne o bibaala dɛ o lolanar,

²⁹ fifraanɛ dɛ anɛ lawɛ Gedalti, o ɡe ne o bibaala dɛ o lolanar,

³⁰ fifraanɛ dɛ atoro lawɛ Mahasiot, o ɡe ne o bibaala dɛ o lolanar,

³¹ fifraanɛ dɛ anaarɛ lawɛ Romamti Esa, o ɡe ne o bibaala dɛ o lolanar.